Joroma 14:17 - KITAWO MALEŊ Catholic

¹⁷ Kole Ker pa Were k'obedo nyaka cemo gi oro gir'amadha, t'obedo tiro kodi siem kodi kisangala i Cuny Maleŋ.

KITAWO MALEŊ

¹⁷ Kole Ker pa Were k'obedo nyaka cemo gi oro gir'amadha, t'obedo tiro kodi siem kodi kisangala i Cuny Maleŋ.

Joroma 14:17 ပူးပေါင်းရင်းမြစ်များ

Isaya 32:17

Timo gim'otire lakelo siem, lawok kudirok gi kwe piny cil gi cil.

Isaya 45:24

Jolawaco ni i Rwoth kende, ama gim'otire gi meni wok'iye. To jono je ma jodakan, wickwot lamako jo.

Isaya 55:12

Kole wilaweyo Babilon gi kisangala, aka ilatelo win ka widok i siem. Gote gi tendere jolamwoc gi wer, aka yen madudi jolagoyo adhoŋ.

Isaya 61:3

Miyo ji ma joywak i Zayon, kisangala gi forok i kabedo pa rem, mo ma wir i kabedo pa ywak, bujwenge ma pak i kabedo ma cuny manyap. Kenyo nyaka wonyali lwoŋo jo ni olwa ka jotimo gim'otire, ma Rwoth won am'opidho, ŋey wonyali miyo go dwoŋ.

Matayo 3:2

“Ŋuti win, rupiri Ker ma polo nicegin!”

Matayo 6:33

To kutho rangi win Ker pa Were kodi tiro ma go yenyo, aka go bino miyo win gigipiny me je.

Luka 14:15

Munyo acel kwoŋ jom'obedo dhower gi Yesu owinjo gime, owaco ri Yesu ni, “Jasilwany a ŋat'ocam mugat i Ker pa Were.”

Yohana 16:33

Atieko waco riwin gime ŋey wibedi i siem i riwirok kodan. Piny bino miyo wicandere. To bedi win miseni! Atieko loyo candirok ma piny!”

Yohana 3:3

Yesu odwoko ni, “Adieri awaco rin, ongoye ŋata nyalo neno Ker pa Were kwanyo woko k'onywole madirio.”

Yohana 3:5

Yesu odwoko ni, “Adieri awaco rin, ongoye ŋata nyalo donjo i Ker pa Were kwanyo woko ka olimo nywolirok ma pi kodi ma Cuny.

Tim pa Jomoor 13:52

Jofonjirok ma Antiok jopoŋ gi kisangala i cuny jo kanyacel gi Cuny Maleŋ.

Tim pa Jomoor 9:31

Gikenyo kitipa pa jom'oyeyo i Yuda gipi kodi Galili kodi Samaria obedo gi hola ma siem. Jokonyere aka jodongo i welo ro kony pa Cuny Maleŋ, munyo jowotho i kwo ma lworo Were.

Joroma 15:13

Were ma geno wok bonge wonyali poŋo win gi kisangala je kodi siem cungo kwoŋ yeyo mewin, ŋey geno mewin womedere dongo gi meni pa Cuny Maleŋ.

Joroma 8:6

Ketho paro i gigipiny manyadel meno tho, to ketho paro i gigipiny manyacuny meno limo kwo kodi siem.

1 Jokorintho 1:30

Were am'okelo win i riwirok gi Kristo Yesu, to loko Kristo bedo rieko mawan, tiro mawan gi leŋo mawan, kodi cul mareco mawan to walimo siem.

1 Jokorintho 4:20

Kole ker pa Were k'obedo nyaka luwo kende, t'obedo meni.

1 Jokorintho 6:9

Wikuya ni joreco jokibino donjo i Ker pa Were? Moro wokiri wowondi win: Ongoye jokidakana, kosa jolami cal makicar, kosa mon ma jotana delkwoŋ jo i timo giwickwot, kosa jotimi cot, kosa joma timo kidakana cwo gi cwo wadi gin aka mon bende gi mon wadi gin,

1 Jokorintho 8:8

To cemo k'ama keli wan cegin gi Were; odoko wakikeŋ gimoro kada wakicemo, kendo wakilim gimoro kada wacem.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

Jogalasia 5:22

To Cuny Maleŋ nyak gigipiny me: Mar, kisangala, siem, diyo cuny, wor, bero, genirok,

Jofilipi 2:1

Ka kwo mewin i Kristo nyalo medo win miseni, kosa mar pere nyalo dwoko cuny win, kosa winyalo riwirok i Cuny, kosa winitie gi wor kodi cwako jowoti win,

Jofilipi 3:3

Kole wan ayino ama watieko limo thumirok mar'adieri, wan ma walamo Were gi meni pa Cuny Maleŋ, aka wayumere i Kristo Yesu. Odoko wakikethi geno moro kwoŋ thumirok ma del,

Jofilipi 3:9

ŋey abedi i go. Aka adoko akibedi gi tiro paran won, i royo ma kuro Cik, to pama anitie gi tiro ma wok bongi Were, aka ma cungo kwoŋ yeyo Kristo.

Jofilipi 4:4

Sangala win i Rwoth noknok; adoko awaco ni sangala win!

Jofilipi 4:7

Aka siem pa Were ma kalo kama dhano oŋey'iye je, bino kuro paro mewin gi cuny win maber, i Kristo Yesu.

Jokolosia 1:11

Weyi Were woloki win jom'otegino gi meni ma wok i dwoŋ pere m'oasere, ŋey winyal ciro gimoro je gi diyo cuny kodi kisangala.

1 Jothesalonika 1:6

Wilokere joma luwo wan kodi Rwoth; aka kada wicandere tektek, wijolo mikwenda gi kisangala ma wok bongi Cuny Maleŋ.

1 Jothesalonika 2:12

Waruma win gi miyo win miseni, wadiyo cuny win, aka wakwayo win nike kwo mewin wobedi ma sangala Were, ma lwoŋo win donjo i Ker kodi i dwoŋ pere.

Joebulaniya 13:9

Wikiri wiyey fonji m'opokere ma k'otire woyway win wok i royo m'otire. Ber ka cuny wan onwaŋo meni wok i nema pa Were, makiweno i kuro cik ma mako kwoŋ cemo, ma kikony kada joma kuro cik ago.

1 Petero 1:8

Wimaro go kada fodi wikineno go; wiyeyo go, kada pama wikinen go; aka winigi kisangala ma didwoŋ ma kiwacere,

2 Petero 1:1

Balwa m'owok bongi Simon Petero, jatic kendo jamoor pa Yesu Kristo. Ri joma i tiro pa Were mawan kendo Jaboth, Yesu Kristo, omiy jo yeyo ma diwelo paka mawan.