Luka 7:12 - KITAWO MALEŊ Catholic

¹² Munyo oriko waŋkac ma tindi no, oneno otiŋ ŋat'otho m'obedo wod pa citho moro, aka manago onwaŋo obedo nyathi acel no won kende. Lwak ji ma tindi oyido jowotho gi dhako no kanyacel.

KITAWO MALEŊ

¹² Munyo oriko waŋkac ma tindi no, oneno otiŋ ŋat'otho m'obedo wod pa citho moro, aka manago onwaŋo obedo nyathi acel no won kende. Lwak ji ma tindi oyido jowotho gi dhako no kanyacel.

Luka 7:12 ပူးပေါင်းရင်းမြစ်များ

Cakirok 22:12

Malaika owaco ni, “Ikir'ikethi cingin kwoŋ jayac, kosa ikir'itim rigo gimoro je. Pama onyo aŋeyo ni ilworo Were, rupiri ikithwono go nyaka wodin acel.”

Cakirok 22:2

To Were waco rigo ni, “Kwany wodin, wodin acel g'acel Isaka m'imaro swa, aka ikadhi i piny Moria, t'imiyan go paka mic awaŋa wi got m'anowaci rin.”

2 Samwiri 14:7

Aka onyo pama jadwoŋ, wade paran je jowire ran, jomito ni amiy jo wodan m'oneko omin ŋey bende woneki go. Ka jotimi gime, aladoŋ m'ongoye nyathi; jolareyo geno paran, aka to joweyo cworan ma bu wode m'ocwok nyinge.”

1 Kerin 17:12

Citho odwoko ni, “Akwoŋere rin i nyingi Rwoth Were perin makwo nike angoye gi mugat m'otedi. Anitie nyaka g'adhoŋ cingan ma moko iy'acero, kodi donge mo iy'agwata. Adimo yen ŋey adoki atedi acami gi wodan. Meno bino bedo cemo mawan macowe, wariy kec to watho.”

1 Kerin 17:18

Citho openjo Elia ni, “Raŋo itimo ran gime? Ibino ka poyo Were reco paran ŋey imiy wodan wotho?”

1 Kerin 17:23

Elia odwoko jayac piny bongi min aka owaco ri citho ni, “Neni, wodin kwo!”

1 Kerin 17:9

“Ay, ikadhi i tindi Zarefath, cegin gi Sidon ibedi kenyo. Atieko miyo citho ma bedo kenyo cik pidhin.”

2 Kerin 4:16

aka Elisa owaco rigo ni, “I hongo me oro ma bino, ibino bedo gi wodin.” Dheno odwoko ni, “Be jadwoŋ, in ibedo jacwo pa Were, ikir'iwondan!”

2 Kerin 4:20

Aka munyo otiek tero nyathi bongi min, min otiŋo go i tiende tundo sawa aucel to tho.

Yobu 29:13

Ji m'oyido jocegin rere woko jokwayo ran silwany, aka amiyo cuny citho wero ri kisangala.

Zekaria 12:10

Alakonjo kwoŋ ot pa Daudi kodi ji ma jobedo i Yerusalem, cuny ma wor kodi ma kwayo, aka jolanenan ŋata jocwowo to joywak paka ŋata ywako wode acel g'acel. Jolabedo gi geregere rigo, paka ŋata ywako kayo pere.

Luka 7:11

Rumacen mayot, Yesu okidho i tindi m'ilwoŋo ni Nayin, kama jofonjirok pere kodi lwak ji madwoŋ jokwaŋ'iye go.

Luka 7:13

Munyo Rwoth oneno dheno, wor omako go gine, to waco ni, “Ikir'iywak.”

Luka 8:42

rupiri nyare acel g'acel won, m'onwaŋo romo oro apar g'ario, oyido cegin tho. Aka munyo Yesu kidho korago, lwak ji jodire kwoŋe to jothoko go.

Luka 8:52

Dhano je oyido ywako nyako no gi ndur. To Yesu owaco ni, “Wikiri wiywak; nyathi me k'otho, nindo ayino.”

Yohana 11:19

aka Joyuda mathoth onwaŋo jobino limo Marita kodi Maria gi kweyo cuny jo i teko pajo ma tho p'omin jo.

Tim pa Jomoor 9:39

Gikenyo Petero oyikere to kidho bongi jo. Munyo go otundo, oter go i ot ma malo. Mon tho je jothoko go munyo joywak aka jonyutho go satere gi k'otere ma Dokas otimo munyo fodi kwo.

Tim pa Jomoor 9:41

Petero otundo bonge to konyo go gi ay malo. Gikenyo Petero olwoŋo jom'oyeyo kodi mon tho, to cwayo go makwo rijo.

Yakobo 1:27

Yeyo ma Were Bawan tero paka yeyo m'otire m'ongoye rendirok a me: Kuro nyithindho kic kodi mon ma cwogi jo otho i candirok pajo, gi kurok kwoŋ reco ma piny.