Luka 16:22 - KITAWO MALEŊ Catholic

²² Ndelo otundo ma jacandi no otho to jomalaika jotiŋo go, to jotero go bongi Abraham, i polo; jaŋaŋo bende otho t'iyiko.

KITAWO MALEŊ

²² Ndelo otundo ma jacandi no otho to jomalaika jotiŋo go, to jotero go bongi Abraham, i polo; jaŋaŋo bende otho t'iyiko.

Luka 16:22 ပူးပေါင်းရင်းမြစ်များ

Yobu 21:13

Jobedo i kwo ma siem, aka jotho moth m'ongoye candirok.

Agecin 14:32

Jokidakana ikengila jo gi tim pajo marac, to jom'otire jonwaŋo kapondo i tiro pajo.

Jafonji 8:10

Aka i nger no, atieko neno k'iyiko jokidakana. Oyido jomaro donjo gi wok i Kabedo Maleŋ, aka wiy ji owil gi jo i tindi madwoŋ kama jotim'iye nger gino. Me bende obedo pilok.

Isaya 14:18

Kerin pa nonin je jonindo i dwoŋ, kisi dhano i kaliel pere,

Isaya 22:16

‘Imito timo aŋo ka, aka inigi ŋa ka, m'ipayo kayik perin, win ma wipayo kayik mewin kam'oŋawere, aka wigoro kabedo mewin i tele?

Matayo 18:10

“Neni ni wikicay nyaka jomathindho me; kole awaco riwin, i polo koro jomalaika pajo jonitie ruwaŋ Baba man polo hongo je.

Matayo 24:31

gikenyo go bino oro jomalaika pere kudho gwara ma ywak malo, aka jobino coko jom'oyer pere wok i tum aŋwen ma koyo, wok i tielo acel ma polo tundo i man.

Matayo 8:11

Poyi win gime! Jomathoth jobino wok yuwok ceŋ kodi yupodho ceŋ to jobedo dhower i Ker ma polo kodi Abraham, Isaka, kodi Yakobo.

Mariko 8:36

Aŋo ma dhano olim ka oloki piny gipi apere, to rwenyo woko kwo pere won?

Luka 12:20

To Were owaco rigo ni, ‘Ma miŋ me! Kole wor ma konon won me ibino omo cunyin. Onyo kweth gigipiny m'odhure me je obedi apa ŋa?’ ”

Luka 16:21

Go oyido kuro camo nyaka ŋinjeŋinje cemo ma podho piny wok i dhower pa jaŋaŋo no; aka ameno gwokere bende jobino to jonaŋo adholin pere.

Yohana 1:18

Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

Yohana 13:23

Acel kwoŋ jofonjirok ma Yesu omaro, onwaŋo bende obedo kabuti Yesu.

Yohana 21:20

Petero owire to neno jafonjirok man luwo jo ma Yesu omaro, ma ndir ca othenere bongi Yesu dhower to penjo ni, “Rwoth, ŋata kidho camo rin sereko?”

Joebulaniya 1:14

Jomalaika meno ki cuny ma jotiyo ri Were, ma go ooro konyo joma jobino limo both?

Joebulaniya 2:14

Paka nyithindho obedo ma del gi remo, Yesu bende olokere paka jo i del, aka nyaka i tho pere worey woko jwogi, manitie gi meni kwoŋ tho,

Yakobo 1:11

Ato ceŋ wok gi lietho mathoth to waŋo woko dudi; thiwe oy woko, to ŋono mere nyekere woko. Meno bende apaka ibino reyo woko jaŋaŋo munyo go yindin gi tic pere.

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

Menyirok ri Yohana 14:13

Gikenyo awinjo dwondi nyatoro m'owok i polo munyo waco ni, “Ndiki gime: Josilwany a joma wok pama kadho yumalo jolatho i tic pa Rwoth.” “Ey,” Cuny waco, “Jobino ywomirok kwoŋ tic pajo matek, rupiri tim pajo luwo jo.”