Joroma 4:15 - KITAWO MALEŊ Catholic

¹⁵ Cik kelo nge pa Were, to kama cik ongoy'iye, meno turo cik bende ongoye.

KITAWO MALEŊ

¹⁵ Cik kelo nge pa Were, to kama cik ongoy'iye, meno turo cik bende ongoye.

Joroma 4:15 ပူးပေါင်းရင်းမြစ်များ

2 Kerin 22:13

“Kidhi win wipenji ran kodi ji ma Yuda Rwoth fonji ma kitawo me. Rwoth omako nge gi wan kwoŋbedo kwarere mawan jok'otimo gima kitawo me waco nike iripo timo.”

Yeremia 4:8

Kwoŋbedo gime, ruki win kutiya, ywak win aka wibiy pigi waŋ win, kole nge pa Rwoth mager fodi k'oweyo wan.

Ywakirok 2:22

Ilwoŋo jokwor paran thoko, paŋini i ndelo ma kalima, aka i ndelo ma nge pa Rwoth, ongoye ŋat'okwale kosa m'obothi, jono m'anywolo t'apidho, jakwor paran oreyo woko jo.

Ezekiel 7:19

Jolawito feza pajo i royo, zahabu pajo lalokere gimakoc. Feza pajo kodi zahabu k'onyal konyo jo, i ndelo ma keme pa Rwoth. Jok'oyeŋ kec pajo, aka iy jo k'opoŋ, kwoŋbedo jolokere gi timo reco pajo.

Zefania 1:18

Feza pajo kosa zahabu pajo, kilabotho jo, i ndelo ma keme pa Rwoth, i mac ma nyeko pere, piny gipi larere woko, gi mac ma nge pere. Go laketho gike abwap ri ji je ma jobedo i piny.

Kwan 32:14

Onyo win pama, luse pa joreco, witieko ay i kabedo pa bacere mewin, medo nge pa Rwoth malieth kwoŋ Isiraili!

Yohana 15:22

Bedi akibino t'aluwo gi jo di jongoye gi raco; to pama onyo jongoye gi kagoŋirok kwoŋ reco pajo.

Yohana 3:36

Ŋata yeyo Wode nitie gi kwo makirum; ŋata kiwinji Wode k'olimi kwo, to keme pa Were ama bino tundo rigo.

Joroma 1:17

Kole Wac Manyen Maber nyutho paka Were ketho ji i tiro gine luwo kwoŋ yeyo, wok i cakirok tundo i gike. Ato randik waco ni, “Ŋat'okethi i tiro gi Were bino kwo gi yeyo.”

Joroma 5:13

Gimarac oyido nitie i piny mafodi k'owodhi Cik; to kama Cik ongoy'iye kikwan'iye reco ri nyatoro.

1 Jokorintho 15:56

Ato kwir pa tho ma lunga wok i gimarac, aka gimarac nwaŋo meni pere i Cik.

Jogalasia 3:10

Aka dhano je ma cwire i winjo Cik meno nigi kwoŋ ayino i kwo pere, rupiri ndiko waco ni, “Ŋata ndir je kiwinji aka kitim gimoro je m'ondiki i kitawo ma Cik meno ŋato okwoŋ!”

Jogalasia 3:19

To onyo atoŋa pa Cik oyido obedo aŋo? Owodhi Cik ro tim pa ji mareco, aka omiti ni wobedi cuka bino pa nyakwar Abraham, m'otimi gine cikirok. Jomalaika jokonyo ikelo Cik no kareno dhano am'obedo jathek ma cungo i dier ji gi Were.

Joefeso 5:6

Wikiri wiyey moro wowondi win gi wac m'ongoye kony, rupiri gigipiny me je ama bino miyo Were kigaga gi ji ma jokiwinji go.

Jokolosia 3:6

Kole ro gigipiny me keme pa Were bino podho kwoŋ joma jokiwinji go.

1 Yohana 3:4

Moro je ma timo gimarac meno turo cik pa Were; aka bedo i reco nyutho kwero winjo cik.

Menyirok ri Yohana 19:15

Abor mabith owok i dhoke, ma go bino toŋo woko gine nonin. Go bino dhumo jo kodi luth ma nyweny, aka go bino biyo vini i gibiyo vini ma keme mager mapa Were Majameni je.