Joroma 8:27 - KITAWO MALEŊ Catholic

²⁷ Aka Were ma neno cuny ji, oŋeyo paro pa Cuny, rupiri Cuny pido bongi Were ri ji pere paka Were mito.

KITAWO MALEŊ

²⁷ Aka Were ma neno cuny ji, oŋeyo paro pa Cuny, rupiri Cuny pido bongi Were ri ji pere paka Were mito.

Joroma 8:27 ပူးပေါင်းရင်းမြစ်များ

1 Kigana kwoŋ Kerin 28:9

“Aka in, wodan Solomon, yey Were pa benin aka tiyi rigo gi cunyin acel kodi paro perin je; kole Rwoth dwaro kisi nyaŋith, aka niaŋ kisi can kodi paro. K'inorangi go, ilanwaŋo go; to k'inojwangi go, go laweyin kicutho.

1 Kigana kwoŋ Kerin 29:17

Aŋeyo, Were paran, nike idwaro cuny dhano, aka iwinjo maber gi ji ma jotimo gim'otire. I tirok ma cunyan amiyo gigipiny me gi miyirok, aka onyo aneno ji perin, ma jonitie ka jomiyin mic gi miyirok kodi kisangala.

Zabuli 139:1

Awi Rwoth, itieko menyan t'iŋeyan!

Zabuli 38:9

Awi Rwoth, iŋeyo gim'adwaro, iwinjo cur paran je.

Zabuli 44:21

di Were k'oŋeyo gime? Kole go oŋeyo nyaliŋliŋ ma cuny jo.

Zabuli 7:9

Ibedo Were ma timo gim'otire, aka ithumo banja cungo kwoŋ paro mawan gi awanya mawan. Juki kidakana pa jomarac, aka imiy jomaber kemba.

Agecin 17:3

Paka mac temo feza gi zahabu, apaka Rwoth temo cuny dhano.

Yeremia 11:20

To in, Awi Rwoth pa lwak jolweny, in m'ithumo banja gi tiro, in m'itemo adundo kodi paro, weyi anen culo kwor perin kwoŋ jo, rupiri ri in atieko miyo banja paran ŋeyirok.

Yeremia 17:10

An Rwoth, arango cuny ji t'atemo adundin pa ji. Atiyo gi kisi dhano cungo kwoŋ tim pere, cungo kwoŋ gima go timo.

Yeremia 20:12

Awi Rwoth pa lwak jolweny, itemo joma timo gim'otire ineno adundo kodi paro; weyi anen culo kwor perin kwoŋ jo, kole atieko tito rin teko paran.

Matayo 6:8

Am'omiyo wikiri wicale gi jo; kole Bawin manitie i polo oŋeyo gima wicando kada mafodi wikikwayo go.

Luka 16:15

Yesu owaco rijo ni, “Winyuthere ri ji ni wibeyo, to Were oŋeyo cuny win. Kole gima ji paro ni ber m'oasere, ama bedo gim'ongoye kiri gi kony ruwaŋ Were.”

Yohana 14:13

Aka abino timo gimoro je ma winokway i nyingan; ameno aka ŋey dwoŋ pa Baba wonyuthere i Wode.

Yohana 21:17

Ma didek Yesu odoko omedo penjo go ni, “Simon wod Yohana, imaran?” Gikenyo Petero cunye oramo, rupiri Yesu openjo go ma didek ni, “Imaran?” Ameno odwoko go ni, “Rwoth, kole iŋeyo gimoro je, iŋeyo paka amarin.” Yesu owaco rigo ni, “Pidhi rombo paran.

Tim pa Jomoor 1:24

Aka jokwayo Were munyo jowaco ni, “Rwoth, iŋeyo cuny dhano je, nyuthi wan acel kwoŋ jario me, ŋat'iyero

Tim pa Jomoor 15:8

Aka Were, m'oŋeyo cuny ji, onyutho paka ojolo Jopath munyo bende omiyo jo Cuny Maleŋ, paka otimo gi wan.

Joroma 8:34

To ŋa m'odoko othum rijo banja? Ki Kristo Yesu m'otho, kendo ma Were ocerino go kwoŋ jom'otho, aka onyo obedo yu cingi Were maracuc aka pido riwan bongi Were!

Joroma 8:6

Ketho paro i gigipiny manyadel meno tho, to ketho paro i gigipiny manyacuny meno limo kwo kodi siem.

Joefeso 2:18

I Kristo wajoje wan gi thwolo i Cuny Maleŋ acel ma kidho bongi Were Bawan.

1 Jothesalonika 2:4

Kucel, ndir je waluwo paka Were yenyo watim, kwoŋbedo go ofoyo wan aka oketho Wac Manyen Maber i cingi wan. Wakitem kisangala ji, to wamito kisangala Were ayino, ma temo atoŋa ma cuny wan.

Joebulaniya 4:13

Ongoye gima nyalo panere ri Were. Gimoro je i cwec othangere aka oyare i waŋe, go ma wabino tito kwo mawan ruwaŋe.

Yakobo 5:16

Am'omiyo, tuci win reco mewin ri jowoti win, odoko kway win ri jowoti win, ŋey wilimi both ma del. Kwayo pa ŋat'otire nitie gi meni madwoŋ aka tiyo.

Menyirok ri Yohana 2:23

Abino kisika nyithindho pere bende, aka kitipin pa jom'oyeyo je jobino ŋeyo nike a jameny cuny ji gi ŋeyo paro pa ji. Abino culo kisi dhano kwoŋ win cungo kwoŋ gima go otimo.