Joroma 3:27 - KITAWO MALEŊ Catholic

²⁷ Onyo aŋo ma wanyalo yumirok gine? Kole ongoye! I royo mene? I royo ma kuro Cik? Be, i royo ma bedo gi yeyo ayino.

KITAWO MALEŊ

²⁷ Onyo aŋo ma wanyalo yumirok gine? Kole ongoye! I royo mene? I royo ma kuro Cik? Be, i royo ma bedo gi yeyo ayino.

Joroma 3:27 ပူးပေါင်းရင်းမြစ်များ

Zefania 3:11

I ndelo no, wik'obedi giwickwot, ro tim je m'omiyo win gwenyirok kwoŋan, kole alakwanyo woko i dier win, jonoro je, aka wik'odele kendo, wi got paran maleŋ.

Mariko 16:16

Ŋat'oyey t'ibatisa go bino both; ŋat'okwer yeyo ilathumo banja rigo.

Yohana 3:36

Ŋata yeyo Wode nitie gi kwo makirum; ŋata kiwinji Wode k'olimi kwo, to keme pa Were ama bino tundo rigo.

Joroma 10:5

Musa ondiko kwoŋ wac ma bedo i tiro gi Were i winjo Cik ni, “Ŋata timo gima Cik waco, bino kwo gi Cik.”

Joroma 11:6

K'obedo ro nema pere, meno yero pa Were kicungi kwoŋ tim mabeyo ma dhano timo, rupiri d'onyo nema no kidok bedi nema m'otire.

Joroma 2:17

Aka in to? Ilwoŋere ni Jayuda; ithenere kwoŋ Cik aka iyumere gi Were;

Joroma 2:23

In m'iyumere ni in gi cik pa Were, raŋo m'idoko ikelo wickwot ri Were kareno ituro cik pere?

Joroma 3:19

Onyo pama watieko ŋeyo ni gimoro je ma Cik waco, mako kwoŋ joma fodi joluwo Cik, ŋey wogeŋ woko rendirok pa dhano, aka Were wonyali thumo banja ri piny gipi.

Joroma 3:26

to i ndir ma pama go kaŋasa reco pa ji, ma nyutho paka go won otire, aka go ama kwanyo woko banja kwoŋ ŋata nitie gi yeyo i Yesu.

Joroma 4:2

Bedi kwany woko banja kwoŋe cungo kwoŋ gigipiny ma go otimo, di go onyalo bedo kodi yumirok, to go kinyal yumere ruwaŋ Were.

Joroma 7:21

Ameno anwaŋo ni gime cale gi cik; ka amito timo gimaber, ayero gimarac ayino.

Joroma 7:23

to anwaŋo ni cik man ama tiyo i delkwoŋan, cik ma lwenyo kodi gima paro paran yenyo. Gino lokan jatwec pa cik ma gimarac ma tiyo i delkwoŋan.

Joroma 7:25

Am'omiyo, me apaka anitie: Abedo ŋeca ri cik pa Were i paro paran, to i del abedo ŋeca ri cik pa gimarac.

Joroma 8:2

rupiri cik ma Cuny ma kelo riwan kwo i Kristo Yesu, otieko thekan gi cik m'okelo gimarac kodi tho.

Joroma 9:11

Kada munyo fodi k'onywol jo aka onwaŋo fodi jok'otimo kiri gimoro maber kosa marac, (ma miyo yero pa Were wotimere,

Joroma 9:31

kareno Joisiraili m'onwaŋo jorango tiro cungo kwoŋ Cik, jok'onyalo kuro Cik nago.

Joroma 9:32

To raŋo? Rupiri gima jotimo onwaŋo k'ocungo kwoŋ yeyo to kwoŋ tic mabeyo ayino. Jocer wi tele ma redho jo,

1 Jokorintho 4:7

Aka ŋa ma neno gim'opokere i in? Aŋo m'initie gine ma k'omiyin amiya? To inyalo kwot nedi, paŋini gim'inigine k'obedo mic?

Jogalasia 2:16

To waŋeyo ni dhano iketho i tiro gi Were i yeyo kwoŋ Yesu Kristo, makiweno i timo gima Cik waco. Kole ongoye ŋat'iketho i tiro gi Were i timo gima Cik waco.

Jogalasia 3:22

To ndiko maleŋ waco ni kisi gimoro nitie i meni pa gimarac, to joma joyeyo jolanyalo limo mic m'ocik cungo kwoŋ yeyo Yesu Kristo.