Luka 20:20 - KITAWO MALEŊ Catholic

²⁰ Riameno jodwaro hongo ma ripo, to jodhiro jopendo moro ri Yesu, ma jorendere pa ji mabeyo, ŋey jowomaki wac m'okom m'owaci, nyaka jowoosa go bongi jor'adhum kodi Gavana.

KITAWO MALEŊ

²⁰ Riameno jodwaro hongo ma ripo, to jodhiro jopendo moro ri Yesu, ma jorendere pa ji mabeyo, ŋey jowomaki wac m'okom m'owaci, nyaka jowoosa go bongi jor'adhum kodi Gavana.

Luka 20:20 ပူးပေါင်းရင်းမြစ်များ

2 Samwiri 14:2

aka ooro nyatoro moro lwoŋo rigo dhako mariek swa wok i tindi Tekowa. Munyo dhako no otundo, Yowab owaco rigo ni, “Rendere pa ŋata ywak, iruki nangin perin ma ywak, aka ikir'iwire gi mo. Timere pa dhako m'otieko hongo malac swa munyo ywak.

Zabuli 38:12

Jono ma jomito nekan jociko ran bwo, jono ma jomito miyan litho jotisa an, jokioli gi timo can kwoŋan.

Zabuli 66:3

Waci ri Were ni, “Nga tim perin obedo ma gir'aura! Ro meni perin madwoŋ, jokwor perin joriewere piny gi lworo ruwaŋin.

Zabuli 81:15

Jono ma jodakan dinyo jokule ruwaŋan gi lworo, dinyo gir'acula pajo obedo cil gi cil.

Yeremia 11:19

To oyido acalo rombo m'ogen m'itero neko. Akiŋeyo ni oyido mako kwoŋan m'oyido jocamo tiende gi piny, ka jowaco ni, “Weyi warey woko yath g'olemo mere, weyi watoŋ woko go wok i piny pa jomakwo, ŋey wokiri wopoy nyinge kendo!”

Yeremia 18:18

Kenyo to ji jowaco ni, “Biye win watim gimoro ri Yeremia! Kole wak'ocandi jacway ri Were i wi migam ma fonjo wan, jomariek ma miyo wan rieko, kodi jotuci wac Were ma tuco mikwenda pa Were. Biye win, weyi wakel kwoŋe banja, aka weyi wakiri wawinji wac pere moro je.”

Yeremia 20:10

Kole awinjo mwoŋo pa ji kweth: Lworo madwoŋ thenge je thoko! Kwedere kwoŋe! Weyi wakwedere kwoŋe! Merin paran je m'ageno jokuro neno podho paran. Kono miti inyalo dwoŋo go, to wakengila go, to waculo kwor kwoŋe.

Matayo 27:2

Jotweyo go, jokadho gine, to joketho go i cingi Pilato, jadhum ma Roma.

Mariko 3:2

Kenyo bende oyido nitie jomoro ma jokiyo neno ni kono Yesu obothi ŋato i ndelo ma Sabato, ŋey jowokethi kwoŋe banja.

Luka 11:54

kareno jobuto rigo ŋey jowomaki go i wac pere moro.

Luka 20:21

Jopendo me jopenjo Yesu ni, “Jafonji, waŋeyo nike gim'iwaco kodi gim'ifonjo otire, kendo ikidew kwoŋ dwoŋ pa dhano moro je, to ifonjo adieri kwoŋ gima Were mito ri dhano timo.

Luka 20:26

Jok'onyalo mako go i gimoro m'owaco i dier ji kenyo, to joliŋ munyo jodhier ayin ro dwoki pere no.

2 Petero 2:3

I woro pajo, jofonji ma twodo me jobino cemo kwoŋ win gi kigana ma wegi jocwogo. Banja pajo otiek yiko thumo wok con, aka rerok pajo bende ki nibor to nicegin.