Kalima pa Joyuda ma Kadho, oyido nicegin, aka ji mathoth jowok thenge gi thenge jokidho Yerusalem, timo kula ma lonyo delkwoŋ gin mafodi kalima no k'otundo.
Mafodi ndelo ma kalima ma Kadho, k'otundo, Yesu oniaŋ nike hongo pere otundo ma eye i piny wokidhi bongi Bamere. Paka ndir je go oyido omaro jopere i piny ka, omaro jo kiri i gike.
wiripo kelo i kabedo ma Rwoth Were mewin oyer paka kabedo ri nyinge gigipiny je m'amiyo win or kwoŋe: Mic awaŋa kodi cowirok mewin, acel wiy apar, kodi mic mewin je ma wiciko Rwoth.
Kole wiripo camo ruwaŋ Rwoth Were mewin i kabedo ma Rwoth Were mewin layero, win kanyacel gi nyithindho mewin, ŋecin mewin, kodi Jolevi ma jobedo i tindin mewin, ka wifore ruwaŋ Rwoth i kisi gimoro je ma witimo.
Didek kisi oro cwo mewin je joripo bino ruwaŋ Rwoth Were mewin i kabedo ma go layero: I Kalima ma Mugat ma buthow, Kalima ma Keco, kodi Kalima ma Kayindi. Jokiripi bino ruwaŋ Rwoth gi cingi jo nono;
Kisi oro Elikana gi peco pere oyido jokidho Silo lamo Rwoth Were gi miyo go cowirok kam'oyido wot Eli, Hofin gi Finehas oyido jotiyo paka jocway ri Were i wi migam.