Joroma 5:2 - KITAWO MALEŊ Catholic

² Go am'okelo wan i nema pa Were ma pama wacung'iye. Am'omiyo wasangala i geno ma wanitie gine ma limo dwoŋ pa Were!

KITAWO MALEŊ

² Go am'okelo wan i nema pa Were ma pama wacung'iye. Am'omiyo wasangala i geno ma wanitie gine ma limo dwoŋ pa Were!

Joroma 5:2 ပူးပေါင်းရင်းမြစ်များ

Zabuli 17:15

To paka ri an, kwoŋbedo angoye gi komo, abino nenin, aka k'acew, bedo perin bino miyan kisangala.

Zabuli 73:24

Iŋat'ithielan gi fonji perin, aka rumacen ibino jolan gi dwoŋ.

Agecin 14:32

Jokidakana ikengila jo gi tim pajo marac, to jom'otire jonwaŋo kapondo i tiro pajo.

Habakuk 3:18

Kucel alafore i Rwoth; alakisangala i Were, jaboth paran.

Matayo 25:21

Rwoth pere owaco rigo ni, ‘Walwa gi tic, ijatic maber ma genere; ibedo gi genirok i gimathin, abino ketho i cingin madit; donji ibedi i kisangala pa rwoth perin.’

Yohana 10:7

Yesu odoko owaco ni, “Adieri awaco riwin, Aŋat'abedo dhiot pa rombo.

Yohana 10:9

Aŋat'abedo dhiot. Moro je ma donjo gi bongan bino both; go bino donjo to wok, to nwaŋo lum m'oloth.

Yohana 14:6

Yesu odwoko ni, “An aya royo, abedo adieri, kodi kwo; ongoye ŋata bino bongi Baba, ka k'oluwo bongan.”

Yohana 5:24

“Adieri awaco riwin, nyatoro je ma winjo wac paran, to yeyo ŋat'ooran, nitie gi kwo makirum. Aka k'othumi rigo banja rupiri go otieko wok i tho odonjo i kwo.

Tim pa Jomoor 14:27

Munyo jotundo Antiok, jocoko ji ma kitipa pa jom'oyeyo kanyacel to jowaco rijo gimoro je ma Were otimo gi jo; kendo paka onyo oyawo royo ri Jopath ma yeyo.

Joroma 11:20

Meno otire, ojwer woko jo rupiri jok'oyeyo, to wikiri wibedi gi paro ma pakirok kwoŋ gime; kucel, bedi win gi lworo ayino.

Joroma 12:12

Weyi geno mewin womiy win kisangala, diy win cuny win i teko mewin, aka kway win Were hongo je.

Joroma 14:4

In iŋa m'ithumo banja ri jatic pa ŋatiman? Rwoth pere won ama nyalo ridho paka go tiyo maber kosa ma kiber odoco. Aka bino konyo go wocungi, rupiri Rwoth nyalo miyo go cungo matek.

Joroma 15:13

Were ma geno wok bonge wonyali poŋo win gi kisangala je kodi siem cungo kwoŋ yeyo mewin, ŋey geno mewin womedere dongo gi meni pa Cuny Maleŋ.

Joroma 2:7

Ji megi hongo je jotimo gima beyo, aka jorango dwoŋ pa Were gi wor kodi kwo makirum; aka Were bino miyo jo kwo makirum.

Joroma 3:23

Paka ji je jotieko timo reco aka jonitie bor gi dwoŋ pa Were,

Joroma 5:5

Geno me kikwoti wiy wan, rupiri Were otieko konjo mar pere i cuny wan, munyo omiyo wan Cuny Maleŋ, m'obedo mic pa Were riwan.

Joroma 8:1

Pama onyo kidok kethi banja kwoŋ jomakwo pajo nitie i Kristo Yesu,

Joroma 8:24

Kole geno am'omiyo obothi wan; to geno m'otieko nenere meno kidok bedi geno. Ŋa ma geno gima go neno?

1 Jokorintho 15:1

Onyo wutmera, amito poyo win, Wac Manyen Maber m'atieko fonjo win, ma wijolo, ma yeyo mewin onyo ocung'iye matek.

2 Jokorintho 3:18

Wajoje, onyo, wanyutho dwoŋ pa Rwoth gi waŋ wan ma k'oum; aka dwoŋ no, ma wok bongi Rwoth m'obedo Cuny, loko wan i cal pere, gi dwoŋ ma medere ameda.

2 Jokorintho 4:17

Aka teko mathin ma hongo macek me bino kelo riwan dwoŋ m'oasere ma cil gi cil, maloyo teko no bor.

Joefeso 2:18

I Kristo wajoje wan gi thwolo i Cuny Maleŋ acel ma kidho bongi Were Bawan.

Joefeso 3:12

I go, kendo gi yeyo mawan i go, wanitie gi thwolo ma donjo bongi Were gi siem ma cuny wan odile.

Joefeso 6:13

Am'omiyo ruki win gilweny pa Were gipi, ŋey ka ndelo ma raco otundi, wibino nyalo ciro lweny pa jakwor, aka ka witieko lwenyo kiri i gike, bino nwaŋo ni fodi witek.

2 Jothesalonika 2:16

Weyi Rwodhiwan Yesu Kristo won gipi, kodi Were Bawan, m'omaro wan aka i nema pere omiyo wan miseni makirum kodi geno maber,

Joebulaniya 3:6

To Kristo ogenere paka Wod Were ma kuro ri Were ot. Aka kole waŋati wabedo ot pere ka wamedere gi miseni mawan kodi ridho geno ma wapakere gine.

Joebulaniya 6:18

Were ooro gigipiny ario me (cikirok kodi kwoŋirok) ma kinyal wire, odoko ma go kinyal twodo kwoŋe, ma nyutho gino. Am'omiyo wan ma watieko limo kagoŋirok bonge wanyalo nwaŋo miseni madwoŋ ma cwirok matek kwoŋ geno m'oketh ruwaŋ wan.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

Menyirok ri Yohana 21:11

maliel gi dwoŋ pa Were. Tindi no omeny pa ge ma welo, pa tele manyaboke pendi, maler pa ndewiro.

Menyirok ri Yohana 21:23

Tindi no kiyeny ceŋ kosa dwe wokel'iye lero, rupiri dwoŋ pa Were am'obedo lero mere, aka Nyathi rombo a tala mere.

Menyirok ri Yohana 21:3

Awinjo dwondi nyatoro ma luwo malo munyo waco wi kom ma dhum ni, “Pama peco pa Were nitie gi ji! Go bino bedo gi jo, aka jobino bedo ji pere. Were won bino bedo gi jo, aka bino bedo Were pajo.

Menyirok ri Yohana 3:21

Ŋat'oloy lweny abino miyo meni ma bedo bongan i kom paran ma dhum, paka abende atieko loyo lweny aka onyo abedo kabuti Baba i kom pere ma dhum.