Aron jacway ri Were i wi migam oidho wi Got Hor i or pa Rwoth to otho kenyo rumacen ma oro piero aŋwen wok cuka Joisiraili jowok i lowo ma Misir, k'acel ma dwe mar'abic.
(Joisiraili jowotho wok i Beroth Bene Jakan tundo kiri i Mosera. Kenyo Aron otho, t'iyiko go; aka wode Eliazar olunjo go paka jacway ri Were i wi migam.
Rwoth owaco ri Musa ni, “Ee, ndelo perin ma tho cegin tundo, lwoŋ Yosuwa aka wibin gi go i Wema ma romo, ŋey anyal oro go.” Aka Musa kodi Yosuwa jokadho i Wema ma romo.
Rwoth owaco ri Musa ni, “Icegin nindo kanyacel gi kwarere perin ka. To ji me jolaay timirok paka malaya, luwo werin pa jopath i dier lowo ma jocegin kadh'iye koro, aka jolaweyan, to joturo cikirok m'atimo gi jo.