Joroma 7:5 - KITAWO MALEŊ Catholic

⁵ Munyo oyido fodi watimo gima del yenyo, awanya mareco ma Cik osigila oyido tiyo i delkwoŋ wan, aka oyido kelo riwan tho.

KITAWO MALEŊ

⁵ Munyo oyido fodi watimo gima del yenyo, awanya mareco ma Cik osigila oyido tiyo i delkwoŋ wan, aka oyido kelo riwan tho.

Joroma 7:5 ပူးပေါင်းရင်းမြစ်များ

Matayo 15:19

Ato i adundo ama wok'iye paro mareco ma rwako go i nek, timo cot, kodi kidakana, kwo, roro, gi nyeko nyingi joman.

Yohana 3:6

Gima del onywolo bedo ma del, aka gima Cuny onywolo bende bedo ma cuny.

Joroma 1:26

Paka ji jotimo gime, Were ojala jo to weyo jo ri awanya ma kelo wickwot. Kiri mon bende jowiro or ma delkwoŋ gin munyo joweyo riwirok i del i yo m'otire to joriwere wegi kendi gin, m'obedo yo ma k'otire.

Joroma 3:20

Kole ongoye dhano m'ibino kwano rigo tiro ruwaŋ Were ro nyaka timo gima Cik yenyo, rupiri Cik miyo dhano nyaka ŋeyo nike gimanyo obedo reco won kende.

Joroma 4:15

Cik kelo nge pa Were, to kama cik ongoy'iye, meno turo cik bende ongoye.

Joroma 5:20

Munyo Cik obino, kibenga manyaturo Cik omedere; to kama reco meder'iye, nema pa Were bende medere loyo.

Joroma 6:13

Odoko wikiri wimiy gimarac adec ma delkwoŋ win moro woor i timo kidakana, kucel miy win Were kwo mewin, paka ji m'okwany jo i tho t'ikelo jo i kwo, aka miy win go kwo mewin gipi woor i atoŋa m'otire.

Joroma 6:19

Aoro wac manyadhanodhano ro nyapo ma winigine ma niaŋ. Paka yado oyido wimiyere ibedo ŋecin pa kidakana, kodi turo cik pa Were, onyo pama bende wiripo miyirok paka ŋecin pa tiro ri atoŋa ma lonyo.

Joroma 6:21

Onyo bero aŋo ma wilimo i timo gigipiny ma kelo riwin wickwot? Kole gima wok i gigipiny no obedo tho!

Joroma 6:23

Kole kemba pa gimarac obedo tho; to mic ma Were miyo wan obedo kwo makirum i Kristo Yesu Rwoth mawan.

Joroma 7:23

to anwaŋo ni cik man ama tiyo i delkwoŋan, cik ma lwenyo kodi gima paro paran yenyo. Gino lokan jatwec pa cik ma gimarac ma tiyo i delkwoŋan.

1 Jokorintho 15:56

Ato kwir pa tho ma lunga wok i gimarac, aka gimarac nwaŋo meni pere i Cik.

2 Jokorintho 10:3

Adieri wanitie i piny; to wakilweny paka piny lwenyo.

Jogalasia 3:10

Aka dhano je ma cwire i winjo Cik meno nigi kwoŋ ayino i kwo pere, rupiri ndiko waco ni, “Ŋata ndir je kiwinji aka kitim gimoro je m'ondiki i kitawo ma Cik meno ŋato okwoŋ!”

Jogalasia 5:24

Aka joma jobedo apa Kristo Yesu jotieko neko woko kula pajo ma del, kodi icirok mere kodi awanya mere.

Joefeso 2:11

Am'omiyo win Jopath, ma Joyuda jolwoŋo ni joma k'othumere, aka wegi jolwoŋere ni jom'othumere (gima mako kwoŋ gima wegi jotimo gine delkwoŋ gin) poyi win gima cango oyido wibedo.

Joefeso 2:3

Aka wajoje oyido wacale jo, munyo watimo gima cuny wan mareco oyido tero wan'iye, aka watimo gima delkwoŋ wan gi paro mawan oyenyo. Paka joman je, di wabende walimo gir'acula pa Were.

Jokolosia 3:5

Am'omiyo, wiripo neko woko awanya ma delkwoŋ win paka cot, kidakana, timo giwickwot, awanya mareco, gi woro (m'obedo lamo cal makicar).

Tito 3:3

Kole wan wegi onwaŋo yado wamiŋ, wajocay, aka oyido orweny wan woko. Wan oyido wabedo ŋecin pa awanya kodi kisangala ma piny; oyido waoro kwo mawan ma timo ri ji raco kodi nyeko; oyido wadakere gi ji.

Yakobo 1:15

Aka awanya no medere nywolo gimarac; aka ka gimarac ocowo tegino, to nywolo tho.

Yakobo 4:1

Kere aŋo ma kelo gorok gi dhawirok i dier win? Gigipiny no kiwoki kwoŋ awanya ma ndir je lwenyo i delkwoŋ win?

1 Yohana 3:4

Moro je ma timo gimarac meno turo cik pa Were; aka bedo i reco nyutho kwero winjo cik.