Joroma 15:26 - KITAWO MALEŊ Catholic

²⁶ Kole kitipa pa jom'oyeyo ma Makedonia kodi piny pa Jogris joridho paro ma miyo mic ma konyo jocandi i dier ji pa Were ma Yerusalem.

KITAWO MALEŊ

²⁶ Kole kitipa pa jom'oyeyo ma Makedonia kodi piny pa Jogris joridho paro ma miyo mic ma konyo jocandi i dier ji pa Were ma Yerusalem.

Joroma 15:26 ပူးပေါင်းရင်းမြစ်များ

Agecin 14:21

Jono ma jocayo wadi jo jobedo joreco, to josilwany a jono ma jomako wor gi jocandi.

Agecin 14:31

Jono ma jodiyo jocandi joyeto jacwec pajo, to jono ma jomako wor gi joma bu gimoro jomiyo go dwoŋ.

Agecin 17:5

Jono ma jonyoma jacandi joyeto Jacwec pajo, aka jono ma josangala ri teko jolalimo gir'acula.

Zekaria 11:11

I ndelo no, maluth otur'iye, mwendi m'oyido jolimo litho, m'oyido joŋiyan, joŋeyo nike oyido obedo wac pa Rwoth.

Zekaria 11:7

Akwayo mwendi ma ripo athumo, riameno jolimo litho. Akwanyo ludhe ario, acel alwoŋo ni Nema, aka man alwoŋo ni Riwirok; t'akwayo mwendi.

Matayo 25:40

Kere bino dwoko jo ni, ‘Adieri awaco riwin, munyo witimo gino kada ri acel m'oasa thin kwoŋ jowotan me, meno witimo ran.’

Matayo 26:11

Winitie gi jocandi noknok, to wikilabedo kodan noknok.

Luka 14:13

To ka iyiko kalima madwoŋ, lwoŋ jocandi, jom'ogiyagiya, jom'oŋol kodi joma waŋ gin otho bende,

Luka 6:20

Gikenyo Yesu otiŋo waŋe malo, oŋiyo jofonjirok pere, to waco ni, Josilwany a win ma wicandere i cuny win, Kole Ker pa Were obedo mewin.

Tim pa Jomoor 16:12

Wok kenyo wadonjo Filipi, tindi ma iy'adec ma Makedonia; kenyo bende obedo kama Joroma jodhumo. Wacowo ndelo moro i tindi no.

Tim pa Jomoor 16:9

Paulo olimo menyirok wor no ma go onen'iye dhano ma Makedonia munyo ocungo aka kwayo go ni, “Biye yu Makedonia korin ikony wan!”

Tim pa Jomoor 18:12

Munyo Galio oloki gavana pa Jogris mar'adec ma Akaya, Joyuda jocokere kanyacel, jomako Paulo, to jotero go i waŋ jothumi banjin i kapido.

Tim pa Jomoor 19:21

Munyo gigipiny me otieko timere, Paulo oyiko paro ma luwo yu Makedonia gi Akaya aka wokidhi Yerusalem. Go owaco ni, “K'atieko kidho koro, aripo neno Roma bende.”

Tim pa Jomoor 9:13

Anania odwoko ni, “Rwoth, kole ji mathoth jotieko luwo ran kwoŋ gigipiny mareco ma ŋato otieko timo ri ji perin maleŋ ma Yerusalem.

1 Jokorintho 16:15

Aka wutmera, wiŋeyo kwoŋ Sitefano gi peco pere paka jobedo jom'otelo wirok i yeyo i Gris, aka jomiyere tic ri ji maleŋ pa Were. Akwayo win wutmera,

1 Jokorintho 16:5

Alabino bongi win k'atieko wok yu Makedonia, rupiri ayiko luwo yu Makedonia.

2 Jokorintho 1:16

Kole onwaŋo acano liewo win k'akidho yu Makedonia, aka k'adwoko anwaŋ ye kony bongi win i woth paran ma kidho Yuda.

2 Jokorintho 11:9

Aka munyo abedo gi win akijoko win ni wikonyan kada munyo onwaŋo ayenyo pesa; kole jom'oyeyo ma Makedonia ama jokelo ran gimoro je m'oyido ayenyo. Fodi akikelo riwin peko moro, kendo akibino timo ameno kiri yuwaŋe!

2 Jokorintho 2:13

To fodi oyido an gi rembo kwoŋbedo akinyalo nwaŋo omin wan Tito kenyo. Am'omiyo asewila ji ma kenyo t'akidho yu Makedonia.

2 Jokorintho 7:5

Kiri munyo watieko tundo Makedonia je wakiywomere kada, to wanwaŋo candirok kisi kamoro: Koca dhawirok okaro wan, korin lworo opoŋ i cuny wan.

2 Jokorintho 9:12

Kole tic ma witiyo me kikony candi pa ji maleŋ pa Were kende, to bende miyo ji kweth jofoyo Were.

2 Jokorintho 9:2

Aŋeyo nike wiyeyo konyo, aka ayuma win ri ji ma Makedonia k'awaco ni, “Wutmere ma Gris joyikere miyo kony wok denge i oro meca.” Aka ketho kinen mewin oico jomathoth kwoŋ jo bende konyo.

2 Jokorintho 9:4

Kak'ameno, ka ji ma Makedonia jobin kodan to jonwaŋo ni wikiyikere, wiy wan bino kwot marom nedi; meno kareno wakiluw kwoŋ wickwot mewin; rupiri waasa geno win!

Jofilipi 4:15

Aka win Jofilipi wiwegi wiŋeyo maber ni munyo aweyo Makedonia, i ndir m'acako fonj'iye win Wac Manyen Maber, win kende oyido a kitipa pa jom'oyeyo ma joriwere kodan i poko kodi jolo gimoro.

1 Jothesalonika 1:7

Riameno witieko lokirok ranen ri jom'oyeyo je i Makedonia kodi i Akaya.

1 Jothesalonika 1:8

Kole mikwenda ma mako kwoŋ Rwoth m'owok bongi win k'otundo ri Makedonia kodi Akaya kende, to wac kwoŋ yeyo mewin i Were olak i iye je. Am'omiyo, ongoye gima di wawaci kendo.

1 Jothesalonika 4:10

Aka adieri wimaro jom'oyeyo ma Makedonia gipi. To wakwayo win, wutmere, ni medi win ameda timo ameno.

1 Timothe 1:3

Ayenyo ni ibedi Efeso paka aorin munyo oyido anitie i woth paran acomo yu Makedonia. Juki joma kelo kenyo fonji ma twodo jowowey.

Filimon 1:5

rupiri awinjo kwoŋ mar perin ri ji pa Were je gi yeyo m'initie gine i Rwoth Yesu.