Joroma 4:11 - KITAWO MALEŊ Catholic

¹¹ Othum go rumacen paka ranyuth ma ridho ni ro yeyo pere munyo fodi go k'othumere am'omiyo Were okwano go paka ŋat'otire. Meno am'omiyo Abraham obedo ba joma yeyo Were ma cuny, ma Were jolo jo paka jom'otire, kada jok'othumere.

KITAWO MALEŊ

¹¹ Othum go rumacen paka ranyuth ma ridho ni ro yeyo pere munyo fodi go k'othumere am'omiyo Were okwano go paka ŋat'otire. Meno am'omiyo Abraham obedo ba joma yeyo Were ma cuny, ma Were jolo jo paka jom'otire, kada jok'othumere.

Joroma 4:11 ပူးပေါင်းရင်းမြစ်များ

Cakirok 17:24

Abraham oyido jaoro piero abuŋwen g'abuŋwen munyo othum go,

Zabuli 47:9

Jodhum ma nonin jocokere paka ji pa Were pa Abraham. Kole kwote ma piny obedo apa Were; go obedo jadhum madwoŋ loyo.

Kitawo mar'ario mapa Musa m'ilwoŋo ni Wok 12:13

Remo bino bedo ranyuth ma nyutho udi mewin ma wibedo iye. K'aneno remo, abino kalo win m'akimiyo win litho k'amiyo Jomisir gir'acula.

Kitawo mar'ario mapa Musa m'ilwoŋo ni Wok 31:13

waco ri Joisiraili ni, “Kur win ndelo ma Sabato, ndelo ma ywomirok, rupiri obedo ranyuth i dier An kodi win ri kisi hongo ma bino, nyutho nike An, Rwoth atieko loko win ji paran.

Kitawo mar'ario mapa Musa m'ilwoŋo ni Wok 31:17

Obedo ranyuth makicutho i dier Joisiraili kodan, rupiri An Rwoth, acweyo polo gi piny i ndelo aucel, aka i ndelo mar'abirio atieko tic t'aywomere.”

Ezekiel 20:12

Amiyo jo bende kuro sabato, paka ranyuth i dier an kodi jo; ŋey jowoŋey nike An Rwoth, aloko jo maleŋ.

Ezekiel 20:20

Kur win sabato paran maleŋ ŋey jowobedi ranyuth i dier an kodi win ŋeyo nike An Rwoth, abedo Were mewin.

Matayo 16:16

Simon Petero odwoko ni, “In ibedo Kristo Wod Were makwo.”

Matayo 8:11

Poyi win gime! Jomathoth jobino wok yuwok ceŋ kodi yupodho ceŋ to jobedo dhower i Ker ma polo kodi Abraham, Isaka, kodi Yakobo.

Luka 19:9

Aka Yesu owaco rigo ni, “Konon both otieko bino i ot me, paka jame bende obedo nyakwar Abraham;

Yohana 3:33

To ŋat'otieko jolo mikwenda pere otieko niaŋo ji gi ranen nike Were obedo jar'adieri.

Yohana 3:36

Ŋata yeyo Wode nitie gi kwo makirum; ŋata kiwinji Wode k'olimi kwo, to keme pa Were ama bino tundo rigo.

Yohana 6:35

Yesu owaco rijo ni, “Abedo mugat ma kelo kwo. Ŋata bino bongan kilawinjo kec, aka ŋata yeyan kilawinjo riyo.”

Yohana 6:40

Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Yohana 6:47

“Adieri awaco riwin, ŋata yeyo je nitie gi kwo makirum.

Yohana 8:33

Jodwoko ni, “Kole wabedo nyikway Abraham, kendo fodi wakibedo ŋecin pa nyatoro, odoko iwaco nedi n'ibino loko wan joma ni siem?”

Joroma 10:11

Kole ndiko waco ni, “Moro je ma yeyo go k'onwaŋ wickwot.”

Joroma 10:4

Kole Kristo am'obedo kama Cik gik'iye, ŋey nyaka dhano je ma yeyo wokethi i tiro gi Were.

Joroma 10:6

To me a gima ndiko waco kwoŋ ketho dhano i tiro gi Were ro yeyo: “Ikir'iwaci i cunyin ni, ‘Ŋat'oidhi i polo?’ ” (Dwoŋ mere ni dwoko Kristo i piny ka).

Joroma 3:22

Were ketho ji i tiro kwoŋ yeyo pajo i Yesu Kristo ayino. Were timo gime ri ji je ma joyeyo Kristo, rupiri pokirok ongoye.

Joroma 3:26

to i ndir ma pama go kaŋasa reco pa ji, ma nyutho paka go won otire, aka go ama kwanyo woko banja kwoŋ ŋata nitie gi yeyo i Yesu.

Joroma 3:30

Were nitie acel, aka go bino kwanyo woko banja kwoŋ Joyuda cungo kwoŋ yeyo pajo, aka bende bino kwanyo woko banja kwoŋ Jopath ro yeyo bende acel no won.

Joroma 4:10

Gime otimere keraŋo? Otimere mafodi, kosa munyo Abraham otieko thumere? Mafodi, makiweno rumacen ma thumirok pere.

Joroma 9:30

To wanowaci nedi? Jopath m'onwaŋo jokitem bedo i tiro gi Were, onyo okethi jo i tiro gine ro yeyo pajo;

Joroma 9:33

ma ndiko luwo kwoŋe ni, “Neni, aketho i Zayon tele ma bino miyo ji cer, Tele ma bino miyo jo podho. To ŋat'oyey go, k'owey wiye wokwoti.”

Joroma 9:6

Akiwaci ni cikirok pa Were othogaya ongoye kony; rupiri k'obedo ni Joisiraili je ji pa Were;

2 Jokorintho 1:22

to ketho ranyuth pere kwoŋ wan paka wabedo apere, to ketho Cuny Maleŋ i cuny wan ma ridho ni lamiyo wan gimoro je ma go okano riwan.

Jogalasia 3:22

To ndiko maleŋ waco ni kisi gimoro nitie i meni pa gimarac, to joma joyeyo jolanyalo limo mic m'ocik cungo kwoŋ yeyo Yesu Kristo.

Jogalasia 3:29

Ka wibedo apa Kristo, kole meno wibedo nyikway Abraham, aka wibedo musikin ma jobino lunjo lim ma Were ociko.

Jogalasia 3:7

Am'omiyo, wiripo ŋeyo ni joma jonitie gi yeyo, meno a nyikway Abraham mar'adieri.

Jogalasia 5:5

To wan gi geno ni Were bino ketho wan i tiro gi go, gi meni pa Cuny Maleŋ pa Were ma tiyo i yeyo mawan; aka meno a gima wakuro.

Jogalasia 6:16

Siem gi ŋono wobedi ri joma jobino mako tiendi wac me i kwo pajo, kodi ri ji pa Were je!

Joefeso 1:13

Wibende munyo wiwinjo wac mar'adieri, Wac Manyen Maber m'okelo riwin both, wiyeyo Kristo aka Were oketho ranyuth pere kwoŋ win, munyo miyo win Cuny Maleŋ ma go won oyido otieko ciko win.

Joefeso 4:30

Wikiri wimiy Cuny Maleŋ gut, rupiri go obedo ranyuth ma Were oketho kwoŋ win ri ndelo ma both.

Kitawo mar'abic mapa Musa m'ilwoŋo ni Cik 30:6

Rwoth layomo cuny win kodi cuny nyikway win, ŋey wimar Rwoth Were mewin gi cuny win je kodi kwo mewin je, ŋey wibedi makwo.

Jofilipi 3:9

ŋey abedi i go. Aka adoko akibedi gi tiro paran won, i royo ma kuro Cik, to pama anitie gi tiro ma wok bongi Were, aka ma cungo kwoŋ yeyo Kristo.

Joebulaniya 11:7

Yeyo am'omiyo Nowa owinjo wac pa Were kwoŋ gigipiny ma go oyido fodi k'oneno. Go owinjo Were, to geto ye ma go gi peco pere joboth'iye. Ro yeyo pere go okwero reco m'oyido timere i piny, aka olimo bongi Were tiro ma wok i yeyo.

2 Petero 1:1

Balwa m'owok bongi Simon Petero, jatic kendo jamoor pa Yesu Kristo. Ri joma i tiro pa Were mawan kendo Jaboth, Yesu Kristo, omiy jo yeyo ma diwelo paka mawan.

Menyirok ri Yohana 9:4

Owaci rijo ni jokiri jowonyeki lum, kosa yen, kosa gim'otwi moro je, to jowotimi raco kwoŋ ji ma jongoye kodi ranyuth pa Were ruwaŋ jo kende.