Luka 4:35 - KITAWO MALEŊ Catholic

³⁵ To Yesu oay kwoŋe ka waco ni, “Liŋi, aka woki woko kwoŋ go!” Aka munyo jwogi no otieko redho ŋato piny i dier ji, owok kwoŋe ma k'otimo rigo raco moro.

KITAWO MALEŊ

³⁵ To Yesu oay kwoŋe ka waco ni, “Liŋi, aka woki woko kwoŋ go!” Aka munyo jwogi no otieko redho ŋato piny i dier ji, owok kwoŋe ma k'otimo rigo raco moro.

Luka 4:35 ပူးပေါင်းရင်းမြစ်များ

Zabuli 50:16

To ri jakidakana Were waco ni, “Dwoŋ aŋo m'initie gine ma tuco or paran, kosa luwo kwoŋ cikirok paran?”

Zekaria 3:2

Rwoth owaco ri Sitan ni, “Abwokin, Awi Sitan! Rwoth m'oyero Yerusalem bwokin! Jacwo me k'obedo kasik mac m'ofudhi wok i mac?”

Matayo 17:18

Yesu ooro jwogi no wok to wok, to jayac no both gi i hongo no won.

Matayo 8:26

Yesu odwoko ni, “Wibwok ameno raŋo! Apaka yeyo mewin nok ama!” Gikenyo go oay malo to oro asur kodi wakawaka m'oyido tula kwe; aka gimoro je okwe maber.

Mariko 1:26

Gikenyo cuny m'ocido no oyengo ŋato gi meni to wok kwoŋe munyo koko gi derino madwoŋ.

Mariko 4:39

Yesu ocew, obwoko koyo no, to waco ri wakawaka ni, “Kudere! Kwe!” Aka koyo okwe to wakawaka je pie.

Mariko 9:26

Jwogi okoko malo, omiyo jayac no otho fum, to eye kwoŋe. Jayac no ocale p'otho, m'omiyo dhano je owaco ni, “Otieko tho.”

Luka 11:22

to ka ŋata loyo go gi meni omonji go to kengila go, bino mayo go gilweny m'onwaŋo go geno to poko jowote gigipiny m'onyaga no.

Luka 4:23

Odwoko ni, “Aŋeyo ni wibino waco ran ageca m'omar waco ni, ‘Jamilerwa, iwon bothere.’ Kendo ni, ‘Watieko winjo gimoro je m'otimere Kapernaum. Tim ameno bende loka perin ka.’ ”

Luka 4:39

Yesu ocungo kabuti dhako no to kwero two no bedo kwoŋe, to two weyo go. Piyo piyo no won to dhako no ay malo to cako rweyo jo.

Luka 4:41

Jwogi jowok kwoŋ ji mathoth ka joywak ni, “In, i Wod Were!” To go oay kwoŋ jo to cero jo luwo, rupiri oyido joŋeyo ni go Kristo.

Luka 8:24

Gikenyo jofonjirok jokidho to jocewo Yesu munyo jowaco ni, “Jafonji, Jafonji, watho!” Yesu ocew to ay malo, to oro koyo kodi pi ma tula kwe; gimoro je oliŋ to piny kwe.

Luka 9:39

Aka jwogi moro monjo go noknok, miyo go koko malo, to fum redho go piny, to gweco cuka bwoyo wok i dhoke, to futa go aka kimiti kada weyo go.

Luka 9:42

Munyo jayac no kidho, jwogi owito go aka ofodo go piny to gweco. To Yesu oay kwoŋ cuny m'ocido no, to botho jayac no, to dwoko go ri bamere.

Menyirok ri Yohana 12:12

Am'omiyo, polo sangala win, kodi wijoje ma win'iye! To candirok kidho bedo ri piny kodi nam! Kole Jwogi oloro riwin, aka opoŋ gi keme, rupiri go oŋeyo nike odoŋ gi nyaka hongo macek.”