Luka 1:17 - KITAWO MALEŊ Catholic

¹⁷ kendo go bino telo yuwiy Rwoth paka jamikwenda pere i dwoŋ gi meni paka apa Elia jatuci wac Were. Go bino dwoko cuny bacere ji bongi nyithindho pajo; aka bino miyo jocay jowogiki i yo pa ji m'otire; go bino miyo ji pa Rwoth yikirok ri Rwoth.”

KITAWO MALEŊ

¹⁷ kendo go bino telo yuwiy Rwoth paka jamikwenda pere i dwoŋ gi meni paka apa Elia jatuci wac Were. Go bino dwoko cuny bacere ji bongi nyithindho pajo; aka bino miyo jocay jowogiki i yo pa ji m'otire; go bino miyo ji pa Rwoth yikirok ri Rwoth.”

Luka 1:17 ပူးပေါင်းရင်းမြစ်များ

1 Kerin 17:1

Ndelo acel jatuci wac Were m'ilwoŋo ni Elia ma wok i Tisibe iy'adec ma Giliad owaco ri kere Ahab ni, “I nyingi Rwoth Were makwo, m'abedo ŋeca pere nike thoyo kosa koth k'ocwe ma oro ario kosa adek ma bino cuka anowaci ameno.”

1 Kerin 18:18

Elia odwoko ni, “Aŋat'akikelo teko i Isiraili, to in kodi peco pa benin. Wikwero luwo or pa Rwoth aka wilamo cal pa Bal.

1 Kerin 21:20

Munyo Ahab oneno Elia, openjo go ni, “Inwaŋan, jakwor paran?” Elia odwoko ni, “Ey anwaŋin! Imiyere kicutho timo reco ruwaŋ Rwoth.

2 Kerin 1:16

aka owaco ri kere ni, “Rwoth waco ni, ‘Kwoŋbedo ioro jomikwenda penjo Balzebub were ma Ekiron, gi paro nike Were ongoye i Isiraili m'inyalo penjo, ikibino ay i kanindo, adieri ibino tho.’ ”

1 Kigana kwoŋ Kerin 29:18

Awi Rwoth, Were pa Abraham, Isaka kodi Yakobo, kwarere mawan, kur cil gi cil nger atoŋa kodi paro no i cuny ji perin, aka weyi jowobedi jor'adieri rin.

2 Kigana kwoŋ Kerin 29:36

Kere Hezekia kodi ji je josangala, ro gima Were oyido otimo ri ji; rupiri oyido obino abwap.

Zabuli 10:17

Awi Rwoth, ibino winjo kwayo pa ji ma jomwol, aka ibino miyo jo miseni.

Zabuli 111:10

Lworo Rwoth obedo cakirok ma rieko; jono ma joluwo Or pere jonigi niaŋ maber. Wopak go cil gi cil.

Zabuli 78:8

aka ŋey jokiri jowocal gi kwarere pajo, ji ma wiy gin tek gi luse ma jogwenyirok, luse ma adundo pajo oyido k'oridhere, ma cuny gin oyido k'ogeno Were.

Isaya 29:24

Aka jono je ma jotimo gi komo i cuny jolaniaŋ, jono je ma joŋunyaŋunya, jolayeyo fonji.

Amos 4:12

Riameno Joisiraili, akidho miyo win gir'acula. Aka rupiri abino timo gime riwin, yikere win romo gi Were mewin, a Isiraili!”

Matayo 11:14

aka ka wiyeyo gim'awaco, go ama obino paka Elia m'onwaŋo ripo bino.”

Matayo 14:4

rupiri Yohana omena waco ri Herode ni, “K'obedo gim'otire bedo gi dhako no!”

Matayo 3:3

Yohana oyido a ŋata Isaya jatuci wac Were cango oluwo kwoŋe con munyo waco ni: “Nyatoro koko i thim, yik win royo pa Rwoth, tir win rigo royo pere.”

Matayo 3:4

Ruk pa Yohana oyido otim ma yer ŋamia, aka go oyido tweyo piere gi del ma pien, aka cemo pere oyido obedo bonyo kodi mo kic.

Luka 1:16

Go bino dwoko cuny Joisiraili bongi Rwoth Were pajo;

Luka 1:76

Aka in, nyathi me, ibino lwoŋin ni jatuci wac pa Were Madwoŋ Maloyo, kole ibino telo Rwoth kidho yiko rigo royo;

Yohana 1:13

Nywolirok pa jono k'obedo ma remo pa dhano, kosa ro mito pa ji, kosa mito pa dhano, to ro mito pa Were won.

Yohana 1:34

Atieko neno gi tito ri ji ni ŋati me won a Wod Were.”

Yohana 3:28

Wiwegi wibedo jokony paran, ni awaco ni, aŋat'akibedo Kristo, to ooran telo yuwiye ayin.”

Tim pa Jomoor 10:33

Am'omiyo aoro ji lwoŋin mayot, aka itimo maber bino. Pama onyo wajoje wan ka i nyim Were, wakuro winjo gimoro je ma Rwoth oorin waco.”

Joroma 9:23

Aka iŋeyo nedi, kole ka Were otimo ameno ma mito nyutho dwoŋ pere m'oŋaŋ ri joma go kidho nyutho jo wor pere, ma go oyiko jolo i dwoŋ pere.

Jokolosia 1:12

Aka foy win Bawan, m'omiyo winyalo limo ye gima Were okano ri ji pere i lero.

2 Timothe 2:21

Ka moro olonyo kwo pere kwoŋ gigipiny mareco, go bino bedo acero m'ioro iy'atoŋa madwoŋ, m'oketh gicen ri Rwoth aka nigi kony rigo, rupiri oyikere woor go i tic mabeyo kendekende.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Yohana 2:28

Ey, nyithindho paran, nere win i go, ŋey wibedi gi miseni madwoŋ ka go omenyere aka wik'opondi rigo ro wickwot i Ndelo ma go ladwok'iye.

Menyirok ri Yohana 20:4

Rumacen aneno kombere ma dhum, aka jom'obedo kwoŋ jo obedo joma omiy jo thumo banjin. Aka aneno bende joma ndir ca oŋadi woko ŋuti jo ro ridho yeyo pajo kwoŋ Yesu kodi wac pa Were, ma jok'oyeyo lamo ogwaŋ kosa cal pere, aka jok'oyeyo womwon ranyuth pere ruwaŋ jo kosa i cingi jo. Odwoki rijo kendo kwo pajo to jodhumo gi Kristo oro gana acel.

1 Samwiri 7:5

Kenyo to Samwiri lwoŋo Joisiraili je romo gi go Mizipa, ka waco ama: “Alakwayo Rwoth riwin kenyo.”