Joroma 12:2 - KITAWO MALEŊ Catholic

² Wikiri wiluw kula ma piny me, to bedi win ma wiwire i paro mewin, aka nyaka wibino ŋeyo mito pa Were; gimaber ma sangala go, odoko m'olony kicutho.

KITAWO MALEŊ

² Wikiri wiluw kula ma piny me, to bedi win ma wiwire i paro mewin, aka nyaka wibino ŋeyo mito pa Were; gimaber ma sangala go, odoko m'olony kicutho.

Joroma 12:2 ပူးပေါင်းရင်းမြစ်များ

Ezira 10:11

Onyo, tuci win reco mewin ri Rwoth, Were pa kwarere mewin, aka witim gima sangala go. Pokere win kwoŋ jopath ma jobedo i lowo mawan aka riemi win woko mon mewin ma jobedo jopath.”

Zabuli 119:103

Wac perin mit ran! Mit kiri loyo mo kic i dhokan.

Zabuli 119:128

Adieri aluwo fonji perin, adaki yo marac je.

Zabuli 119:174

Akuro both perin, Awi Rwoth, anwaŋo kisangala i cik perin.

Zabuli 119:72

Cik ma dhokin ber loyo ran, zahabu gi feza ganin.

Zabuli 119:97

Nga amaro cik perin, Awi Rwoth! Aparo kwoŋe ndelo gipi.

Zabuli 34:8

Apa tem neno nger ma Rwoth ber'iye. Josilwany a jono ma jopondo bonge.

Zabuli 51:10

Miyan adundo macil, Awi Were, aka kethi cuny manyen, m'otire i an.

Kitawo mar'ario mapa Musa m'ilwoŋo ni Wok 23:2

Ikir'iluw lwak ji i timo reco, kosa ka jomiyo jakony wiro tiro.

Ezekiel 18:31

Weyi win reco je ma witieko timo kwoŋan, aka wilimi cuny manyen kodi adundo manyen! Raŋo witho, awi ot pa Isiraili?

Ezekiel 36:26

Alamiyo win adundo manyen, t'aketho cuny manyen i win. Alakwanyo woko wok i delkwoŋ win adundo ma tele t'amiyo win adundo ma riŋo.

Matayo 13:22

Kodhi m'opodho i kudhin nyutho joma winjo mikwenda, to rembo ri kwo ma piny kodi maro ŋaŋo, diyo wac no piny to lokere gima kinyak.

Mariko 4:19

to rembo ri kwo ma piny me, kodi awanya ma ŋaŋo ma piny kodi giman mathoth jomwonyo wac to kinyak gimoro.

Yohana 14:30

Onyo akibino medo luwo kodi win mathoth, rupiri jadhum ma piny me bino. Go ongoye gi meni kwoŋan,

Yohana 15:19

Bedi wibedi ji pa piny, di piny omaro win paka ji pere. To ayero win wok i piny me, aka wikibedo apere; am'omiyo piny dak win.

Yohana 17:14

Amiyo jo mikwenda perin aka piny odak jo, rupiri jok'obedo ji pa piny paka an bende akibedo dhano pa piny.

Yohana 7:7

Ji ma piny kinyal dak win, to jodakan, rupiri amena waco rijo nike tim pa joreco.

Joroma 12:1

Am'omiyo, wutmera, ro wor pa Were m'oasere riwan, agoyo riwin koko me: Miy win delkwoŋ win ri Were paka cowirok makwo, maleŋ ma sangala go. Meno a lamo ma cuny ma wiripo cwayo rigo.

Joroma 13:14

Kucel ruki win Rwoth Yesu Kristo, aka wikiri wiwey hola ri del, ma timo awanya mere.

Joroma 7:12

Riameno Cik leŋ, aka or pa Were leŋ, otire, kendo ber.

Joroma 7:14

Waŋeyo ni Cik mako kwoŋ cuny, to an abedo dhano ma nigi del, m'otana paka ŋeca ri gimarac.

Joroma 7:22

Kwo ma cunyan sangala i cik pa Were,

1 Jokorintho 3:19

Kole gima piny tero paka rieko meno gimiŋo ri Were, rupiri ndiko waco ni, “Were ciko jomariek i rieko pajo.”

2 Jokorintho 4:4

Were ma piny me oumo paro pa joma k'oyeyo gi mudho, ŋey womoni jo neno lero ma Wac Manyen Maber ma nyutho dwoŋ pa Kristo m'obedo cal pa Were.

2 Jokorintho 5:17

Am'omiyo ka moro nitie i Kristo, go obedo cwec manyen: Gima con okadho woko, manyen ama obino.

Jogalasia 1:4

Kristo omiyo kwo pere ro reco mawan, ŋey wobothi wan kwoŋ ndir marac ma pama, i mito pa Were mawan ma Bawan.

Joefeso 1:18

Odoko akwayo nike paro ma cuny win woyawere ma neno lero pa Were, to wiŋeyo geno ma go olwoŋ'iye win, kodi silwany madwoŋ ma go ociko ji pere,

Joefeso 2:2

I ndir no oyido wiluwo yo mareco manyapiny; oyido wiluwo rwoth ma dhumo ker ma hongo malo, cuny ma pama dhumo ji ma jocayo Were.

Joefeso 5:17

Wikiri wibedi ma miŋmiŋ, to niaŋ win gima Were mito.

Jokolosia 1:9

Riameno, fodi wakikeŋ kwayo riwin, wok cuka wawinji kwoŋ win. Wakwayo Were wopoŋ win gi rieko ma ŋeyo gima go yenyo, gi rieko je kodi niaŋ ma Cuny miyo.

Jokolosia 3:10

aka onyo wiruko kwo manyen, ma Were, jacwec mere, hongo je loko manyen i cal pere won, ŋey wokel win i ŋeyo go maber odoco.

Jokolosia 4:12

Epafra, ma bende obedo acel kwoŋ win, kendo jatic pa Kristo Yesu bende m'otho win. Ndiri je go kwayo riwin gi maro madwoŋ, munyo kwayo Were womiy wicungi matek, ma witegino kareno wiridho paro ma timo gima Were yenyo.

1 Jothesalonika 4:3

Me a gima Were mito riwin. Ni wibedi maleŋ aka wiwey kicutho kwo ma kidakana.

Tito 3:5

go obotho wan; ki ro tic mabeyo moro m'onwaŋo wawegi watieko timo, to ro wor pere won. Go obotho wan gi lwoki ma Cuny Maleŋ omiyo wan gine nywolirok manyen kodi kwo manyen.

Yakobo 1:27

Yeyo ma Were Bawan tero paka yeyo m'otire m'ongoye rendirok a me: Kuro nyithindho kic kodi mon ma cwogi jo otho i candirok pajo, gi kurok kwoŋ reco ma piny.

Yakobo 4:4

Ji ma kigenere! Wikuya ni mako mere gi piny meno bedo i kwor gi Were? Ŋata mito mako mere gi piny meno mito bedo jakwor pa Were.

1 Petero 1:14

Paka nyithindho ma winjo Were, wikiri wiyeyi awanya macon m'onwaŋo winigine munyo fodi wikuya Were wodhum kwo mewin.

1 Petero 1:18

Ato wiŋeyo gim'ocul ma gonyo win woko kwoŋ kwo masisiri ma winwaŋo wok bongi kwarere mewin, aka gim'onyewo win no k'obedo gimoro ma nyekere woko paka zahabu kosa feza,

1 Petero 2:3

Kole ndiko waco ni, “Witieko bilo bero pa Rwoth.”

1 Petero 4:2

Riameno, wok gunyo ni, mito pa Were ama dhumo kwo pere gipi i piny ka makiweno awanya mareco ma del.

2 Petero 1:4

Ameno go omiyo wan, mic m'ociko madwoŋ swa kendo ma diwelo, ŋey ka walimo mic me wabino both kwoŋ reco manitie i piny ka ro awanya, to wadonjo i kula ma nyawerewere.

2 Petero 2:20

Kole k'inen oyido jotieko budhirok kwoŋ meni ma piny ma kelo tho, to joŋeyo Rwodhiwan kendo Jaboth mawan Yesu Kristo, aka odoko jomoko kendo i meni no to nyalo jo, meno kere nyutho ni jonitie marac rumacen loyo kacako.

1 Yohana 3:13

Am'omiyo wutmera, wikiri widhier ka ji ma piny jodak win.

1 Yohana 5:19

Waŋeyo nike wabedo apa Were aka piny gipi nitie i dhum pa Jaraco.

Menyirok ri Yohana 12:9

Bulir m'ombo no owit woko! Go a thwol macon ca, m'ilwoŋo ni Jwogi, kosa Sitan, m'owondo piny gipi. Owit go piny wi lowo gi jomalaika pere je.

Menyirok ri Yohana 13:8

Ji je ma jobedo i piny jobino lamo ogwaŋ no. Dwoŋ mere ni dhano je ma nyinge k'ondiki i kitawo pa jomakwo m'obedo apa Nyathi rombo m'oneki wok i cwec pa piny.