Luka 13:35 - KITAWO MALEŊ Catholic

³⁵ Kole Ot pa Were man kenyo ibino jwango, aka awaco riwin, wik'onenan kendo cuka winowaci ni, ‘Jasilwany a ŋata bino i nyingi Rwoth!’ ”

KITAWO MALEŊ

³⁵ Kole Ot pa Were man kenyo ibino jwango, aka awaco riwin, wik'onenan kendo cuka winowaci ni, ‘Jasilwany a ŋata bino i nyingi Rwoth!’ ”

Luka 13:35 ပူးပေါင်းရင်းမြစ်များ

Zabuli 118:26

Jasilwany a ŋata donjo i nyingi Rwoth! Wamiyin silwany gi Ot pa Rwoth.

Zabuli 69:25

Weyi kambi pajo wobedi kam'ojwangere, aka wongoye ŋata wobedi i wemin pajo.

Isaya 52:7

Nga ŋon wi gote, masembo pa jamikwenda ma tuco wac maber, ma tuco siem, kelo wac maber ma bero, tuco both, aka waco ri Zayon ni, “Were perin dhumo.”

Yeremia 22:5

To ka wik'owinji wac me, awon akwoŋere, Rwoth waco, ni ot me bino lokere gunda.”

Yeremia 35:17

Riameno, me apaka Rwoth pa lwak jolweny, Were pa Isiraili waco ama: Alakelo ri Yuda kodi ji ma jobedo i Yerusalem je kisi teko m'alwoŋo kwoŋ jo, kwoŋbedo atieko luwo gi jo to jok'owinjan. Atieko lwoŋo jo, to jokiye ran.

Mika 3:12

Riameno kwoŋbedo win ibino furo Zayon paka ndelo, Yerusalem bino cale kidhur gundin, aka tendere ma Ot pa Were bino lokere lul.

Zekaria 12:10

Alakonjo kwoŋ ot pa Daudi kodi ji ma jobedo i Yerusalem, cuny ma wor kodi ma kwayo, aka jolanenan ŋata jocwowo to joywak paka ŋata ywako wode acel g'acel. Jolabedo gi geregere rigo, paka ŋata ywako kayo pere.

Zekaria 14:2

Alacoko nonin je i Yerusalem ri lweny, ilamako tindi madwoŋ, ilakinyaga udi, cwo jolapodho kwoŋ mon to jonindo gi jo akar, aka adec ma tindi madwoŋ lakadho i piny man; aka ji ma jodoŋ k'oŋadi jo woko wok kwoŋ tindi madwoŋ.

Matayo 21:9

Lwak ji m'oyido wotho yuwiy Yesu kodi m'oyido luwo go cen jocako koko ni, “Ozana! Pak wobedi ri Nyakwar Daudi! Were womiy ŋata bino i nyingi Rwoth silwany! Ozana! Pak wobedi malo swa i polo!”

Matayo 23:37

“A ji ma Yerusalem, ma joneko jotuci wac Were m'odhir rijo aka jocadho megi gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero?

Luka 19:41

Yesu otundo cegin gi tindi madwoŋ aka munyo oneno tindi no, oywako

Luka 21:24

Ibino neko jo g'abor, t'itero jo paka ŋecin i piny moro je, aka Jopath jobino wotho wi Yerusalem cuka ndir ma dhum pajo orum kicutho.”

Yohana 12:13

Riameno jokwanyo jangi thith to jokidho romo gine munyo jokoko ni, “Hosana! Jasilwany a ŋata bino i nyingi Rwoth! Silwany pa Were wobedi ri Kere ma Isiraili!”