Joroma 6:21 - KITAWO MALEŊ Catholic

²¹ Onyo bero aŋo ma wilimo i timo gigipiny ma kelo riwin wickwot? Kole gima wok i gigipiny no obedo tho!

KITAWO MALEŊ

²¹ Onyo bero aŋo ma wilimo i timo gigipiny ma kelo riwin wickwot? Kole gima wok i gigipiny no obedo tho!

Joroma 6:21 ပူးပေါင်းရင်းမြစ်များ

1 Kerin 2:26

Kenyo kere Solomon owaco ri Abiatha jacway ri Were i wi migam ni, “Dok i piny perin i Anathoth. Kole oyido iripo tho, to akibino nekin pama rupiri oyido itiŋo Kakan ma Cikirok pa Rwoth munyo initie gi baba Daudi, aka ipoko i litho pere je.”

Ezira 9:6

Akwayo ni, “Awi Were, anitie gi wickwot madwoŋ swa tiŋo waŋan ruwaŋin. Kole reco mawan odhure bor kalo kiri wiwan, aka komo mawan otundo malo kiri i polo.

Yobu 33:27

Ŋato lawaco ri joman ni, “Atimo reco, aka aweyo timo gim'otire, t'akilimo gir'acula.

Yobu 40:4

An asisiri, anodwokin nedi? Aumo dhokan gi cingan.

Yobu 42:6

Riameno acayere, aka aŋuto reco paran i fukefuke kodi i buru.

Zabuli 73:17

cuka akidho i Ot pa Were; nyaka t'aniaŋ gima latimere ri jokidakana.

Agecin 1:31

Riameno wilacamo olemo ma tim mewin, aka tim mewin won lamiyo witwo.

Agecin 14:12

Nitie royo ma cal p'otire ri dhano, to i gike mere nitie royo ma tho.

Agecin 16:25

Ruman nitie royo ma cal ni otire, to rumacen tero jo i tho.

Isaya 3:10

Waci ri ŋata timo gim'otire ni, lakadho maber gi jo, kole jolacamo ranyak ma tim pajo.

Yeremia 12:13

Jocwoyo ŋano to jokeco kudhin, jotieko olo, to jok'olimo gimoro. Wiy jo lakwot gi ranyak pajo kwoŋbedo nge pa Rwoth maliel.

Yeremia 17:10

An Rwoth, arango cuny ji t'atemo adundin pa ji. Atiyo gi kisi dhano cungo kwoŋ tim pere, cungo kwoŋ gima go timo.

Yeremia 3:3

Riameno ogeŋo koth k'ocwe, aka koth ma cwir fodi k'obino. Kucel icale malaya, ingoye giwickwot.

Yeremia 31:19

Kole munyo atieko wire woko kwoŋin, apusere. Rumacen abino aniaŋ, apayo eman, abedo giwickwot aka adhier, kwoŋbedo oyido anitie giwickwot mareco paran ma soye paran.

Yeremia 8:12

Jotimo giwickwot, jotimo amien; kucel wiy jo k'okwoti kada, jok'oŋeyo nger ma bedo giwickwot. Riameno jolapodho i dier jono ma jopodho. I hongo m'abino miy'iye jo gir'acula, jolakitangatanga, Rwoth waco.

Ezekiel 43:11

Ka wiy jo okwot gi gima jotieko timo je, miy jo ŋeyo can ma Ot pa Were, kadonjo mere kodi ka wok, kodi cal mere je, or mere kodi cik mere je, aka ndiki piny ruwaŋ jo, ŋey jowokuri to joluwo can je kodi cik je.

Joroma 1:32

Joŋeyo kiri ni cik pa Were waco ni ji ma kwo pajo cale ameno joripo gi tho, to je fodi nyaka jomedere ameda gi timo gigipiny no won; aka maloyo raco: Jofoyo joman ma bende jotimo ameno.

Joroma 5:12

Gimarac obino i piny ka luwo kwoŋ ŋat'acel, aka gimarac pere okelo tho. Gim'owok'iye, tho olak kwoŋ dhano je, rupiri ji je jonigi gimarac.

Joroma 6:16

Wikuya nike ka wimiyere paka ŋecin ma winjo nyatoro, meno adieri wibedo ŋecin pa rwoth ma wiwinjo no, kosa apa gimarac ma kelo tho, kosa apa winjo Were ma kelo riwin tiro i waŋe?

Joroma 6:23

Kole kemba pa gimarac obedo tho; to mic ma Were miyo wan obedo kwo makirum i Kristo Yesu Rwoth mawan.

Joroma 7:5

Munyo oyido fodi watimo gima del yenyo, awanya mareco ma Cik osigila oyido tiyo i delkwoŋ wan, aka oyido kelo riwan tho.

Joroma 8:13

Kole ka kwo mewin nitie paka del yenyo meno wikidho tho; to ka wineko woko tim mareco gi meni pa Cuny, aka wibino kwo.

Joroma 8:6

Ketho paro i gigipiny manyadel meno tho, to ketho paro i gigipiny manyacuny meno limo kwo kodi siem.

2 Jokorintho 4:2

Waketho gicen tim manyaliŋliŋ ma kelo wickwot; wakitiy gi twodo, odoko wakiwir wac pa Were. Kucel waluwo adieri i lero, ma nyutho ji je ni wanitie i tiro ruwaŋ Were.

2 Jokorintho 7:11

Ere neni win gima rem ma wok bongi Were no otieko timo kwoŋ win; neni paka oloko win joma genere, ma cuny win olony. Neni paka cuny win ramere, bwok, paro, maro Were, aka mito tiro ama wobedi. Kole witieko nyutho ni wingoye gi raco i wac no je.

Kitawo mar'abic mapa Musa m'ilwoŋo ni Cik 17:6

Ka wac owok i dhok j'ario kosa ji adek paka jokony, ŋato iripo neko; to dhano kiripi neko cungo i wiwaci pa dhano acel paka jakony ma luwo adieri.

Kitawo mar'abic mapa Musa m'ilwoŋo ni Cik 21:22

Ka dhano otimo banja ma gir'acula ma tho, t'iŋawo go wi yath,

Jofilipi 3:19

Jokidho rerok i mac makitho, rupiri Were pajo obedo awanya ma delkwoŋ gin, aka jopakere kodi gima wiy jo di kwoti gine ayin. Joketho paro pajo kwoŋ gigipiny ma piny ka kende.

Joebulaniya 10:29

Onyo wiparo ni ŋata cayo Wod Were, to tero paka gima sisiri remo ma cikirok pa Were m'oloko go maleŋ, aka miyo Cuny ma kelo nema nge, di ripi gi gir'acula marac loyo didi?

Joebulaniya 6:8

To lowo ma kelo kudhin kodi doy meno bukony: Odamba ri kwoŋ, aka rumacen ibino waŋo woko.

Yakobo 1:15

Aka awanya no medere nywolo gimarac; aka ka gimarac ocowo tegino, to nywolo tho.

Yakobo 5:20

poyi win gime: Ŋatimoro je m'odwok ŋatarac wok i royo pere m'okom, bino botho cuny ŋatarac no kwoŋ tho, to miyo icwako rigo reco madit.

1 Petero 4:17

Ato ndir otundo ma thumo banja aka lacako gi ji pa Were won. Onyo ka kidho cako gi wan, obedi nedi ri joma jokiyey Wac Manyen Maber ma wok bongi Were?

1 Yohana 2:28

Ey, nyithindho paran, nere win i go, ŋey wibedi gi miseni madwoŋ ka go omenyere aka wik'opondi rigo ro wickwot i Ndelo ma go ladwok'iye.

Menyirok ri Yohana 16:6

Rupiri jooyo remo pa ji maleŋ kodi apa jotuci wac Were, imiyo jo madho remo, meno ripo gi jo!”

Menyirok ri Yohana 20:14

Gikenyo Tho kodi piny pa jom'otho je obol i wakawaka ma mac. Me a tho mar'ario, m'obedo wakawaka ma mac,