Luka 20:10 - KITAWO MALEŊ Catholic

¹⁰ Munyo ndir otundo ma fono vini, ooro ŋeca pere bongi jokur nike jowolimi rigo gim'onyak megi. To jokur jogoyo ŋeca no ayino to joriemo go to dok gi cinge nono.

KITAWO MALEŊ

¹⁰ Munyo ndir otundo ma fono vini, ooro ŋeca pere bongi jokur nike jowolimi rigo gim'onyak megi. To jokur jogoyo ŋeca no ayino to joriemo go to dok gi cinge nono.

Luka 20:10 ပူးပေါင်းရင်းမြစ်များ

1 Kerin 22:24

Kenyo jatuci wac Were Zedekia okidho bongi Mikaya to payo pinde adhoŋ aka owaco ni, “Woki keraŋo ma cuny pa Rwoth oweyan to luwo kodin?”

2 Kerin 17:13

Kucel Rwoth oyido ooro jomikwenda pere kodi jotuci wac Were gwoko Joisiraili kodi Joyuda ni, “Wire win kwoŋ tim mewin mareco aka wikuri Or paran kodi cik paran, cungo kwoŋ cik je m'amiyo kwarere mewin, kodi m'amiyo win luwo kwoŋ jotuci wac Were.”

1 Kigana kwoŋ Kerin 19:4

Hanun omako jomikwenda pa Daudi aka olielo adec ye tik gin, oyeco nangin pajo, to riemo jo woko.

2 Kigana kwoŋ Kerin 16:10

Gime omiyo Asa omako nge swa gi jatuci wac Were m'omiyo kiri otweyo go i katwec. Obedo i hongo acel me won ma Asa ocako ter'iye ji mogo gi gero.

Nehemia 9:26

“To ji perin jogwenyere aka jok'owinjin, jowiro dieŋey jo ri Cik perin. Joneko jotuci wac Were ma jogwoko jo, ma jowaco rijo gik bongin. Jocayin swa.

Nehemia 9:30

Ma oro kweth, ibedo moth gi jo, aka igwoko jo gi cuny perin luwo kwoŋ jotuci wac Were perin, to jok'onyalo winjo. Riameno iweyo nonin man kikengila jo.

Zabuli 1:3

Ŋato cale yath m'opidhi i waŋ pi ma mol ma nyak i ndir pere, aka boke mere kithwo. Kisi gima go timo yindira.

Yeremia 2:30

Atieko rwadho nyithindho mewin piny; jokwero winjo fonji. Abor mewin wegi ocamo woko jotuci wac were mewin paka simbwor ma reyo woko jo.

Yeremia 20:2

owodho cik ni wogoyan t'ikethan i lijegere cegin kodi waŋkac pa Benyamin ma yumalo i Ot pa Rwoth.

Yeremia 35:15

Atieko oro riwin ŋecin paran jotuci wac Were mar'amen k'awaco ni, “Wire win kisi dhano kwoŋ yo pere marac, yik win tim mewin, aka wikiri wikwoŋ werin man ka witiyo rijo, ŋey wibedi i piny m'amiyo win kodi kwarere mewin.” To wikiciko ithi win winjan.

Yeremia 5:24

Jokiwaci i cuny jo ni, “Mondo weyi win walwor Rwoth Were mawan, go m'amiyo koth i hongo mere ma ripo, koth ma oro kodi ma cwir, aka kuro riwan i hongo mere ndelin m'oyik ma keco i hongo mere.”

Luka 13:34

“A ji ma Yerusalem, ma joneko jotuci wac Were m'odhir rijo, aka megi jogoyo jo gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero!

Luka 20:11

To go odoko ooro ŋeca man, ma bende jokur jogoyo, jotimo go kicar, to joriemo go to dok gi cinge nono.

Luka 20:9

Gikenyo Yesu oluwo ri ji iy'ageca ama: “Dhano moro opidho ndelo vini to ketho i cingi jokur, to kadho wiloka ma hongo mabor.

Yohana 15:16

Wiŋati wikiyeran, aŋat'ayero win aka adimo win ni wikidhi winyak olemo kweth. Meno aka nyaka Baba bino miyo win gimoro je ma winokway go i nyingan.

Joroma 7:4

Meno apaka nitie kodi win wutmera. Wibende witieko tho kwoŋ gima mako kwoŋ Cik, rupiri wilokere adec ma delkwoŋ Kristo; aka onyo win apa go m'ocerino kwoŋ jom'otho, ŋey wanyal kwo kareno wakonyo tic pa Were.