Joroma 2:6 - KITAWO MALEŊ Catholic

⁶ Kole Were bino miyo dhano je kemba cungo kwoŋ gima go otimo.

KITAWO MALEŊ

⁶ Kole Were bino miyo dhano je kemba cungo kwoŋ gima go otimo.

Joroma 2:6 ပူးပေါင်းရင်းမြစ်များ

Yobu 34:11

Kole go culo ji cungo kwoŋ tim pajo, kodi cungo kwoŋ yo pajo.

Zabuli 62:12

aka ni mar makiwire obedo apa Rwoth. In won gipi, Awi Rwoth, imiyo dhano kemba cungo kwoŋ tim pere.

Kitawo mar'ario mapa Musa m'ilwoŋo ni Wok 32:34

Onyo kadhi itel ji i kabedo m'atieko waco rin. Poyi nike malaika paran bino telin, to hongo bino m'alamiyo ji me gir'acula ro reco pajo.”

Agecin 24:12

Inyalo rin waco ni kimaki kwoŋin, to Were ma kaŋasa cuny ji oŋeyo atoŋa perin. Go ma kuro adundo perin oŋeyo, aka laculin cungo kwoŋ tim perin.

Agecin 24:2

Kole timo teko kende ama joparo kwoŋe, aka dhok jo luwo can marac kende.

Agecin 26:10

Jadwoŋ ma miyo kisi dhano litho, cal ŋata miyo jamiŋo kosa jamero ma joluwo rigin tic.

Jafonji 3:17

Awaco i cunyan ni, “Were lathumo banja ri joma timo gim'otire gi jokidakana, rupiri go otieko yiko hongo ma ripo ri kisi gimoro, gi kisi tim.”

Yeremia 17:10

An Rwoth, arango cuny ji t'atemo adundin pa ji. Atiyo gi kisi dhano cungo kwoŋ tim pere, cungo kwoŋ gima go timo.

Yeremia 32:19

Rieko perin dwoŋ aka tim perin dimeni. Waŋin neno yo pa ji je, aka iculo joje cungo kwoŋ yo pajo kodi tim pajo.

Ezekiel 18:20

Adundo ma timo reco ama latho. Nyathi kilatiŋo reco pa janywol, aka janywol kilatiŋo reco pa nyathi. Ŋata timo gim'otire labedo rigo won, aka ŋata timo kidakana labedo rigo won.

Ezekiel 18:30

“Riameno Rwoth Were waco ama: Awi ot pa Isiraili alathumo riwin banja luwo kwoŋ yo pa kisi dhano. Pusere win aka wiwire woko kwoŋ reco mewin, ka k'obedo ameno lalokere riwin rerok.

Ezekiel 36:19

Akedho jo i dier nonin, aka okedhi jo gi i piny; cungo kwoŋ kula gi tim pajo athumo rijo banja.

Matayo 16:27

“Kole Wod Dhano labino gi dwoŋ pa Bamere gi jomalaika pere, aka bino culo dhano je kemba pere cungo kwoŋ tim pere.”

Joroma 14:22

In gi yeyo? Ere maki yeyo perin no paka gim'iwon iridho ruwaŋ Were. Jasilwany a ŋata kiwinji banja i cunye ka timo gima go ofoyo!

1 Jokorintho 3:8

Japidho kodi jaywoy pi je jorom aroma; Were bino miyo jo kemba cungo kwoŋ tic ma jotimo.

1 Jokorintho 4:5

Am'omiyo wikiri withum ri nyatoro banja mafodi ndir k'otundo. Kutho kur win bino pa Rwoth, ma bino wodho i lero gimoro je m'opondo i mudho kendo bino thango kamaler atoŋa ma cuny ji. I hongo no ama nyaka dhano je bino lim'iye pak ma ripo gine wok bongi Were.

2 Jokorintho 11:15

Am'omiyo k'obedo gidhier ka jotic pere bende jotwodo ni jobedo jotic ma lero. Rumacen jobino limo gima ripo gi jo tirtir ro gigipiny ma jotimo.

2 Jokorintho 5:10

Kole wajoje waripo cungo ruwaŋ Kristo, go wothum riwan banja, ŋey kisi dhano kwoŋ wan wolimi gima ripo gine cungo kwoŋ gima go otimo gi delkwoŋe, maber kosa marac.

2 Timothe 4:14

Alekizanda jathieth otimo ran marac swa, Rwoth bino miyo go kemba ro gima go otimo.

Menyirok ri Yohana 2:23

Abino kisika nyithindho pere bende, aka kitipin pa jom'oyeyo je jobino ŋeyo nike a jameny cuny ji gi ŋeyo paro pa ji. Abino culo kisi dhano kwoŋ win cungo kwoŋ gima go otimo.

Menyirok ri Yohana 20:12

Aka aneno joma cango jotho, madongo kodi mathindho, munyo jocungo ruwaŋ kom no, t'iyawo kitawin. To odoko iyawo kitawo man m'obedo kitawo ma kwo. Aka joma cango jotho no othum rijo banjin cungo kwoŋ gima kisi dhano cango otimo i kwo pere, m'ondiki i kitawin no.

Menyirok ri Yohana 22:12

Yesu owaco ni, “Neni, abino mayot. Anigi kemba paran, m'abino miyo kisi nyatoro cungo kwoŋ gima go otimo.