Kwan 14:18 - KITAWO MALEŊ Catholic

¹⁸ “Rwoth kimaki nge piyo, aka opoŋ gi mar makiwire, cwako reco kodi kibenga, aka i nger moro je cwako reco, aka go k'owey ma k'omiyo nyithindho gi nyikway jo, gir'acula kiri i luse mar'adek kodi mar'aŋwen ri reco pa jonywol pajo.”

KITAWO MALEŊ

¹⁸ “Rwoth kimaki nge piyo, aka opoŋ gi mar makiwire, cwako reco kodi kibenga, aka i nger moro je cwako reco, aka go k'owey ma k'omiyo nyithindho gi nyikway jo, gir'acula kiri i luse mar'adek kodi mar'aŋwen ri reco pa jonywol pajo.”

Kwan 14:18 ပူးပေါင်းရင်းမြစ်များ

Nehemia 9:17

Jokwero winjo, wi jo owil gi gim'imito je, gi gir'aura m'oyido itieko timo. I noro pajo joyero jatel dwoko jo i twec i Misir. To ibedo Were ma cwako; inyutho wor, ipoŋ gi mar makiwire, aka ikimaki nge piyo. Inyutho wor madwoŋ, aka ikijwango jo.

Yobu 21:19

Wiwaco ni Were miyo nyathi gir'acula ro kidakana pa bamere, be, Were womiy gir'acula ri ŋat'otimo kidakana won, ŋey jowoŋey.

Zabuli 103:8

Rwoth nitie gi wor gi mar, go kimaki nge piyo aka opoŋ gi mar makiwire.

Zabuli 108:4

Kole mar perin makiwire bor loyo polo, aka adieri perin tundo i pondeponde.

Zabuli 109:14

Weyi Rwoth wopoy reco pa kwarere pere, aka wokiri wocwaki reco pa min.

Zabuli 145:8

Rwoth obedo jamar aka timo ŋono, kimaki nge piyo aka opoŋ gi mar makiwire.

Zabuli 78:38

Kucel, cunye Were oramo ri ji pere, ocwako reco pajo, aka k'oreyo jo. Go ojuko nge pere aka k'oywoyo kwoŋ ji pere.

Zabuli 86:15

To in Rwoth, ibedo Were ma jawor aka nitie gi mar, ikimaki nge piyo, ipoŋ gi mar makiwire aka itimo adieri.

Kitawo mar'ario mapa Musa m'ilwoŋo ni Wok 20:5

Wikiri wikule piny rijo, kosa wilam jo, kwoŋbedo An, Rwoth Were mewin, ajanyeko. Akelo gir'acula kwoŋ jono ma jodakan kodi kwoŋ nyikway jo, kiri i luse pajo mar'adek gi mar'aŋwen.

Kitawo mar'ario mapa Musa m'ilwoŋo ni Wok 20:6

T'anyutho mar paran makiwire ri luse ganin pa ji ma jomaran aka joluwo or paran.”

Yeremia 23:2

Riameno me apaka Rwoth, Were pa Isiraili waco, kwoŋ jokwath ma jokwayo ji paran: “Obedo win ma witieko kedho rombo paran, aka witieko riemo jo woko, aka wikidewo kwoŋ jo. Riameno alatic gi win ro tim mewin marac, Rwoth waco.

Yeremia 32:18

Inyutho luse ganin mar perin makiwire, t'imiyo gir'acula ri nyithindho ro reco pa jonywol pajo. Awi Were Madwoŋ, aka Jameni, nyingin obedo Rwoth pa lwak jolweny.

Ywakirok 5:7

Kwarere mawan jotimo reco, to jongoye, aka onyo pama watiŋo reco pajo.

Yona 4:2

Go owaco ri Rwoth ni, “A Rwoth, me a gim'awaco mafodi akiay peco nike ibino timo. Am'omiyo atemo kiri ŋwec kadho i tindi Tarsis. Oyido aŋeyo paka in Were m'omaro ji aka ipoŋ gi wor. In Were ma kimaki nge piyo rupiri ipoŋ gi mar m'oasere. Inyalo wiro paro perin, t'iweyo m'ikimiyo gir'acula.

Mika 7:18

Ongoye were man ma cale in Rwoth, icwako reco pa ji perin ma joboth, ikimaki nge kicutho, t'iwinjo maber i nyutho wan mar perin makiwire.

Kwan 14:17

Aka onyo, riameno, weyi meni pa Rwoth wobedi madwoŋ i nger ma cango iciko munyo iluwo, k'iwaco ni,

Kwan 23:21

Go fodi k'oneno silwany marac kwoŋ Yakobo, kosa teko i Isiraili. Rwoth Were pajo nitie gi jo, Jotuco nike Rwoth obedo Kere pajo.

Joroma 5:21

Am'omiyo, paka gimarac odhumo i royo ma tho, ameno bende nema pa Were dhumo i royo ma kwanyo woko banja kwoŋ ji, munyo tero jo i kwo makirum kwoŋ Yesu Kristo Rwodhiwan.

Kitawo mar'abic mapa Musa m'ilwoŋo ni Cik 5:10

To anyutho mar makiwire ri luse ganin pa jono ma jomaran aka jokuro or paran.

Kitawo mar'abic mapa Musa m'ilwoŋo ni Cik 5:9

Wikiripi kulok piny rijo kosa lamo jo; kole An Rwoth Were mewin, abedo Were ma janyeko, amiyo nyithindho gir'acula ri reco pa jonywol pajo, kiri i luse mar'adek kodi mar'aŋwen pa jono ma jokweran.

Kitawo mar'abic mapa Musa m'ilwoŋo ni Cik 7:10

aka go culo kwor kwoŋ jono ma jodak go. Go kibedi moth gi jo.

Kitawo mar'abic mapa Musa m'ilwoŋo ni Cik 7:9

Ŋey win riameno nike Rwoth Were mewin obedo Were, Were ma timo adieri ma kuro cikirok kiri i luse ganin pa jono ma jomaro go aka jokuro or pere,