Luka 6:25 - KITAWO MALEŊ Catholic

²⁵ Kidamba otundi riwin ma pama wiyeŋ; kole wibino pal gi kec. Kidamba otundi riwin ma pama winyero; kole wibino winjo malith to wiywak.

KITAWO MALEŊ

²⁵ Kidamba otundi riwin ma pama wiyeŋ; kole wibino pal gi kec. Kidamba otundi riwin ma pama winyero; kole wibino winjo malith to wiywak.

Luka 6:25 ပူးပေါင်းရင်းမြစ်များ

Zabuli 49:19

go lakadho i luse pa kwarere pere ma jok'oneni lero kendo.

Agecin 14:13

Kiri i nyero cuny jo ramo jo, to gike ma kisangala bedo ywak.

Agecin 30:9

Kwoŋbedo k'abedo gi mathoth, alakwedin, t'awaco ni, “Rwoth obedo ŋa?” K'abedo jacandi, alakwalo, t'akelo wickwot ri nyingin.

Jafonji 2:2

Awaco kwoŋ nyero ni, “Obedo miŋo.” Aka kwoŋ kisangala ni, “Kony mere bende aŋo?”

Jafonji 7:3

Rem loyo nyero, kwoŋbedo i kumo ma waŋ jo, cuny sangala.

Jafonji 7:6

Kole paka kudhin gwaro pendi ayiga, ameno apaka nyero pa jamiŋo nitie; me bende obedo pilok.

Isaya 28:7

Jome bende jobenga gi vini, jotangatanga gi math matek, jocway ri Were i wi migam gi jotuci wac Were. Jonywowere gi vini, jotangatanga gi math matek, aka jobenga i mikwenda pajo, aka jokom i miyo rieko.

Isaya 65:13

Riameno me apaka Rwoth Were waco, ŋecin paran jolacemo, to kec laneko win, ŋecin paran jolabedo gi gir'amadha, to riyo laneko win, ŋecin paran jolafore, to wilabedo giwickwot.

Isaya 8:21

Ji jolawotho i piny i litho madwoŋ gi kec, aka kec lamiyo jo nge to jokwoŋo kere pajo gi werin pajo. Jolaŋiyo malo i polo,

Isaya 9:20

Dhano ocamo cinge maracuc, to kec omedo neko, ocamo cinge maracam, to k'oyeŋ, kisi dhano ocamo riŋo ma cinge.

Amos 8:10

Abino loko kalima mewin kaliel, kodi wer mewin ywak ajore. Abino kelo pata wiwin to wiruko kutiya. Wibino cale jonywol, ma joywako nyaka wod gin acel. Ndelo no bino bedo magway kiri i gike.

Nahum 1:10

Paka kudhin, jowiyere, paka jomero, jomer; ilareyo woko jo paka kanja m'othwo kicutho.

Luka 12:20

To Were owaco rigo ni, ‘Ma miŋ me! Kole wor ma konon won me ibino omo cunyin. Onyo kweth gigipiny m'odhure me je obedi apa ŋa?’ ”

Luka 13:28

“Gikenyo ywak gi kayo lak bino bedo, kareno wineno Abraham kodi Isaka kodi Yakobo gi jotuci wac Were i Ker pa Were aka win am'obol win woko.

Luka 6:24

To kidamba otundi riwin wijoŋaŋo, rupiri witieko limo siem mewin.

Luka 6:26

Kidamba otundi riwin ma pama piny pako win; kole meno apaka cango kwarere mewin bende jopako jotuci wac Were ma twodo.

Luka 8:53

Jono jonyero go rupiri joŋeyo ni nyako no oyido otieko tho.

Joefeso 5:4

Kendo kiripi ni wac ma wiluwo wobedi ma kwoto wiy jo, ma miŋo, kosa kiliesa makoc. Kucel wiripo bedo munyo wifoyo Were ayino.

1 Jothesalonika 5:3

Munyo ji jowaco ni, “Siem nitie aka gimoro je oliŋ.” Gikenyo abwap to rerok tundo rijo. Bino cale gi litho ma dhako winjo munyo cegin nywol, aka jok'obudhere be!

Yakobo 4:9

Bedi win gi rem, gi geregere aka wiywak: Nyero mewin wolokere ywak, aka kisangala mewin wolokere rembo ayino!

Menyirok ri Yohana 3:17

Ato iwaco ni, “Aŋaŋ kendo anitie maber.” Iwaco kendo ni, “Anitie gi gimoro je m'ayenyo.” T'ikuya paka icandere. Kole yenyere womaki kodin wor ayino, ijacandi, initie kinyoro, aka waŋin je otho.

1 Samwiri 2:5

Jom'oyido joyeŋ am'onyo kec neko jo, aka jom'oyido kec neko jo am'onyo joyeŋ Dhako m'oyido kinywol onyo nitie gi nyithindho abirio, aka dhako m'oyido omore gi nyithindho onyo ongoye kada g'acel.