Kwan 10:10 - KITAWO MALEŊ Catholic

¹⁰ “I ndelo mewin bende ma forok, i kalimin mewin ma Dwe Manyen gi kalimin megi manyadini, wiripo kudho gwarin ka wikelo mic mewin awaŋa kodi cowirok mewin ma mic ma siem; jobino bedo paka rapoy i nyingi win ruwaŋ Rwoth Were mewin. An abedo Rwoth Were mewin.”

KITAWO MALEŊ

¹⁰ “I ndelo mewin bende ma forok, i kalimin mewin ma Dwe Manyen gi kalimin megi manyadini, wiripo kudho gwarin ka wikelo mic mewin awaŋa kodi cowirok mewin ma mic ma siem; jobino bedo paka rapoy i nyingi win ruwaŋ Rwoth Were mewin. An abedo Rwoth Were mewin.”

Kwan 10:10 ပူးပေါင်းရင်းမြစ်များ

2 Kerin 4:23

Cwore openjo go ni, “Raŋo ikidhi bonge konon? K'obedo ndelo ma dwe manyen kosa Sabato.” Dheno odwoko ni, “Ikir'irembi.”

1 Kigana kwoŋ Kerin 15:24

Sebania, Yosafat, Nethanel, Amasay, Zekaria, Benaya kodi Elieza, jocway ri Were i wi migam oyido jokudho gwara ruwaŋ Kakan ma Cikirok, aka Obed Edom kodi Jehia bende oyido jobedo jokur ma Kakan ma Cikirok.

1 Kigana kwoŋ Kerin 15:28

Ameno Joisiraili jokelo malo Kakan ma Cikirok pa Rwoth gi koko ma siemirok, derino ma gwara, milowe, ndara kodi wer ma tongol.

1 Kigana kwoŋ Kerin 16:42

Heman kodi Yeduthun oyido jokudho gwara to jotuko ndara ka iwero wer ma pak. Jonono pa Yeduthun oyido jokuro waŋkac.

2 Kigana kwoŋ Kerin 29:26

nger meno ma Daudi oyido ooro con. Jocway ri Were i wi migam bende jocungo kenyo gi gwara.

2 Kigana kwoŋ Kerin 29:28

Kisi dhano je m'oyido nitie kenyo joriwere kanyacel i lamo, aka wer kodi thum madwoŋ omedere cuka cowirok je owaŋ.

2 Kigana kwoŋ Kerin 7:6

Jocway ri Were i wi migam kodi Jolevi jomako kabedo pajo gi giwer ma Kere Daudi oyido otimo ma pako Rwoth, kareno jowero ni: “Mar pere makiwire bedo cil gi cil.” Paka Daudi oyido owodho or. Jocway ri Were i wi migam oyido jokudho gwara, kareno Joisiraili je jocungo.

Ezira 3:10

Munyo jogeto jocako misingi ma Ot pa Rwoth, jocway ri Were i wi migam joruko law pajo aka jomako kabedo pajo gi gwara i cingi jo, Jolevi ma nono pa Asaf jocungo kenyo gi nyweny m'irudo. Jopako Rwoth cungo kwoŋ cik ma Kere Daudi oyido omiyo.

Nehemia 12:35

joje oyido jokudho gwarin. Ŋat'oluwo obedo Zekaria, wod Yonathan aka nyakwar Samaya aka janono pa Asaf. Kwarere pere man jobedo: Matania, Mikaya, kodi Zakur.

Zabuli 150:3

Pak go gi dwondi gwara, pak go gi milowe kodi tongol!

Zabuli 81:3

Kudhi gwara i dwe manyen, i ndelo mawan ma kalima.

Zabuli 81:4

Kole me obedo cik i Isiraili, cik m'owok bongi Were pa Yakobo.

Zabuli 89:15

Josilwany a jono ma joŋeyo lamin gi wer, ma jowotho i lero ma ruwaŋin, Rwoth.

Kitawo mar'ario mapa Musa m'ilwoŋo ni Wok 28:29

“Ameno ka Aron odonjo i Kabedo Maleŋ, go bino ruko mugowa ma ketho giŋeyo mito pa Were m'ondik'iye nyingi nonin ma Isiraili, ŋey An Rwoth, abino poyo ji paran noknok.

Kitawo mar'ario mapa Musa m'ilwoŋo ni Wok 30:16

Coki pesa me wok bongi Joisiraili aka ior ma kuro Wema Maleŋ. Pesa labedo cul ri kwo, aka abino poyo kikwonga jo.”

Isaya 27:13

I ndelo no, ilakudho gwara madwoŋ, aka jono m'oyido jorwenyo i lowo ma Asiria kodi jono m'oyido oriem jo woko i lowo ma Misir jolabino lamo Rwoth wi got maleŋ i Yerusalem.

Jolevi 23:24

Luw gi Joisiraili, k'iwaco ama: I dwe mar'abirio, i ndelo marapena ma dwe, wobedi ndelo ma sabato, ma wopoy cokirok maleŋ gi kudho gwarin.

Kwan 10:9

Ka winokidhi i lweny i piny mewin kwoŋ jokwor ma jodiyo win, wibino goyo ndur gi gwarin, ŋey wonyali poyo win ruwaŋ Rwoth Were mewin to wiboth kwoŋ jokwor mewin.”

Kwan 28:11

Kisi ka dwe manyen cako, wiripo miyo Rwoth mic awaŋa ma rwath ario, wod rombo acel, kodi wot rombo abirio ma jo oro acel ma jongoye gi ŋolo.

Kwan 29:1

K'acel ma dwe mar'abirio wiripo bedo gi cokirok lamo. Wikiripi timo tic mewin; obedo ndelo ma kudho gwarin.

Matayo 11:28

Biye win bongan wijoje ma wiol aka wilacere i tiŋo bieto mapek, labino miyo win ywomirok.

Tim pa Jomoor 10:4

Go omoro waŋe kwoŋ malaika gi lworo aka owaco ni, “Aŋo jadwoŋ?” Ana malaika: “Were ojolo kwayo perin gi tic perin ma konyo ji, aka onyo opoyin.

1 Jokorintho 15:52

ma piyo paka diemo waŋ, k'ogoy gwara macowe. Ato gwara bino ywak, to jom'otho jocerino gi del ma kilatho kendo, aka wajoje wabino wire.

1 Jothesalonika 4:16

Derino ma wodho or bino bedo, to dwondi malaika madwoŋ winjere, kodi dwondi gwara pa Were, aka Rwoth won bino loro piny wok i polo! Jom'otho munyo joyeyo Kristo jobino telo cerino;

1 Jothesalonika 4:18

Am'omiyo, kwey win cuny jowoti win gi wac me.

Yosuwa 4:7

Nyaka wiwaci rijo ni pi ma Yordan oyido oŋadere woko ruwaŋ Kakan ma Cikirok pa Rwoth; munyo oluwo i wi Yordan, pi ma Yordan oŋadere woko. Ameno telin me bino bedo ri Joisiraili rapoy ma cil gi cil.”

Yosuwa 6:4

Aka jocway ri Were i wi migam abirio jolatiŋo gwarin abirio ma tungi wot rombo ruwaŋ kakan; aka i ndelo mar'abirio wibino ŋanjo thoko tindi madwoŋ dibirio, kareno jocway ri Were i wi migam jokudho gwarin.

Menyirok ri Yohana 22:17

Cuny kodi Mweha, jowaco ni, “Biye.” Aka weyi moro je ma winjo wowaci ni, “Biye.” Aka weyi moro je ma riyo neko wobin. Weyi nyatoro je ma mito, womadhi pi ma kwo ma nono.

1 Samwiri 20:5

Daudi odwoko ni, “Dikin obedo ndelo ma kalima ma dwe manyen, aka aripo cemo kanyacel gi kere. To weyi akadhi apondi i dudi tundo yawere othieno.