Joroma 16:18 - KITAWO MALEŊ Catholic

¹⁸ Kole joma timo gigipiny ma kite no jokitiy ri Kristo Rwodhiwan, to jotiyo ri iy gin wegi gi wac pajo mamit kodi luwo ma dwoŋo paro pa jom'onwaŋo jongoye gi raco.

KITAWO MALEŊ

¹⁸ Kole joma timo gigipiny ma kite no jokitiy ri Kristo Rwodhiwan, to jotiyo ri iy gin wegi gi wac pajo mamit kodi luwo ma dwoŋo paro pa jom'onwaŋo jongoye gi raco.

Joroma 16:18 ပူးပေါင်းရင်းမြစ်များ

2 Samwiri 15:6

Absalom otimo gime ri kisi Jaisiraili m'obino bongi kere kelo banja; aka i cowe mere oywayo cuny jo.

2 Kigana kwoŋ Kerin 18:5

Ameno Ahab olwoŋo jotuci wac were je 400 to penjo jo ni, “Akidhi amonji Ramoth Giliad, kosa be?” Jo je jodwoko ni, “Kadhi imonji, Rwoth bino miyin loyo.”

Zabuli 119:130

Fonji perin miyo lero, aka kelo rieko ri jom'ongoye gi ŋeyo.

Zabuli 12:2

Kisi nyatoro wondo jager pere, jopelere aka joluwo gi cuny gin ario.

Zabuli 19:7

Cik pa Rwoth ongoy'iye komo, miyo meni manyen. Gima Rwoth waco genere, miyo rieko ri ji ma jongoye gine.

Agecin 14:15

Ŋatamiŋ yeyo kisi gimoro, to dhano mariek kaŋasa woth pere.

Agecin 22:3

Jomariek joneno teko bino to jopondo, to joparo macek jomedo kidho yu kama teko nitie i iye, aka jocandere.

Agecin 8:5

Win ma wingoye gi nyaŋith, wikifonjere ye niaŋ. Win ma wimiŋ, lim win rieko.

Yeremia 23:17

Jowaco noknok ri jono ma jobwono wac pa Rwoth ni, “Gigipiny lakadho riwin maber kodi ri ji je ma wiy gin tek ma wegi jotimo gima jomito, ka jowaco ni, ‘Ongoye teko ma lapodho kwoŋ win.’”

Ezekiel 13:16

jotuci wac Were no, ma jotuco wac ri Yerusalem nike joneno siem nitie, ma to siem ongoye, Rwoth Were waco.”

Ezekiel 13:19

Witieko nyeko nyingan i dier ji paran ri masi bale kodi muma mugat. Wiwaco ri ji twodo ma jomito winjo to wikelo tho ri ji ma jokiripi tho, aka ji ma joripo tho wiweyo jokwo.”

Mika 3:5

Me a gima Rwoth waco ri jotuci wac Were, ma jobano ji paran, aka jociko siem, ri jono ma joculo jo, to lweny ri jono ma jokicul jo.

Malaki 1:10

Rwoth pa lwak jolweny waco ni, “Kabedi nitie acel kwoŋ win manyalo cego thigo ma ot ma lamo to geŋo win moko mac ma bukony i wi migam paran. Akisangala gi win, aka akibino jolo mic m'owok i cingi win.

Matayo 24:11

Aka jotuci wac Were ma twodo mathoth jobino tundo to jowondo ji mathoth.

Matayo 24:24

Kole Kristo ma twodo kodi jotuci wac Were ma twodo jobino tundo to jotimo ranyuth madongo kodi gir'aura ma wondo ji, bedi nyalere di jowondo kiri jom'oyer.

Matayo 6:24

Ongoye ŋata nyalo tiyo ri rwodhe ario; go bino maro acel to dak man, kosa nyalo tiyo ri acel to cayo man. Ikinyal tiyo ri Were kodi ri lim bende.

Matayo 7:15

Gwokere win kwoŋ jotuci wac Were ma twodo, ma jobino bongi win i cal pa rombo gi woko, to iy'adieri mere jobedo arara i cuny gin.

Yohana 12:26

Nyatoro je ma tiyo ran ripo luwan, aka jatic paran bino bedo kam'an'iye. Aka Baba bino miyo nyatoro je ma tiyo ran dwoŋ.”

Joroma 14:18

Aka ŋata tiyo ri Kristo i royo me Were jolo, odoko ji bende foyo go.

Joroma 16:19

Dhano je otieko winjo cwirok mewin kwoŋ Wac Manyen Maber, aka ro wac me josangala swa gi win. Amito wibedi mariek kwoŋ gimaber, aka ma wikitim reco.

2 Jokorintho 11:3

To alworo ni paro mewin bino nyekere to wiweyo miyirok mewin mar'adieri odoko makicutho ma winitie gine ri Kristo paka Eva otimo munyo jwogi owondo go gi twodo pere ma nyariekorieko.

2 Jokorintho 2:17

Wakical jomathoth man, ma jooro mikwenda pa Were ma nwaŋ'iye lim; to rupiri Were ooro wan, waluwo g'adieri ruwaŋ go, paka jotic pa Kristo.

2 Jokorintho 4:2

Waketho gicen tim manyaliŋliŋ ma kelo wickwot; wakitiy gi twodo, odoko wakiwir wac pa Were. Kucel waluwo adieri i lero, ma nyutho ji je ni wanitie i tiro ruwaŋ Were.

Jogalasia 1:10

Onyo wiparo ni atemo dwaro foy pa ji, kosa apa Were ayin? Kosa wiparo ni atemo kisangala ji? Bedi fodi atemo kisangala ji d'akibedo jatic pa Kristo be.

Jofilipi 2:21

Ŋati man je tho kwoŋ wac pere won, makiweno kwoŋ apa Kristo Yesu.

Jofilipi 3:19

Jokidho rerok i mac makitho, rupiri Were pajo obedo awanya ma delkwoŋ gin, aka jopakere kodi gima wiy jo di kwoti gine ayin. Joketho paro pajo kwoŋ gigipiny ma piny ka kende.

Jokolosia 2:4

Awaco riwin ameno ŋey wikiri wiyey moro womiŋi win gi wac mathoth ma twodo, kada cale pa ber.

Jokolosia 3:24

Poyi win nike wibino limo kemba ma Rwoth okano riwin. Kole Kristo a Jadwoŋ ma witiyo rigo.

2 Jothesalonika 2:10

kodi reco madit ma wondo joma jobino rere woko, rupiri jokwero maro adieri ma d'omiyo jo both.

1 Timothe 6:5

gi laro gigipiny i dier ji ma paro pajo kitiy aka jongoye kodi adieri. Joparo ni tic pa Were obedo royo ma limo ŋaŋo.

Yakobo 1:1

Balwa m'owok bongi Yakobo, jatic pa Were kodi apa Rwoth Yesu Kristo. Ri nonin apar g'ario, ma jotiakere i piny gipi: Amotho win!

2 Petero 2:3

I woro pajo, jofonji ma twodo me jobino cemo kwoŋ win gi kigana ma wegi jocwogo. Banja pajo otiek yiko thumo wok con, aka rerok pajo bende ki nibor to nicegin.

Yuda 1:1

An Yuda, jatic pa Yesu Kristo, kendo omin Yakobo, andiko balwa me ri joma Were olwoŋo ma jonitie i mar pa Were Bawan kodi kur pa Yesu Kristo.

Yuda 1:12

Jocale cilo ma duwo kalima mewin, jokapakapa gi medho aka jocemo kodi win m'ongoye wickwot. Jobedo jokwath ma joparo kwoŋ iy gin wegi. Jocale pondeponde ma koyo lera gine to kikel koth. Jocale yen ma kinyak olemo kada i cwir, yen m'otiek fudho woko gi tiendi gin aka jotho woko kicutho.

Yuda 1:16

Ji me noknok jogesa aka jopusa jowot jo. Jotiyo g'awanya pajo mareco, wegi joyumere aka jodwoŋo wadi gin, ŋey jowotimi gima wegi joyenyo.”

Menyirok ri Yohana 1:1

Me a wac m'omenyere ma Were omiyo Yesu Kristo, ŋey wonyuthi jotic pa Were gima ripo timere mayot. Kristo omiyo gigipiny me oŋeyere ri jatic pere Yohana munyo ooro malaika pere bonge.

1 Samwiri 2:29

To onyo raŋo wiŋiyo gi woro mic gi cowirok ma amito wok bongi ji paran! Raŋo in Eli imiyo yac perin wor loyan aka iyeyo jo kiri poŋo gi adec mabeyo ma cowirok awaŋa ma ji paran miyan!