Kwan 14:33 - KITAWO MALEŊ Catholic

³³ Nyithindho mewin jolabedo jokwath i thim ma oro piero aŋwen, aka jolacandere rupiri wikiwinjan, cuka delkwoŋ win m'otho macowe oŋare i thim.

KITAWO MALEŊ

³³ Nyithindho mewin jolabedo jokwath i thim ma oro piero aŋwen, aka jolacandere rupiri wikiwinjan, cuka delkwoŋ win m'otho macowe oŋare i thim.

Kwan 14:33 ပူးပေါင်းရင်းမြစ်များ

Zabuli 107:4

Jomegi jolera i thim, jok'onwaŋo royo ma kadho i tindi madwoŋ ma jobed'iye.

Zabuli 107:40

tero ji ma jodiyo jo gi cay, aka miyo jo kilera i kwoyo ma thim.

Zabuli 78:33

Ameno go oloko kwo pajo macek paka ywe, gi oro pajo teko.

Kitawo mar'ario mapa Musa m'ilwoŋo ni Wok 20:5

Wikiri wikule piny rijo, kosa wilam jo, kwoŋbedo An, Rwoth Were mewin, ajanyeko. Akelo gir'acula kwoŋ jono ma jodakan kodi kwoŋ nyikway jo, kiri i luse pajo mar'adek gi mar'aŋwen.

Ezekiel 23:35

Riameno Rwoth Were waco ama: Rupiri wiy win owil kodan aka wiwitan yuŋey win, onyo biel win gim'owok i kinyoro mewin gi malaya mewin.

Hoseya 9:1

Ikir'ifore, Awi Isiraili! Ikir'ifore paka nonin man; kole itieko timo gikidakana, jwango Were perin. Imito rin doko cul paka malaya, kwoŋ kapiedhirok je!

Kwan 32:13

Nge pa Rwoth oliel kwoŋ Isiraili, aka omiyo jo kilera i thim ma oro piero aŋwen, cuka luse je m'oyido jotimo reco ruwaŋ Rwoth jorumo.

Kwan 33:38

Aron jacway ri Were i wi migam oidho wi Got Hor i or pa Rwoth to otho kenyo rumacen ma oro piero aŋwen wok cuka Joisiraili jowok i lowo ma Misir, k'acel ma dwe mar'abic.

Kwan 5:31

Ibino gonyo jalo kwoŋ reco, to dhako bino tiŋo reco pere.

Tim pa Jomoor 7:36

Go am'otelo ji i royo wok Misir, munyo timo gigipiny ma miyo ji dhier kanyacel kodi gir'aura i Misir kodi i Wakawaka M'obokere, kodi i thim i hongo ma oro piero aŋwen.

Kitawo mar'abic mapa Musa m'ilwoŋo ni Cik 1:3

K'acel ma dwe mar'apar g'acel i oro ma piero aŋwen, Musa oluwo gi Joisiraili cungo kwoŋ or ma Rwoth omiyo go rijo.

Kitawo mar'abic mapa Musa m'ilwoŋo ni Cik 2:14

Hongo ma wacowo woth wok i Kades Barineya cuka wakalo pi ma mol Zered obedo oro piero adek g'aboro, cuka luse pa jolweny je orere woko wok i kambi paka Rwoth oyido okwoŋere ma mako jo.

Kitawo mar'abic mapa Musa m'ilwoŋo ni Cik 2:7

Kole Rwoth Were mewin otieko miyo win silwany i kisi gima witimo je. Go oŋeyo woth mewin i thim madwoŋ me; aka oro piero aŋwen me Rwoth Were mewin obedo gi win m'ongoye gima wicando.”

Kitawo mar'abic mapa Musa m'ilwoŋo ni Cik 29:5

Atieko telo win oro piero aŋwen i thim, to nangin mewin fodi k'oyec, aka war mewin ma tiendi win fodi k'oti.

Kitawo mar'abic mapa Musa m'ilwoŋo ni Cik 8:2

Poyi win royo je ma Rwoth Were mewin otieko telo win oro piero aŋwen me i thim, mwolo win, temo win, ŋeyo gima nitie i cuny win, k'inen oyido winyalo kuro or pere kosa be.

Kitawo mar'abic mapa Musa m'ilwoŋo ni Cik 8:4

Nangin mewin k'oti aka tiendi win k'obomere ma oro piero aŋwen me.

Yosuwa 14:10

To pama, pak'ineno, Rwoth otieko kuran, paka owaco, oro piero aŋwen me gipi wok i hongo ma Rwoth oluwo wac me ri Musa, kareno Joisiraili oyido fodi jowotho i thim; aka onyo an e konon, ajaoro piero aboro g'abic.

Yosuwa 5:6

Kole wot Isiraili jowotho ma oro piero aŋwen i thim, cuka nono je, jolweny ma jowok Misir, josika woko, ma jok'owinjo dwondi Rwoth. Were okwoŋere rijo ni jok'oneni lowo m'oyido okwoŋere ri kwarere pajo ni lamiyo wan, lowo ma mol gi cak kodi mo kic.