Rwoth odwoko ni, “Bedi winitie gi yeyo kada mathin paka nyingi kalantus di wiwaco ri yath madwoŋ me ni, ‘Fudhere woko gi tiendin ikidhi ipidhere i dier wakawaka, d'owinjo win.’ ”
To Zakayo oay ocungo to waco ri Rwoth ni, “Jadwoŋ, akidho miyo jocandi adec ma lim paran, odoko ka nitie nyatoro m'atieko diyo kwoŋe gipere akidho dwoko rigo ma kalo meno diŋwen.”
Munyo oriko waŋkac ma tindi no, oneno otiŋ ŋat'otho m'obedo wod pa citho moro, aka manago onwaŋo obedo nyathi acel no won kende. Lwak ji ma tindi oyido jowotho gi dhako no kanyacel.
Yesu openjo go ni, “Dhakodwoŋ, raŋo iywaki. Raŋo ŋa?” Paka dheno oparo ni meno won ndelo, owaco rigo ni, “K'iŋati ikwanyo go, jadwoŋ, waci ran kam'iketh'iye go akidhi aom go.”
Riameno, onwaŋo yenyere go wolokere paka wutmin i royo je, ŋey go wobedi jadwoŋ pa jocway ri Were i wi migam man gi wor kendo ma genere i tic pere ri Were, aka nyaka wogeŋ keme pa Were ri reco pa ji ŋey wocwaki jo.
Jadwoŋ pa jocway ri Were i wi migam, mawan me, k'obedo ŋata kiniaŋ nyapo mawan. Kucel, wanitie gi jadwoŋ pa jocway ri Were i wi migam ma bende olimo karatem i royo je paka walimo, to k'otimo gimarac.