Joroma 12:15 - KITAWO MALEŊ Catholic

¹⁵ Sangala win gi joma sangala, ywak win gi joma ywak.

KITAWO MALEŊ

¹⁵ Sangala win gi joma sangala, ywak win gi joma ywak.

Joroma 12:15 ပူးပေါင်းရင်းမြစ်များ

Nehemia 1:4

Munyo awinjo wac me je, abedo piny t'aywak. Aywak aka ariyo kec ma ndelo m'oromo, kareno akwayo Were ma i polo.

Yobu 2:11

Merin pa Yobu adek jowinjo kwoŋ teko me je m'oyido opodho kwoŋ go, aka kisi dhano owok peco pere bino. Merin me jobedo Elifaz ma wok i tindi madwoŋ Teman, Bilidad ma wok i piny Suha, kodi Zofar ma wok i piny Namath. Joromo kanyacel kadho kweyo cuny gi yomo cuny Yobu.

Yobu 30:25

Kole an aywak gi ji ma jonitie i teko, aka awinjo litho ri jocandi.

Jafonji 3:4

Hongo ma oyo pigi waŋ jo, gi hongo ma nyero, hongo ma ywak, gi hongo ma miel.

Yeremia 38:12

Kenyo Ebed Melek Jaethopiya owaco ri Yeremia ama: Kethi okute kodi nangin i ywothin kodi thol. Yeremia otimo ameno.

Yeremia 9:1

Awi ka bedi wiyan oyido obedo waŋ pi, aka waŋan kama pigi waŋ jo wok'iye, ŋey anyal ywak wor g'odieceŋ ri ji paran ma jocandi m'oneki jo!

Luka 1:58

Joger pere kodi wade pere jowinjo ni Rwoth otimo rigo wor madwoŋ aka josangala swa gi go.

Yohana 11:19

aka Joyuda mathoth onwaŋo jobino limo Marita kodi Maria gi kweyo cuny jo i teko pajo ma tho p'omin jo.

Tim pa Jomoor 11:23

Munyo go otundo to neno nema pa Were m'oyido nikenyo, osangala to kwayo joje ni jowobedi gi genirok kodi adieri ruwaŋ Rwoth gi ridho madwoŋ;

1 Jokorintho 12:26

K'adec acel ma del olimo litho, adec m'odoŋ je jowinjo litho gine; k'adec acel omiy dwoŋ, wadi je josangala gine.

2 Jokorintho 11:29

Ka dhano nyap, abende abedo manyap gine; ka moro opodho i gimarac, kole awinjo gi rem.

2 Jokorintho 2:3

Andiko riwin balwa aka ŋey k'abino bongi win, ji ma d'omiyan kisangala kiri jowomiyan gut ayino. Kole ageno kwoŋ wijoje nike kisangala paran bedo mewin bende.

Jofilipi 2:26

Go yenyo swa neno wijoje, aka cunye ramo swa rupiri wiwinjo ni go oyido two.

Jofilipi 2:28

Am'omiyo ayikere oro go bongi win, ŋey wisangala ka wineno go kendo, to litho ma cunyan mojere woko.

Joebulaniya 13:3

Poyi win joma nitie i twec paŋini winitie i twec gi jo. Poyi win joma candere, paŋini wicandere gi jo.