Luka 24:27 - KITAWO MALEŊ Catholic

²⁷ Yesu otito rijo gima Ndiko Maleŋ oluwo kwoŋe cako kwoŋ kitawin pa Musa tundo i ndiko pa jotuci wac Were je.

KITAWO MALEŊ

²⁷ Yesu otito rijo gima Ndiko Maleŋ oluwo kwoŋe cako kwoŋ kitawin pa Musa tundo i ndiko pa jotuci wac Were je.

Luka 24:27 ပူးပေါင်းရင်းမြစ်များ

Cakirok 12:3

Abino miyo silwany jono ma jomiyin silwany; t'abino kwoŋo jono ma jokwoŋin. Aka wok kwoŋin piny je bino limo silwany.”

Cakirok 22:18

Piny je jobino kwayan amiy jo silwany paka atieko miyo nyikwayin, rupiri itieko winjo dwondan.”

Cakirok 26:4

Alamiyin nyikwayin kweth pa micalin ma polo, aka alamiyo nyikwayin lowo me. Nonin je jobino kwayan miyo jo silwany paka amiyo nyikwayin.

Cakirok 3:15

Abino ketho kwor i dier in gi dhako, aka i dier nyithindhin gi nyithindho pere. Nyithindho pa dhako jobino ŋinyo wiyin, aka ibino toŋo fundi jo.”

Cakirok 49:10

Yuda bino mako luth pa kere, aka nyikwaye wangi jobedo jodhum. Piny jobino kelo ri mic to jokule ruwaŋ go i wor.

Zabuli 132:11

Imiyo Daudi cikirok mar'adieri, cikirok m'ikibino wiro ni; “Abino ketho acel kwoŋ wotin kere, aka ladhumo yuŋeyin.

Isaya 1:23

Jodhum perin jobedo jodudi, aka merin pa jokwo. Kisi dhano omaro cami nyew aka joredo jolo mic. Jokithiel nyithindho kic, aka jokiwinji banja pa citho.

Isaya 50:6

Amiyo ŋeyan ri jono ma jogoyan, gi pindan ri jono ma jojwaco ye tikan, akipano waŋan, munyo joyetan to joŋulo kwoŋan law.

Isaya 7:14

Riameno Rwoth won gipi lamiyo win ranyuth. Neni, nyako mambula lagamo iye to nywolo wode aka ilacwoko nyinge ni Manwer.

Isaya 8:17

Alakuro Rwoth, go ma pano waŋe kwoŋ ot pa Yakobo, aka alaketho geno paran i go.

Isaya 9:1

To langoye kumo ri ŋat'oyido nitie i litho. I hongo macon okelo wickwot i piny pa Zebulun gi piny pa Nafital, to rumacen lamiyo royo ma nam dwoŋ, piny ma yombo Yordan, Galili pa nonin.

Ezekiel 34:23

Alajengo kwoŋ jo jakwath acel, ŋeca paran Daudi go lakwayo jo, go lakwayo jo to bedo jakwath pajo.

Ezekiel 37:25

Jolabedo i piny m'amiyo ŋeca paran Yakobo, ma kwarere pajo bed'iye; jo gi nyithindho pajo gi nyikway jo jobino bedo kenyo cil gi cil aka ŋeca paran Daudi labedo wod kere pajo cil gi cil.

Mika 5:6

Jobino dhumo piny Asiria g'abor, lowo pa Nimrod. Jobino botho wan kwoŋ Joasiria ka jomonji piny mawan, to joturo kew mawan.

Mika 7:20

Ibino nyutho Yakobo adieri, kodi mar makiwire ri Abraham, paka inyutho kwarere mawan wok cango con.

Zekaria 13:7

Cew, Awi abor, kwoŋ jakwath rombo paran, kwoŋ jacwo ma cungo cegin kodan, Rwoth pa lwak jolweny waco. Neki Jakwath rombo, ŋey rombo jowokedhere, aka alawiro cingan kwoŋ mathindho mere.

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Malaki 4:2

To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

Kwan 21:14

Riameno ondikere i Kitawo ma Lweny pa Rwoth ni, “Tindi Waheb i Sufa kodi milelin, Malawa Arinon,

Mariko 4:34

Oluwo gi jo i royo m'amiyo jowoniaŋ wac. Go k'oluwo gi jo m'ongoye agecin; to ka nitie gi jofonjirok pere wegi kakendi gin, tito rijo gimoro je gi thenethene mere.

Luka 24:25

Gikenyo Yesu owaco rijo ni, “A ji mamiŋ, aka wiboli i yeyo g'icuny win gimoro je ma jotuci wac Were jowaco!

Luka 24:44

Gikenyo owaco rijo ni, “Me gigipiny ma yado amaro waco riwin munyo fodi anitie gi win, ni gimoro je m'ondiki kwoŋan i Cik pa Musa, i ndiko pa jotuci wac Were, kodi i Zabuli onwaŋo ripo timirok.”

Yohana 1:45

Gikenyo Filipo onwaŋo Nathanel to waco rigo ni, “Watieko nwaŋo ŋata Musa ondiko kwoŋe i kitawo ma Cik, kodi ŋata jotuci wac Were jondiko kwoŋe. Go obedo Yesu, wod Yozefu ma Nazareth.”

Yohana 12:41

Isaya owaco ama rupiri oneno dwoŋ pa Ŋato, aka oluwo kwoŋe.

Yohana 5:37

Aka Baba m'ooran, bende otieko luwo kwoŋan. Fodi wikiwinjo dwonde, odoko fodi wikineno cal pere,

Yohana 5:39

Wifonjere Ndiko Maleŋ rupiri wiparo ni wibino nwaŋ'iye kwo makirum; aka kole Ndiko no ama luwo kwoŋan!

Tim pa Jomoor 10:43

Jotuci wac Were je joluwo kwoŋe, munyo jowaco ni nyatoro je m'oyey go ibino cwako reco pere gi meni ma nyingi go.”

Tim pa Jomoor 3:18

Me a gima Were cango owaco gi i dhok jotuci wac pere ni Kristo ripo candere; aka am'omiyo gino otimere adieri i royo me.

Tim pa Jomoor 3:22

Kole Musa cango owaco ni, ‘Rwoth Were mewin bino dhiro riwin jatuci wac Were ma bino wok kwoŋ ji mewin won paka odhiran bongi win ama. Wiripo ciko ithi win wiwinji gimoro je ma go owaci riwin.

Tim pa Jomoor 3:24

To jotuci wac Were je wok kwoŋ Samwiri kodi jom'oluwo ŋeye joje ma jobedo gi mikwenda, bende joluwo kwoŋ ndelo agono.

Tim pa Jomoor 7:37

Me a Musa m'owaco ri Joisiraili ni, “Were bino kelo riwin jatuci wac Were bende paka an, ma bino wok kwoŋ ji mewin won.”

Tim pa Jomoor 8:35

Gikenyo Filipo ocako tito rigo kwoŋ adec ma randik me; otito rigo Wac Manyen Maber mapa Yesu.

Kitawo mar'abic mapa Musa m'ilwoŋo ni Cik 1:45

Munyo wigik to wiywak ruwaŋ Rwoth, Rwoth k'owinjo dwondi win kosa k'odewo be.

Kitawo mar'abic mapa Musa m'ilwoŋo ni Cik 18:15

Rwoth Were mewin lamiyo win jatuci wac Were ma cale kodan wok i dier win, wok kwoŋ wutmin win, aka ama wiripo winjo go.

Menyirok ri Yohana 19:10

Gikenyo agore piny dho tiende ni alam go, to go owaco ran ni, “Ikir'itim ameno! A jatic nyawotin, acel kwoŋ wutmin in ma joridho adieri pa Yesu. Lami Were ayino! Kole adieri pa Yesu ama gudo cuny jatuci wac Were.”