Luka 15:16 - KITAWO MALEŊ Catholic

¹⁶ Aka go d'osangala camo amola majanjal ma mbiji camo, to moro ongoye m'omiyo go gimoro.

KITAWO MALEŊ

¹⁶ Aka go d'osangala camo amola majanjal ma mbiji camo, to moro ongoye m'omiyo go gimoro.

Luka 15:16 ပူးပေါင်းရင်းမြစ်များ

Yobu 30:4

Joŋweto ayuyu i dudi to jocamo, kodi fuc raywe ma miyo jo lietho.

Zabuli 142:4

Awire yuracuc t'aneno, to ongoye ŋata paro kwoŋan, angoye gi kapondo, ongoye dhano ma paro kwoŋan.

Zabuli 73:22

oyido amiŋ aka akuya gimoro, oyido acalo ogwaŋ rin.

Isaya 44:20

Go pidhere gi buru, cuny ma komo otieko rwayo go, aka kinyal botho kwo pere kosa waco ni, “Gima nitie i cingan maracuc me k'obedo gitwodo?”

Isaya 55:2

Raŋo wioro pesa ri gima k'obedo cemo, gi meni mewin ri gima kiyeŋ win? Winjan win maber, aka wicam gimaber, to wiyodere gi cemo ma dicwe.

Isaya 57:3

To win, core win ka, win nyithindho pa jothieth, nyithindho pajo jacot gi jakidakana.

Ywakirok 4:5

Jono m'oyido jocamo gima mit, jojwangere i royin, jono ma jodongo i kwo mayom, onyo jodimere i bur buru.

Hoseya 12:1

Efrayim kwayo koyo, aka riemo koyo ma yuwok ceŋ ndelo gipi; jonyayo wac kicar g'akaka; jotimo cikirok gi Asiria, aka itiŋo mo tero Misir.

Matayo 7:6

Ikir'imiy gwokere gigipiny maleŋ, jobino wire rin to jokayin ayino; kendo ikir'ibol ge ma welo ri mbiji, jobino nyonanyona ayino.

Luka 15:15

Gikenyo go okidho bedo paka misemeli pa nyatoro i piny no to miyo go tic kwayo mbiji.

Luka 15:17

To munyo oparo i cunye, owaco ni, ‘Kole jotic pa baba je jonigi cemo ma jocamo denge to doŋ; to raŋo m'akidho tho kec ama!