Luka 11:2 - KITAWO MALEŊ Catholic

² Yesu owaco rijo ni, “Waci win ama ka wikwayo.” “‘Bawan manitie polo, Nyingin wolwor. Ker perin wobin.

KITAWO MALEŊ

² Yesu owaco rijo ni, “Waci win ama ka wikwayo.” “‘Bawan manitie polo, Nyingin wolwor. Ker perin wobin.

Luka 11:2 ပူးပေါင်းရင်းမြစ်များ

1 Kerin 8:43

winji kwayo pere. I polo, kam'ibed'iye, winji go aka tim gima go kwayin timo, ŋey nonin je i piny gibe jowoŋeyin aka jowowinjin, paka ji perin Isiraili jotimo. Kenyo jobino ŋeyo nike Ot pa Were m'ageto me kabedo m'iripo lamin'iye.”

2 Kerin 19:19

Riameno Rwoth Were mawan, akwayin, both wan kwoŋ Joasiria, ŋey nonin je ma piny jowoŋey nike in kende, awi Rwoth, iŋat'ibedo Were.”

2 Kigana kwoŋ Kerin 20:6

to kwayo ni, “Awi Rwoth Were pa kwarere mawan, ikibedo Were manitie i polo? Iŋat'ikidhum kerin je ma piny? Initie gi meni kodi nyalo, aka ongoye ŋata nyalo piem kodin.

Zabuli 103:20

Pak win Rwoth, win jomalaika pere, win ma witek ma wiluwo Or pere, aka wiwinjo wac pere.

Zabuli 108:5

Nyuthi meni perin i pondeponde, Awi Were, aka weyi dwoŋ perin wobedi i piny gibe.

Zabuli 11:4

Rwoth nitie i Ot pere maleŋ, kom pere ma dhum nitie i polo. Go neno ji i iye je, aka ŋeyo gima jotimo.

Zabuli 57:11

Lim dwoŋ Awi Were i polo, weyi dwoŋ perin wobedi i piny gibe.

Jafonji 5:2

Ikir'ikwakere gi dhokin, kosa ikir'ikwakere i cunyin tuco wac ruwaŋ Were, kole Were nitie i polo, aka in initie i piny; riameno weyi wac perin wobedi manok.

Isaya 63:16

Kole in a Bawan, makada nende Abraham okuya wan, aka Isiraili kiyey wan, in, Awi Rwoth, ibedo Bawan, jaboth mawan wok cango obedo nyingin.”

Ezekiel 36:23

Alaloko nyingan madwoŋ maleŋ, m'otieko koco i dier nonin, ma bende witieko koco i dier jo; aka nonin jolaŋeyo nike Abedo Rwoth, Rwoth Were waco. Alaoro win ma nyutho nonin ni abedo ŋataleŋ.

Hoseya 14:2

Kadhi win gi kwac, aka wigik bongi Rwoth; wiwaci rigo ni, “Kwany woko reco je; jol gimaber mere, aka walapakin gi dhok wan.”

Jolevi 10:3

Musa owaco ri Aron ni, “Me a gima Rwoth owaco: ‘Luwo kwoŋ jono ma jocore bongan, alanyutho leŋo paran, aka ruwaŋ ji je, alalimo dwoŋ.’ ” Aka Aron oliŋaliŋa.

Jolevi 22:23

Merikwa kosa wod rombo ma tiende orwombere, winyalo miyo ri mic ma in won iyeyo miyo; to kilajolo ri mic m'iciko.

Habakuk 2:14

To piny lapoŋ kodi ŋeyo dwoŋ pa Rwoth, paka pi umo nam.

Matayo 10:32

“Ŋat'otucan i dier ji nike go ŋata luwan, abende abino tuco nyinge ameno i nyim Baba man polo.

Matayo 3:2

“Ŋuti win, rupiri Ker ma polo nicegin!”

Matayo 5:16

Riameno lero mewin bende ripo menyo iye je ŋey ji jowoneni gima beyo ma witimo to jopako Bawin man polo.

Luka 11:1

Ndelo moro Yesu oyido nitie kamoro kwayo, aka munyo ocowo, acel kwoŋ jofonjirok pere owaco ni, “Rwoth, fonji wan kwayo, paka Yohana ofonjo jofonjirok pere.”

Joroma 1:7

Am'omiyo andiko ri wijoje ma winitie Roma ma Were omaro to lwoŋo bedo ji pere won. Weyi Were Bawan kodi Rwoth Yesu Kristo womiy win nema gi siem.

Joroma 8:15

Kole wikilimo cuny ma lokirok ŋeca ma kelo riwin lworo; to witieko limo Cuny ma loko win nyithindho pa Were, aka ka waywak ri Were ni “Aba! Baba!”

1 Jokorintho 1:3

Were Bawan kodi Rwoth Yesu Kristo jowomiy win nema gi siem.

2 Jokorintho 1:2

Weyi nema gi siem ma wok bongi Were Bawan kodi Rwoth Yesu Kristo wobedi gi win.

Jogalasia 1:4

Kristo omiyo kwo pere ro reco mawan, ŋey wobothi wan kwoŋ ndir marac ma pama, i mito pa Were mawan ma Bawan.

Joefeso 1:2

Nema gi siem ma wok bongi Were Bawan kodi Rwoth Yesu Kristo wobedi gi win.

Jofilipi 1:2

Weyi Were Bawan kodi Yesu Kristo womiy win nema gi siem.

Jofilipi 4:20

Dwoŋ wobedi ri Were Baba cil gi cil. Ameno.

Jokolosia 1:2

Ri ji maleŋ ma Kolosia, ma jobedo wutmin wan ma jogenere i Kristo. Were Bawan womiy win nema gi siem.

1 Jothesalonika 1:1

Balwa m'owok bongi Paulo, Silvano kodi Timothe, Ri kitipa pa jom'oyeyo ma Thesalonika, ma jobedo apa Were Baba kodi Rwoth Yesu Kristo. Nema gi siem wobedi gi win.

1 Jothesalonika 1:3

Kole wapoyo ruwaŋ Were mawan kodi Bawan paka wiketho yeyo mewin i tim, paka mar mewin omiyo witiyo matek, gi paka geno mewin i Rwodhiwan Yesu Kristo ocwiny.

2 Jothesalonika 2:16

Weyi Rwodhiwan Yesu Kristo won gipi, kodi Were Bawan, m'omaro wan aka i nema pere omiyo wan miseni makirum kodi geno maber,

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”

Menyirok ri Yohana 15:4

Rwoth, ŋata kilalworin, kosa kilamiyo nyingin dwoŋ? Kole in kendin am'ileŋ. Nonin je jolabino ruwaŋin to jolamin. Kole tim perin m'otire otieko nenere.”

Menyirok ri Yohana 19:6

Gikenyo awinjo gim'ocale dwondi Lwak madwoŋ, ma derino mere omor pa pi ma mol gi meni, kendo pa mwoc pa lithkoth madwoŋ. Awinjo ka jowaco ni, “Paki Were! Kole Rwoth Were mawan Majameni je dhumo!

Menyirok ri Yohana 20:4

Rumacen aneno kombere ma dhum, aka jom'obedo kwoŋ jo obedo joma omiy jo thumo banjin. Aka aneno bende joma ndir ca oŋadi woko ŋuti jo ro ridho yeyo pajo kwoŋ Yesu kodi wac pa Were, ma jok'oyeyo lamo ogwaŋ kosa cal pere, aka jok'oyeyo womwon ranyuth pere ruwaŋ jo kosa i cingi jo. Odwoki rijo kendo kwo pajo to jodhumo gi Kristo oro gana acel.