Luka 20:36 - KITAWO MALEŊ Catholic

³⁶ Ato kareno jokinyal tho kendo, rupiri jocale jomalaika. Aka jobedo nyithindho pa Were, rupiri otiek cerino jo kwoŋ jom'otho.

KITAWO MALEŊ

³⁶ Ato kareno jokinyal tho kendo, rupiri jocale jomalaika. Aka jobedo nyithindho pa Were, rupiri otiek cerino jo kwoŋ jom'otho.

Luka 20:36 ပူးပေါင်းရင်းမြစ်များ

Isaya 25:8

Go lamwonyo woko tho kicutho, aka Rwoth Were layweyo woko pigi waŋ ji, to kwanyo woko wickwot pa ji pere wok i piny; kole Rwoth otieko luwo.

Hoseya 13:14

Anobothi jo wok i meni ma piny pa jom'otho? Anobothi jo kwoŋ tho? Awi tho, nikune meni perin, awi piny pa jom'otho, nikune loyo perin? Wor opanere woko ruwaŋan.

Zekaria 3:7

“Rwoth pa lwak jolweny waco ama: K'inowothi i yo paran, aka inokur fonji paran, kenyo iladhumo ot paran, aka alamiyin kapido paran bende, aka alamiyin thwolo ma donjo i dier jome ma jocungo ka.

Matayo 22:30

rupiri i cerino pa ji k'obed'iye nywomirok kosa nywom, to jobino cale jomalaika pa Were i polo.

Mariko 12:25

Kole ka jom'otho jocerino jobino cale gi jomalaika man polo, aka cwo gi mon jokibino nywomere.

Joroma 8:16

Meno meni pa Cuny no ama nyutho wan i cuny wan ni wabedo nyithindho pa Were.

1 Jokorintho 15:26

Jakwor m'ibino reyo macowe a tho.

1 Jokorintho 15:42

Meno bende apaka bino bedo ka jom'otho jocerino. Dhano m'iyiko obedo gima top; del ma go lacerino gine bino bedo gima kitopi.

1 Jokorintho 15:49

Aka paka waruko cal pa ŋat'ocwey gi fukefuke, ameno bende apaka wabino ruko cal pa ŋati m'owok i polo.

Jofilipi 3:21

Go bino wiro delkwoŋ wan manyap ma tho me, to loko ma cale gi delkwoŋe won ma didwoŋ, kareno oro meni ma go nyalo kelo gine gigipiny je i dhum pere.

Menyirok ri Yohana 20:6

Ji je ma jokwanere i cerino marapena me, meno josilwany odoko joleŋ! Ato tho mar'ario kilabedo gi meni kwoŋ jo, to jobino bedo jocway ri Were i wi migam ma jotiyo ri Were gi Kristo munyo jodhumo gine cowo oro gana acel.

Menyirok ri Yohana 21:4

Go bino yweyo pigi waŋ jo. Tho odoko k'obedi, kosa rembo, kosa ywak kosa litho, rupiri gigipiny macon jotieko leny woko.”

Menyirok ri Yohana 22:9

To go owaco ran ni, “Ikir'itim ameno! Abedo jatic nyawotin, i dier wutmere kodi jotuci wac Were kodi ji je ma jomako wac ma kitawo me. Lami Were ayino!”