Luka 12:37 - KITAWO MALEŊ Catholic

³⁷ Jotic no josilwany ma rwoth pajo onwaŋ jonigi waŋ gin ka go bino. Awaco riwin adieri, go bino tweyo nanga moro i kore, to bedo piny dhower to poko jo cemo. Miti go odwoki munyo piny keko kosa munyo ocot;

KITAWO MALEŊ

³⁷ Jotic no josilwany ma rwoth pajo onwaŋ jonigi waŋ gin ka go bino. Awaco riwin adieri, go bino tweyo nanga moro i kore, to bedo piny dhower to poko jo cemo. Miti go odwoki munyo piny keko kosa munyo ocot;

Luka 12:37 ပူးပေါင်းရင်းမြစ်များ

Isaya 62:5

Kole paka jayac nywomo dhako mambula, ameno apaka yac perin lanywomin. Aka paka jamweha fore gi mweha pere, ameno apaka Were perin lafore kodin.

Yeremia 32:41

Alafore i timo bero rijo, aka alapidho jo i lowo me iy'adieri, gi cunyan je kodi adundo paran je.

Zefania 3:17

Rwoth Were perin nitie i dier win, jalweny ma miyo loyo, go lafore kwoŋin gi kisangala, go ladwoŋin gi mar pere; go lasiemere kwoŋin gi wer ma malo.

Matayo 24:42

Am'omiyo yikere win, rupiri wikuya ndelo ma Rwoth obin'iye.

Luka 12:36

Bedi win paka jotic ma jokuro rwoth pajo wodwoki wok i kalima ma nywomirok, ma joyikere yawo thigo tekin go gudo.

Luka 12:43

Jatic no jasilwany ma ka rwoth pere odwoko bino nwaŋo go i tic.

Luka 17:8

K'ameno be! Kucel d'owaco rigo ni, ‘Kutho iyiki ran cemo m'othieno, itwey nanga i korin, ikuran k'acemo aka amadho gir'amadha, ŋey nyaka inocem rumacen.

Luka 21:36

Kendo kure win aka wikway noknok nike wibedi gi meni ma ciro gigipiny ma bino timere me je to wicungo i nyim Wod Dhano.”

Luka 22:27

Kere ŋa maloyo dwoŋ; ŋata bedo piny cemo, kosa ŋata poko cemo? Ki ŋata bedo piny be? To kole an abedo i dier win paka jatic mewin.

Yohana 12:26

Nyatoro je ma tiyo ran ripo luwan, aka jatic paran bino bedo kam'an'iye. Aka Baba bino miyo nyatoro je ma tiyo ran dwoŋ.”

1 Jokorintho 2:9

To paka ndiko waco ama: “Gima dhano fodi k'oneno kosa k'owinjo wok cene, gima dhano fodi k'oparo kwoŋe ni d'otimere a gima Were oyiko ri jom'omaro go.”

Jofilipi 1:21

Aka ri an, bedo gi kwo meno doŋ i Kristo, aka tho meno nwaŋo lim.

Jofilipi 1:23

Atudere i dier paro ario: Ayenyo swa weyo kwo me akidhi abedi gi Kristo, m'obedo gimaber loyo;

2 Petero 1:11

Ameno, ibino jolo win maber donjo i Ker makirum mapa Rwodhiwan kendo Jaboth mawan Yesu Kristo.

2 Petero 3:14

Am'omiyo, jowotan, k'onyo wikuro Ndelo no, tem win paka winyalo bedo ma wilony kendo ma bu raco ruwaŋ Were to wibedo i siem gine.

Menyirok ri Yohana 14:13

Gikenyo awinjo dwondi nyatoro m'owok i polo munyo waco ni, “Ndiki gime: Josilwany a joma wok pama kadho yumalo jolatho i tic pa Rwoth.” “Ey,” Cuny waco, “Jobino ywomirok kwoŋ tic pajo matek, rupiri tim pajo luwo jo.”

Menyirok ri Yohana 16:15

“Neni, Alabino nyaliŋliŋ pa jakwo! Jasilwany a ŋata bedo waŋe to gwoko ruk pere, ŋey wokiri wowothi kinyoro to kelo rigo wickwot!”

Menyirok ri Yohana 3:21

Ŋat'oloy lweny abino miyo meni ma bedo bongan i kom paran ma dhum, paka abende atieko loyo lweny aka onyo abedo kabuti Baba i kom pere ma dhum.

Menyirok ri Yohana 7:17

Ato Nyathi rombo manitie i dier kom ma dhum, bino bedo jakwath pajo, bino leko jo to tero jo ruwaŋ pi ma kwo, aka Were bino yweyo woko pigi waŋ jo kicutho.”