Luka 6:38 - KITAWO MALEŊ Catholic

³⁸ Pok jowot win gigipiny, ŋey Were bino poko win bende. Rapor m'opoŋ, m'odile, m'oyengi to poŋ cuka oy; am'ibino ketho i cingi win. Kole rapor m'ioro ri jowotin ama Were bende bino oro ma kipima rin gine gima go dwoko rin.

KITAWO MALEŊ

³⁸ Pok jowot win gigipiny, ŋey Were bino poko win bende. Rapor m'opoŋ, m'odile, m'oyengi to poŋ cuka oy; am'ibino ketho i cingi win. Kole rapor m'ioro ri jowotin ama Were bende bino oro ma kipima rin gine gima go dwoko rin.

Luka 6:38 ပူးပေါင်းရင်းမြစ်များ

2 Samwiri 19:36

Akiripi kodi kemba madwoŋ paka ameno. Riameno alakwaŋin nyaka kalo malawa Yordan.

Yobu 42:11

Wutmin Yobu kodi nyimin go kodi jono je m'oyido joŋeyo go jobino, aka jocemo i ot pere. Jomako gi go wor, aka joyomo cuny go ri teko je ma Rwoth oyido okelo kwoŋ go. Kisi dhano omiyo go pesa gi peta ma zahabu.

Zabuli 79:12

Awi Rwoth, cul nonin man ca dibirio ro yet ma joyetin gine.

Kitawo mar'ario mapa Musa m'ilwoŋo ni Wok 21:24

waŋ ri waŋ, lak ri lak, cingi ri cingi, tiendi ri tiendi,

Agecin 10:22

Silwany pa Rwoth ama miyo ŋaŋo, aka go kimed'iye kumo.

Agecin 19:17

Ŋata nyutho jocandi wor cal ŋata kopa Rwoth gimoro, aka Rwoth laculo go m'opoŋ.

Agecin 22:9

Jono ma jopoko gimoro jobedo josilwany, kwoŋbedo jopoko cemo pajo ri jocandi.

Yeremia 32:18

Inyutho luse ganin mar perin makiwire, t'imiyo gir'acula ri nyithindho ro reco pa jonywol pajo. Awi Were Madwoŋ, aka Jameni, nyingin obedo Rwoth pa lwak jolweny.

Matayo 10:42

Aka adieri awaco riwin, ŋat'omiy acel kwoŋ nyithindho ma joluwan me kada nyaka pi maŋic rupiri go obedo ŋata luwan, ŋato kilakeŋ kemba pere.”

Matayo 7:2

Kwoŋbedo ibino thumo riwin banja i yo acel ma withumo gine banja ri jowoti win, aka ibino tiyo kwoŋ win gi cik ma witiyo gine kwoŋ jowoti win.

Mariko 4:24

To waco rijo ni, “Kethi win i tim gima wiwinjo; paka ipima gim'imiyo ji, apaka bende ibino kipima rin gim'ibino miyin, aka ibino medin kiri man.

Luka 6:30

Nyatoro je ma kwayin gimoro miy go, aka ikir'ikway dhano ni wodwoki rin giperin m'otieko mayin.

Kitawo mar'abic mapa Musa m'ilwoŋo ni Cik 15:10

Miy m'ongoye arom kendo m'ongoye kiŋunyaŋunya, aka ro gime Rwoth Were perin lamiyin silwany i tic perin je kodi i gimoro je m'itimo.

Yakobo 2:13

rupiri Were k'onyuthi wor ri ŋata k'onyutho wor ri wadi. To ŋata nyutho wor meno otieko loyo banja.

Jothum Banja 1:7

Adonibezek owaco ni, “Kerin piero abirio gi lwet cingi jo ma thwon kodi lwet tiendi jo ma thwon m'othumi woko oyido jodimo ŋinjeŋinje i tiendi meza paran. Paka atieko timo, ameno Were otieko culan.” Jokelo go i Yerusalem to tho kenyo.