Luka 15:17 - KITAWO MALEŊ Catholic

¹⁷ To munyo oparo i cunye, owaco ni, ‘Kole jotic pa baba je jonigi cemo ma jocamo denge to doŋ; to raŋo m'akidho tho kec ama!

KITAWO MALEŊ

¹⁷ To munyo oparo i cunye, owaco ni, ‘Kole jotic pa baba je jonigi cemo ma jocamo denge to doŋ; to raŋo m'akidho tho kec ama!

Luka 15:17 ပူးပေါင်းရင်းမြစ်များ

Zabuli 119:59

Atieko paro kwoŋ kula paran, t'aciko luwo fonji perin.

Zabuli 73:20

Jocale lek ka moro ocew, k'icew, Awi Rwoth, to joleny.

Jafonji 9:3

Me obedo raco ma timere i pendi waŋceŋ, ni gimoro acel timere ri kisi dhano. Aka bende, cuny ji je opoŋ gi raco, aka neko nitie i cuny jo kafodi jokwo, aka rumacen jokadho bongi jom'otho.

Yeremia 31:19

Kole munyo atieko wire woko kwoŋin, apusere. Rumacen abino aniaŋ, apayo eman, abedo giwickwot aka adhier, kwoŋbedo oyido anitie giwickwot mareco paran ma soye paran.

Ywakirok 1:7

Yerusalem poyo, hongo ma litho pere kodi keco, gigipiny pere je ma welo, m'oyido obedo apere i hongo macon. Munyo ji pere jopodho i cingi jakwor, oyido ongoye ŋat'okony go, jakwor oneno to nyero podho pere.

Ezekiel 18:28

Go oneno to wire woko kwoŋ reco pere ma go oyido timo, go lakwo adieri aka kilatho.

Hoseya 2:7

Go laŋwec riemo jomitirok pere, to k'omaki jo; ladwaro jo, to k'onwaŋ jo. Nyaka to go waco ni, “Alakadho t'agik bongi cworan marapena, rupiri oyido bero nitie ran con mere loyo pama.”

Luka 15:16

Aka go d'osangala camo amola majanjal ma mbiji camo, to moro ongoye m'omiyo go gimoro.

Luka 16:23

Munyo go oyido nitie i litho madwoŋ swa i piny pa jom'otho, otiŋo waŋe malo to neno Abraham gi bor koro, kodi Lazaro kabute.

Luka 8:35

Ji bende jokidho neno gim'otimere. Jobino bongi Yesu to jonwaŋo dhano ma jwogi jowok kwoŋe obedo piny dho tiendi Yesu, m'oruko nanga aka wiye ber, to lworo mako joje.

Tim pa Jomoor 12:11

Gikenyo Petero nyaka oniaŋ kwoŋ gim'owok timirok rigo, to waco ni, “Nyaka onyo aŋeyo ni gime obedo adieri! Rwoth ooro malaika pere wobothan kwoŋ meni pa Herode kodi kwoŋ gigipiny je ma Joyuda oyido jocano timo ran.”

Tim pa Jomoor 2:37

Munyo jowinjo gime, cuny jo oramo jo swa, to jopenjo Petero kodi jomoor man ni, “Wutmin wan wanotim aŋo?”

Joefeso 5:14

ato gimoro je m'othangi kamaler lokere lero. Am'omiyo nitie wac ma waco ni, “Cew, in janindo me, aka ay ieye woko kwoŋ jom'otho, aka Kristo bino liel kwoŋin.”