Luka 6:30 - KITAWO MALEŊ Catholic

³⁰ Nyatoro je ma kwayin gimoro miy go, aka ikir'ikway dhano ni wodwoki rin giperin m'otieko mayin.

KITAWO MALEŊ

³⁰ Nyatoro je ma kwayin gimoro miy go, aka ikir'ikway dhano ni wodwoki rin giperin m'otieko mayin.

Luka 6:30 ပူးပေါင်းရင်းမြစ်များ

Zabuli 112:9

Go miyo ma nono, miyo jocandi, wor pere bedo cil gi cil go bino bedo jameni aka ibino woro go.

Zabuli 41:1

Jasilwany a ŋata dewo kwoŋ jocandi, Rwoth bino botho go i hongo ma teko.

Agecin 19:17

Ŋata nyutho jocandi wor cal ŋata kopa Rwoth gimoro, aka Rwoth laculo go m'opoŋ.

Agecin 21:26

Jokidakana jobedo ka jowanya ndelo gipi, to joma timo gim'otire jopoko ma jokigwondi.

Agecin 22:9

Jono ma jopoko gimoro jobedo josilwany, kwoŋbedo jopoko cemo pajo ri jocandi.

Jafonji 11:2

Pok lim perin i migew ario, kosa kada di boro, rupiri ikuya teko manyalo timere i piny.

Jafonji 8:16

Munyo amiyo cunyan ŋeyo rieko, gi neno gima timere i piny, anwaŋo ni wor g'odieceŋ waŋ dhano ngoye nindo.

Matayo 18:35

Yesu ocowo wac ni, “Meno apaka Baba man polo bino timo riwin ka wikicwaki omin win, gi cuny win je.”

Matayo 5:39

To onyo pama awaco riwin ni: Ikir'iculi kwor kwoŋ ŋata timo rin marac. Ka nyatoro ogoyo lembin maracuc g'adhoŋ, weyi wogoyi lembin maracam bende.

Matayo 6:12

Cwaki riwan reco mawan; Paka wacwako ri joma timo riwan marac.

Luka 11:41

To miy jocandi gima ni iy kikopo kodi atewe aka gigipiny no je bino bedo m'olony riwin.”

Luka 12:33

Tana win lim mewin je aka pesa mere wipoki jocandi. Bedi win gi migowe ma kiyec, aka wikan ŋaŋo mewin i polo kama k'omojer'iye, kendo ongoye jakwo manyalo gey'iye, kosa masirigi moro nyek'iye.

Luka 18:22

Munyo Yesu owinjo gim'owaco me, owaco rigo ni, “To fodi mitere rin timo gimoro acel. Tana woko lim perin je, ipoki jocandi pesa mere, aka ibino limo ŋaŋo i polo, ŋey nyaka ibin iluwan.”

Luka 6:29

Ka moro ogoyo lembin acel adhoŋ, wiri rigo man bende; aka ka moro omayin kot perin, ikir'icer go sati bende.

Luka 6:31

Tim ri jowotin paka imito bende jowotimi rin.

Luka 6:38

Pok jowot win gigipiny, ŋey Were bino poko win bende. Rapor m'opoŋ, m'odile, m'oyengi to poŋ cuka oy; am'ibino ketho i cingi win. Kole rapor m'ioro ri jowotin ama Were bende bino oro ma kipima rin gine gima go dwoko rin.

Tim pa Jomoor 20:35

Atieko nyutho win i gigipiny je nike timo tic gi meni miyo wanyalo konyo joma nyap munyo wapoyo wac pa Rwoth Yesu m'owaco ni, ‘Silwany nitie madwoŋ ri ŋata poko gimoro loyo ŋata limo.’ ”

2 Jokorintho 8:9

Kole wiŋeyo nema pa Rwodhiwan Yesu Kristo ni kada go oyido oŋaŋ, olokere jacandi ri bero mewin, ŋey go woloki win jom'oŋaŋ kwoŋ candi pere.

Joefeso 4:28

Ŋata yado kwalo wowey kwo, kucel wocaki tic, wotim tic mabeyo gi cinge wonyali kiri konyo jocandi.