Luka 1:32 - KITAWO MALEŊ Catholic

³² Go bino bedo ŋatadwoŋ, aka ibino lwoŋo go ni Wod pa Were Madwoŋ Maloyo; aka Rwoth Were bino miyo go kom ma ker pa Daudi, kwari mere.

KITAWO MALEŊ

³² Go bino bedo ŋatadwoŋ, aka ibino lwoŋo go ni Wod pa Were Madwoŋ Maloyo; aka Rwoth Were bino miyo go kom ma ker pa Daudi, kwari mere.

Luka 1:32 ပူးပေါင်းရင်းမြစ်များ

2 Samwiri 7:16

Aka noknok ibino bedo gi nyikwayin, aka abino miyo ker perin kiyindira cil gi cil. Dhum perin kilabedo gi gike.’ ”

Zabuli 132:11

Imiyo Daudi cikirok mar'adieri, cikirok m'ikibino wiro ni; “Abino ketho acel kwoŋ wotin kere, aka ladhumo yuŋeyin.

Zabuli 132:12

Ka wotin jokur cikirok paran, gi cik m'amiyo jo, wot jo bende jolalunjin paka kere i hongo je.”

Isaya 16:5

kenyo ilaketho kom ma jadhum i mar makiwire wok i wema pa Daudi, aka i wiye labedo iy'adieri, jathum banja ma rango tiro, aka yil ma timo gim'otire.

Yeremia 17:25

kenyo nyaka joladonjo i waŋkace ma tindi madwoŋ me, kerin ma jobedo i wi kom ma dhum pa Daudi, ma jogweyo cawilin kodi kayinin, jo kodi jotel pajo, ji ma Yuda kodi joma bedo i Yerusalem; aka ji jolabedo i tindi madwoŋ me cil gi cil.

Yeremia 22:2

waci ni, “Winji win wac pa Rwoth, awi kere ma Yuda ma bedo i wi kom ma dhum pa Daudi, win kodi ŋecin mewin, kodi ji mewin ma jodonjo i waŋkace me.

Matayo 1:1

Me a bol ma nywolirok pa Yesu Kristo, nyakwar Daudi aka nyakwar Abraham:

Matayo 12:42

I ndelo ma thumo banja, kere madhako ma wok Seba i thenge ma yu Tiendan piny, bino cungo to thumo banja woloyi win, rupiri go owotho othoko piny wok kamabor bino winjo rieko pa Solomon; aka kole ŋati maloyo Solomon gi dwoŋ ee ni ka!”

Matayo 28:18

Yesu ocore cegin to waco rijo ni, “Otiek miyan meni i polo kodi i piny.

Matayo 3:11

Abatisa win kodi pi ma nyutho nike witieko ŋuto; to ŋata bino luwan cen bino kibatisa win gi Cuny Maleŋ kodi mac. Go loyan gi dwoŋ tektek m'akiripi kada tiŋo war pere.

Mariko 14:61

To Yesu oliŋaliŋa ma k'odwoko gimoro. Jadwoŋ no odoko openjo go ni, “Iŋat'ibedo Kristo, Wod Were ma Jasilwany?”

Mariko 5:7

to koko gi derino madwoŋ ni, “Yesu, Wod Were Madwoŋ Maloyo! Iyenyo aŋo kwoŋan? Mondo aywakere rin i nyingi Were, ikir'imiyan candirok.”

Luka 1:15

ato go bino bedo ŋatadwoŋ ruwaŋ Rwoth; aka go kilamadho vini kosa medho moro je ma mero jo, aka Cuny Maleŋ bino poŋ i go, kada ma fodi go ni iy min.

Luka 1:35

To malaika waco rigo ni, “Cuny Maleŋ bino loro kwoŋin, aka meni pa Were Madwoŋ Maloyo bino umin; am'omiyo nyathi m'ibino nywolo ibino lwoŋo ni ŋataleŋ, Wod Were.

Luka 1:76

Aka in, nyathi me, ibino lwoŋin ni jatuci wac pa Were Madwoŋ Maloyo, kole ibino telo Rwoth kidho yiko rigo royo;

Luka 3:16

Am'omiyo Yohana odwoko jo ni, “An abatisa win kodi pi, to nitie nyatoro ma bino ma loyan bor gi dwoŋ, m'akiripi kada lunyo thol war pere. Go bino kibatisa win gi Cuny Maleŋ kodi mac.

Luka 6:35

Kucel, mari win jokwor mewin, aka witim rijo maber. Odoko miy win ji gigipiny, ma wikigeno ni jobino culo win. Wibino limo kemba madwoŋ, aka wibino bedo nyithindho pa Ŋatadwoŋ Maloyo; kole go won cunye ber gi joma jokifoy go kodi joreco.

Yohana 12:34

Lwak ji odwoko ni, “Kole Cik mawan waco ni Kristo bino kwo cil gi cil. To idoko iwaco ni Wod Dhano iripo tiŋo malo nedi? Wod Dhano no a ŋa?”

Yohana 6:69

Aka onyo wayeyo odoko waŋeyo nike in ibedo Maleŋ m'owok bongi Were.”

Tim pa Jomoor 16:17

Go oluwo Paulo gi wan munyo koko ni, “Jome jotic pa Were Madwoŋ Maloyo! Jotito riwin royo ma both!”

Tim pa Jomoor 2:30

Go oyido obedo jatuci wac Were, aka oŋeyo cikirok ma Were otimo gine: Were okwoŋere nike bino ketho nyakwar Daudi acel wolunji kom ma dhum pere.

Tim pa Jomoor 2:36

Am'omiyo ji ma Isiraili, joripo ŋeyo adieri ni manago Yesu, ma wiguro kwoŋ musalaba, ama Were oloko Rwoth kodi Kristo!

Tim pa Jomoor 7:48

To Were Madwoŋ Maloyo kibedi rigin i ot ma ji ama jogero; paka jatuci wac oketho i Ndiko ni,

Joroma 1:4

t'inyutho ji ni go obedo Wod Were gi meni madwoŋ mapa Cuny ma kelo leŋo, munyo ocerino go kwoŋ jom'otho.

Menyirok ri Yohana 3:7

Ri malaika ma kitipa pa jom'oyeyo ma Filadelifia ndiki ama: Me mikwenda ma wok bongi Ŋataleŋ kendo ŋat'obedo Mar'adieri, ma tiŋo rayaw pa Daudi, ma k'oyawo gimoro nyatoro kinyal cego, kendo gima go ocego nyatoro kinyal yawo.