Joroma 12:3 - KITAWO MALEŊ Catholic

³ Aka gi mic ma nema ma Were omiyan awaco gime ri wijoje: Wikiri wipar ni win malo loyo kama di wipar'iye. Kucel, bedi win milengela i paro mewin, kisi dhano kwoŋ win, ma ripo gi yeyo ma Were omiyo go.

KITAWO MALEŊ

³ Aka gi mic ma nema ma Were omiyan awaco gime ri wijoje: Wikiri wipar ni win malo loyo kama di wipar'iye. Kucel, bedi win milengela i paro mewin, kisi dhano kwoŋ win, ma ripo gi yeyo ma Were omiyo go.

Joroma 12:3 ပူးပေါင်းရင်းမြစ်များ

Agecin 25:27

K'obedo gimaber camo mo kic mathoth, kosa rango dwoŋ i wi dwoŋ.

Agecin 26:12

Dhano mariek ruwaŋe, kiri jamiŋo nitie gi geno loyo go.

Jafonji 7:16

Ikir'iasa timo gim'otire, aka ikir'iasa bedo mariek, raŋo irey kwo perin?

Mika 6:8

Rwoth otieko nyuthin gimaber, in nyatoro, aŋo ma Rwoth mitin itim, ka k'obedo timo tiro, nyutho kisa, kodi woth gi mwolo iy'acel gi Were perin?

Luka 18:11

Jafarisayo ocungo to kwayo ni, ‘Were afoyin nike akical jomegi ma jomay ji gigipiny, jodiy wadi gin, jocot paka ji man, aka maloyo meno akical jacoki misolo me.

Yohana 3:34

Ŋata Were ooro, luwo wac pa Were, rupiri Were miyo go Cuny Maleŋ m'opoŋ ma k'obuyo.

Joroma 1:5

I go Were omiyan nema ma bedo jamoor ri Kristo, ŋey atel ji ma nonin je jowoyey odoko jowowinji or.

Joroma 11:20

Meno otire, ojwer woko jo rupiri jok'oyeyo, to wikiri wibedi gi paro ma pakirok kwoŋ gime; kucel, bedi win gi lworo ayino.

Joroma 11:25

Amito ni winiaŋ nyaliŋliŋ me, wutmera, ŋey wikiri wipar ni wiriek swa: Wictek pa ji ma Isiraili k'obedo makiwire, to bino bedo cuka welo kwan pa Jopath ma mitere jowobin bongi Were worom.

Joroma 12:16

Nyuthi win dhano je cuny maber marom. Wikiri wibedi jokwoto, to joli win tic kada ma piny. Wikiri wibedi gi paro ni wiriek.

1 Jokorintho 15:10

To ro nema pa Were, abedo ŋat'abedo, aka nema ma go otimo ran k'obedo ma bukony. Kucel, atieko tiyo matek loyo jomoor man je, kada k'obedo tic paran won, to nema pa Were ma nikodan ama tiyo.

1 Jokorintho 3:10

Cungo kwoŋ nema ma Were omiyan, atimo tic paka jandijo ma geto m'oketho tiendi ot, aka ŋatiman am'onyo geto i kore. Aka dhano je ripo gwoko paka go medo tic kwoŋ ot no.

1 Jokorintho 7:17

Dhano je ripo doŋ i kwo ma Rwoth olwoŋ'iye go. Me a cik ma afonjo i kitipa pa jokristo je.

2 Jokorintho 10:13

To wan, yumirok mawan k'okali kew; bino bedo i kew ma tic ma Were oketho riwan, ma rwako kiri tic mawan riwin iye.

2 Jokorintho 12:13

Aŋo ma wikeŋ loyo kitipa pa jom'oyeyo man, kwanyo woko nike akikwayo win kony. Mondo cwakan win kwoŋ kibenga no!

2 Jokorintho 12:7

To ma jukan ŋey akir'akwoti gi pakirok ro menyirok ma urere m'aneno, okethi kwoŋan gima cale okudho, ma tiyo paka jamikwenda pa Sitan ma wocandan aka wojukan akir'abedi gi kwoto.

Jogalasia 6:3

Ka moro paro ni go gimoro, ma to go ongoye gi dwoŋ moro meno won miŋere.

Joefeso 3:2

kono witieko winjo paka Were gi nema pere omiyan timo tic riwin:

Joefeso 3:4

Ka wisoma gim'andiko, wibino ŋeyo paka aniaŋ kwoŋ nyaliŋliŋ pa Kristo,

Joefeso 4:16

I can pere, adec m'opokere ma del gipi joriwere kanyacel gi fuc ma riwo jo. Am'omiyo ka kisi adec tiyo paka mitere aka del gipi dongo i mar.

Jofilipi 2:13

Kole Were ama tiyo i win, ma miyo wiyeyi aka winyal timo atoŋa pere.

Jokolosia 1:29

Am'omiyo atiyo tektek munyo aoro meni m'oasere ma Kristo poko, ma tiyo i an.

Jokolosia 2:13

Kad'obedo ni con oyido witho i cuny win ro reco mewin, odoko rupiri oyido wibedo Jopath, ma jokithumere, to Were ocwako riwin reco mewin je, munyo omiyo wan kwo kanyacel gi Kristo.

1 Timothe 1:14

Rwoth okonjo ran nema pere m'oasere to miyan yeyo gi mar manitie i Kristo Yesu.

1 Timothe 2:15

To kad'ameno, dhako bino limo both i nywolo nyithindho, ka go ocwire i yeyo kodi mar gi leŋo, kodi kurok maber.

1 Timothe 2:9

Kendo amito ni mon joworuki nangin mabeyo ma ripo, gi gwokirok; ma jok'ocowo paro pajo i kedo wic ma yodirok, kosa jaŋo kwoŋ gin thiwino ma zahabu kosa atege ma welo kosa ruk ma welo ma malo.

Tito 2:12

Ŋono no fonjo wan weyo kwo ma kilwor Were kodi awanya ma piny, bedo gi dhumirok i kwo, bedo gi tiro, gi kwo m'olworo Were i piny ka,

Tito 2:2

Waci ri jodongo jowobedi joma dhumo cuny gin, joma nigi kinen, jomariek; jowobedi jom'ocwiny i yeyo pajo, i mar, kodi iciro teko.

Tito 2:4

ŋey jowofonji mon mathindho maro cwogi jo gi nyithindho pajo,

Tito 2:6

Odoko bende, fonji yac ma nyaka ay manyen dhumo kwo pajo.

Yakobo 4:6

To Were nyutho wan nema mathoth loyo. Am'omiyo ndiko waco ni, “Were ciro japakirok, to nyutho ŋata mwol ayino nema.”

1 Petero 1:13

Am'omiyo yik win paro mewin ma tic; bedi ma widhumo cuny win, aka kethi win geno mewin je kwoŋ nema ma bino riwin k'onyuthi Yesu Kristo kamaler.

1 Petero 4:11

Nyatoro je ma fonjo wac pa Were ripo fonjo paŋini obedo wac pa Were won; nyatoro je ma timo tic wotim gi meni ma Were miyo go, aka ŋey i gimoro je womiy Were pak kwoŋ Yesu Kristo, madwoŋ gi meni obedo apere, cil gi cil. Ameno.

1 Petero 4:7

Gik gimoro je orikere ocore cegin, am'omiyo bedi win milengela kendo ma widhumo kwo mewin aka winyal kwayo.

1 Petero 5:5

Ameno bende, wijoma fodi soye wiripo winjo jotel mewin gi mwolo. Aka wijoje ruki win mwolo ma tiyo ri jowoti win pa nanga; kole ndiko waco ni, “Were lwenyo gi jopakirok, to miyo joma wegi jobwonere nema.”

1 Petero 5:8

Bedi win ma wiŋeyo dhumo kwo mewin ma wineno. Kole jakwor mewin, jwogi, riwo piny pa simbwor ma hola, munyo rango nyatoro m'omwony.

3 Yohana 1:9

Andiko balwa macek ri kweth pa jokristo, to Diotirefe, ma mito bedo marapena i gimoro je, kiyeny dewo kwoŋ gim'awaco.