Joroma 6:13 - KITAWO MALEŊ Catholic

¹³ Odoko wikiri wimiy gimarac adec ma delkwoŋ win moro woor i timo kidakana, kucel miy win Were kwo mewin, paka ji m'okwany jo i tho t'ikelo jo i kwo, aka miy win go kwo mewin gipi woor i atoŋa m'otire.

KITAWO MALEŊ

¹³ Odoko wikiri wimiy gimarac adec ma delkwoŋ win moro woor i timo kidakana, kucel miy win Were kwo mewin, paka ji m'okwany jo i tho t'ikelo jo i kwo, aka miy win go kwo mewin gipi woor i atoŋa m'otire.

Joroma 6:13 ပူးပေါင်းရင်းမြစ်များ

2 Kigana kwoŋ Kerin 30:8

Wikiri wibedi jowictek paka jo, to lwor win Rwoth. Biye win i Ot pa Rwoth i Yerusalem, ma Rwoth Were mewin otieko loko maleŋ cil gi cil, wilam go ŋey wokiri womaki nge gi win.

Zabuli 37:30

Dhok jomaber luwo rieko, aka lew gin luwo tiro.

Agecin 12:18

Wac ma dhano luwo ma kipar kwoŋ gim'awaco, nyalo yaŋo dhano paka abor, to lew jomariek kelo both.

Isaya 55:7

Weyi jokidakana jowojwangi yo pajo, jowowey paro pajo marac; weyi jowogiki bongi Rwoth, ŋey wonyali timo gi jo ŋono kodi bongi Were mawan, kole go lacwako i thotho.

Ezekiel 18:4

Kwo pa kisi dhano je obedo aparan, kwo pa janywol kiri gi kwo pa nyathi. Ŋata timo reco ama latho.

Luka 15:24

Kole wodan me oyido otieko tho to pama onyo kwo; onwaŋo otieko rwenyo to pama onyo onwaŋere.’ Gikenyo to kalima cakere.”

Luka 15:32

Aka oyido ripo ni watim kalima wasangala ye; kole omin in me onwaŋo otieko tho, to pama onyo kwo; onwaŋo otieko rwenyo, to pama onyo onwaŋere.’ ”

Yohana 5:24

“Adieri awaco riwin, nyatoro je ma winjo wac paran, to yeyo ŋat'ooran, nitie gi kwo makirum. Aka k'othumi rigo banja rupiri go otieko wok i tho odonjo i kwo.

Joroma 1:29

Jopoŋ gi kidakana ma nger je: Raco, woro, kodi camo tiendi ji gi piny. Jopoŋ gi nyeko, neki, gorok, twodo, gi paro marac. Jonyeko nyingi wadi gin,

Joroma 12:1

Am'omiyo, wutmera, ro wor pa Were m'oasere riwan, agoyo riwin koko me: Miy win delkwoŋ win ri Were paka cowirok makwo, maleŋ ma sangala go. Meno a lamo ma cuny ma wiripo cwayo rigo.

Joroma 6:11

I royo acel wibende wiripo tere paka jom'otieko tho ma nyutho kwero gimarac aka onyo jokwo ri Were i Kristo Yesu.

Joroma 6:16

Wikuya nike ka wimiyere paka ŋecin ma winjo nyatoro, meno adieri wibedo ŋecin pa rwoth ma wiwinjo no, kosa apa gimarac ma kelo tho, kosa apa winjo Were ma kelo riwin tiro i waŋe?

Joroma 6:19

Aoro wac manyadhanodhano ro nyapo ma winigine ma niaŋ. Paka yado oyido wimiyere ibedo ŋecin pa kidakana, kodi turo cik pa Were, onyo pama bende wiripo miyirok paka ŋecin pa tiro ri atoŋa ma lonyo.

Joroma 7:23

to anwaŋo ni cik man ama tiyo i delkwoŋan, cik ma lwenyo kodi gima paro paran yenyo. Gino lokan jatwec pa cik ma gimarac ma tiyo i delkwoŋan.

Joroma 7:5

Munyo oyido fodi watimo gima del yenyo, awanya mareco ma Cik osigila oyido tiyo i delkwoŋ wan, aka oyido kelo riwan tho.

1 Jokorintho 6:15

Wikuya ni delkwoŋ win obedo adec ma delkwoŋ Kristo? Onyo akwany adec ma delkwoŋ Kristo aloki delkwoŋ dhano ma tana delkwoŋe i timo giwickwot? Ki nyalere!

1 Jokorintho 6:20

Go onyewo win gi welo ma malo. Am'omiyo or win delkwoŋ win ma miyo Were dwoŋ.

1 Jokorintho 6:9

Wikuya ni joreco jokibino donjo i Ker pa Were? Moro wokiri wowondi win: Ongoye jokidakana, kosa jolami cal makicar, kosa mon ma jotana delkwoŋ jo i timo giwickwot, kosa jotimi cot, kosa joma timo kidakana cwo gi cwo wadi gin aka mon bende gi mon wadi gin,

2 Jokorintho 10:4

Ato gilweny ma waoro k'obedo gilweny manyapiny, t'obedo gilweny pa Were ma dimeni, ma ŋinyo woko cel kada m'oger matek nedi,

2 Jokorintho 5:14

Ato mar pa Kristo ama dhumo wan, kareno waŋeyo ni dhano acel otho ri ji je, ma nyutho ni kere ji je jotieko tho.

2 Jokorintho 5:15

Aka go otho ri ji je, nike jomakwo kiri jowoteri kwo paka apajo wegi to paka apa Kristo m'otho rijo to icerino go kwoŋ jom'otho.

2 Jokorintho 8:5

Jokalo kiri kam'onwaŋo wanyalo geno! Marapena wegi jomiyere ri Rwoth; aka rumacen, gi mito pa Were, jomiyere riwan bende.

Joefeso 2:5

kad'oyido watho i cuny wan ro turo cik ma waturo, omiyo walimo kwo kanyacel gi Kristo; aka wiboth cungo kwoŋ nema pa Were.

Joefeso 5:14

ato gimoro je m'othangi kamaler lokere lero. Am'omiyo nitie wac ma waco ni, “Cew, in janindo me, aka ay ieye woko kwoŋ jom'otho, aka Kristo bino liel kwoŋin.”

Kitawo mar'abic mapa Musa m'ilwoŋo ni Cik 25:16

Kole jono je ma jotimo nger gino, jono je ma jokitim adieri, jobedo amien ri Rwoth Were mewin.

Jofilipi 1:20

Kole anitie g'awanya madwoŋ kodi geno nike wiyan k'okwoti i tic paran, to ni hongo je, makada pama won, abino bedo gi miseni madwoŋ ma kelo dwoŋ ri Kristo i del paran, kad'akwo kosa atho.

Jokolosia 2:13

Kad'obedo ni con oyido witho i cuny win ro reco mewin, odoko rupiri oyido wibedo Jopath, ma jokithumere, to Were ocwako riwin reco mewin je, munyo omiyo wan kwo kanyacel gi Kristo.

Jokolosia 3:5

Am'omiyo, wiripo neko woko awanya ma delkwoŋ win paka cot, kidakana, timo giwickwot, awanya mareco, gi woro (m'obedo lamo cal makicar).

2 Jothesalonika 2:12

aka wothum banja loyo ji ma jok'oyeyo adieri ma josangala kodi gimarac ayin.

2 Timothe 2:15

Tem paka inyalo kisangala Were, paka jatic ma wiye kikwoti gi tic pere, aka fonjo m'otire wac mar'adieri mapa Were.

Yakobo 4:1

Kere aŋo ma kelo gorok gi dhawirok i dier win? Gigipiny no kiwoki kwoŋ awanya ma ndir je lwenyo i delkwoŋ win?

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

1 Petero 4:2

Riameno, wok gunyo ni, mito pa Were ama dhumo kwo pere gipi i piny ka makiweno awanya mareco ma del.

1 Yohana 1:9

To ka watuco reco mawan ri Were, go genere kendo otire aka bino cwako reco mawan, to lonyo wan kwoŋ tim mawan mareco je.