Luka 18:32 - KITAWO MALEŊ Catholic

³² Ibino bolo go i cingi Jopath, ma jobino nyero go, yeto go, gi ŋulo kwoŋe law.

KITAWO MALEŊ

³² Ibino bolo go i cingi Jopath, ma jobino nyero go, yeto go, gi ŋulo kwoŋe law.

Luka 18:32 ပူးပေါင်းရင်းမြစ်များ

Isaya 50:6

Amiyo ŋeyan ri jono ma jogoyan, gi pindan ri jono ma jojwaco ye tikan, akipano waŋan, munyo joyetan to joŋulo kwoŋan law.

Isaya 52:14

Paka ji kweth jodhier munyo joneno go, cal pere oyido onyekere m'okalo cal pa dhano, aka neno pere okalo apa wot cwo.

Isaya 53:3

Ji jocayo go, aka jokwedere kwoŋe, dhano ma jarem, gi candirok madit. Ongoye ŋat'obolo kada waŋe ŋiyo go, wacayo go, aka wakidewo kwoŋe paka ŋata dikony.

Mika 5:1

Ji ma Yerusalem, coki win jolweny mewin! Okar wan! Jomonjo jatel ma Isiraili!

Matayo 16:21

Wok i hongo no kadho malo, Yesu ocako waco kamaler ri jofonjirok pere ni go ripo kidho Yerusalem wocandere tektek i cingi jotel pa ji kodi jotel pa jocway ri Were i wi migam, kodi jondiko. Jolaneko go, aka i ndelo mar'adek ibino cerino go kendo.

Matayo 20:19

Aka jobino ketho go i cingi Jopath wonyeri go, wocwadi go, t'iguro go kwoŋ musalaba, aka i ndelo mar'adek ibino cerino go.”

Matayo 22:6

aka joman jomako jotic no, jogoyo jo, to joneko jo.

Matayo 26:67

Gikenyo joŋulo i waŋe law to jogoyo go. Joman jogoyo lembe g'adhoŋ kareno jowaco ni,

Matayo 27:2

Jotweyo go, jokadho gine, to joketho go i cingi Pilato, jadhum ma Roma.

Mariko 14:65

Jomegi jocako ŋulo law kwoŋ Yesu, to joboyo waŋe, aka jopatho go g'adhoŋ, to jokoko malo ni, “Patuci ŋat'ogoyin!” Jolweny jotero go gicen to jogoyo go adonde.

Mariko 15:1

Odikin worwor, jotel pa jocway ri Were i wi migam, kodi jotel pa ji, kodi jondiko, kodi jopido gibe, joyiko paro kanyacel. Jotweyo Yesu gi lijegere to jotero go ruwaŋ Pilato.

Luka 18:33

Jobino cwado go to joneko go, to i ndelo mar'adek ibino cerino go.”

Luka 23:1

Lwak ji gibe joay to jotero Yesu ruwaŋ Pilato

Luka 23:11

Herode kodi jolweny pere jokelo ginyero kwoŋ Yesu to jotimo rigo gicay. Rumacen joruko rigo nanga maŋon to jodwoko go bongi Pilato.

Luka 23:35

Ji oyido jocungo kenyo joŋiyo jo, kareno jodhum pa Joyuda jonyero aka joŋalo go ni, “Obotho joman; ere weyi won wobothere, ka go a Kristo ma Were oyero adieri!”

Yohana 18:22

Munyo Yesu owaco ama, acel kwoŋ jokur ogoyo lembe g'adhoŋ aka owaco ni, “Inyalo nedi luwo ameno gi jadwoŋ pa jocway ri Were i wi migam?”

Yohana 18:28

Jokwanyo Yesu i ot pa Kaifas to jotero go i cel pa gavana. Piny onwaŋo obedo odikin worwor. Joyuda jok'odonjo i cel rupiri oyido joyenyo jowokure ma jok'obedo makoc i kite ma cik, ŋey jowocami kalima ma Kadho.

Yohana 18:30

Jodwoko ni, “Di wakikelo go bongin bedi go k'otimo raco moro.”

Yohana 18:32

(Me onyutho adieri gima Yesu onwaŋo otieko waco munyo go nyutho kiti tho ma go latho.)

Yohana 18:35

Pilato odwoko ni, “Iparo nike a Jayuda? Kole ji perin wegi kodi jotel pa jocway ri Were i wi migam ama jokelin bongan. Itimo aŋo?”

Tim pa Jomoor 2:23

Were, i mito pere gi rieko pere, onwaŋo otieko yiko con nike bino ketho Yesu me i cingi win; am'omiyo wineko go munyo wiketho ji mareco to joguro go kwoŋ musalaba.

Tim pa Jomoor 3:13

Kole Were pa Abraham, Isaka, kodi Yakobo, Were pa kwarere mawan, am'omiyo Yesu Jatic pere dwoŋ. Wibolo go i cingi jodhum aka wikwedo go ruwaŋ Pilato, kada munyo Pilato onwaŋo otieko ridho gunyo go.