Joroma 12:12 - KITAWO MALEŊ Catholic

¹² Weyi geno mewin womiy win kisangala, diy win cuny win i teko mewin, aka kway win Were hongo je.

KITAWO MALEŊ

¹² Weyi geno mewin womiy win kisangala, diy win cuny win i teko mewin, aka kway win Were hongo je.

Joroma 12:12 ပူးပေါင်းရင်းမြစ်များ

Zabuli 109:4

Jokiyere kodan, makada nende anyutho jo mar, kucel akwayo rijo.

Zabuli 37:7

Bedi liŋ ruwaŋ Rwoth, aka ikuri go moth, ikir'irembi kwoŋ jono ma joyindira kosa jono ma jobedo gi loyo i can pajo marac.

Zabuli 40:1

Akuro Rwoth moth; owire to winjo ywak paran.

Zabuli 62:8

Geni Were hongo je, ji paran, oy adundo perin ruwaŋe, Were obedo k'apondo mawan.

Agecin 10:28

Geno pa jom'otire gike mere obedo kisangala, to geno pa jokidakana kikel gimoro.

Agecin 14:32

Jokidakana ikengila jo gi tim pajo marac, to jom'otire jonwaŋo kapondo i tiro pajo.

Matayo 5:12

Yodere win aka wisangala, rupiri kemba mewin obedo m'oasere i polo. Me apaka cango jotimo kiri ri jotuci wac Were macon.

Luka 10:20

To wikiri wisangala ni cuny m'ocido jowinjo win; kucel sangala win ni nyingi win ondiki i polo ayino.”

Luka 21:19

Ciri win matek, kole me apaka wibino botho kwo mewin.”

Luka 8:15

To kodhi m'opodho i lowo ma diwa, meno a joma, munyo jotieko winjo wac, jomako maber i cuny jo, aka jonyak maber ro diyo cuny jo.”

Tim pa Jomoor 1:14

Joje jocokere kanyacel i bwora to jokwayo adhik, kanyacel gi mon, kodi Maria min Yesu, kodi wutmin Yesu.

Tim pa Jomoor 12:5

Ameno Petero obedo i od twec; to ji ma kitipa pa jom'oyeyo onwaŋo jokwayo Were rigo gi geregere madit.

Tim pa Jomoor 2:42

Aka jocwire kwoŋ fonji pa jomoor munyo jobedo i kweth acel, i cemo kodi i kwayo.

Tim pa Jomoor 6:4

Aka wawegi wabino liŋ i tic ma kwayo kodi fonji.”

Joroma 15:13

Were ma geno wok bonge wonyali poŋo win gi kisangala je kodi siem cungo kwoŋ yeyo mewin, ŋey geno mewin womedere dongo gi meni pa Cuny Maleŋ.

Joroma 15:4

Kole gimoro je m'ondiki i kitawo maleŋ ondiki ma fonjo wan, ŋey walimi geno i diyo cuny kodi i meni ma Ndiko Maleŋ miyo wan.

Joroma 2:7

Ji megi hongo je jotimo gima beyo, aka jorango dwoŋ pa Were gi wor kodi kwo makirum; aka Were bino miyo jo kwo makirum.

Joroma 8:25

To ka wageno gima wakinen, meno aka wakuro ginago ma wadiyo cuny wan.

1 Jokorintho 13:13

Onyo gigipiny adek me: Yeyo, geno kodi mar je joyindira, to mar ama loyo je.

2 Jokorintho 12:8

Didek akwayo Rwoth i wac me, ni wokwany woko gino.

Jofilipi 3:1

Aka macowe, wutmera, bedi win gi kisangala i Rwoth. Gik i gim'atieko ndiko con kijokan, aka meno medo gwoko win i yeyo.

Jofilipi 4:4

Sangala win i Rwoth noknok; adoko awaco ni sangala win!

Jokolosia 1:11

Weyi Were woloki win jom'otegino gi meni ma wok i dwoŋ pere m'oasere, ŋey winyal ciro gimoro je gi diyo cuny kodi kisangala.

Jokolosia 1:27

Kole Were oyiko wodho nyaliŋliŋ pere ri Jopath, jowoŋey ŋaŋo madwoŋ manitie i iye, aka manago Kristo manitie i win, ma miyo wigeno limo dwoŋ pa Were.

Jokolosia 4:12

Epafra, ma bende obedo acel kwoŋ win, kendo jatic pa Kristo Yesu bende m'otho win. Ndiri je go kwayo riwin gi maro madwoŋ, munyo kwayo Were womiy wicungi matek, ma witegino kareno wiridho paro ma timo gima Were yenyo.

Jokolosia 4:2

Bedi win jokinen i kwayo, munyo winitie milengela ka wikwayo gi foyo Were.

1 Jothesalonika 1:3

Kole wapoyo ruwaŋ Were mawan kodi Bawan paka wiketho yeyo mewin i tim, paka mar mewin omiyo witiyo matek, gi paka geno mewin i Rwodhiwan Yesu Kristo ocwiny.

1 Jothesalonika 5:8

To wan wakwo odieceŋ, aka waripo bedo milengela. Weyi waruki i kor wan yeyo kodi mar paka gilweny, gi geno kwoŋ both paka junga ma lweny.

2 Jothesalonika 1:4

Am'omiyo, wawegi wayumere gi win i dier kitipa pa jom'oyeyo Were. Wayumere gi kite ma wimedere gine ciro teko gi bedo kodi yeyo, i lweny je kodi i candirok ma win'iye.

2 Jothesalonika 3:5

Weyi Rwoth womiy wibedi gi mar pa Were i cuny win kodi ciro teko paka Kristo ociro.

1 Timothe 6:11

To in, dhano pa Were, eye kwoŋ gigipiny no je. Lweny ri tiro, lworo Were, yeyo, mar, ciro teko, kodi mwolo.

2 Timothe 3:10

T'itieko kikaŋasa fonji paran, kula paran, kodi atoŋa paran ma kwo. Itieko kikaŋasa yeyo paran, diyo cuny paran, mar paran, ciro paran,

Tito 2:13

munyo wakuro geno ma disilwany, gi menyirok madwoŋ mapa Were mawan madwoŋ m'oasere ma Jaboth,

Tito 3:7

nike paka otieko ketho wan i tiro gi nema pere, wanyal bedo nyithindho pere makayo kareno wageno lunjo kwo makirum.

Joebulaniya 10:32

Poyi win paka oyido winitie i ndir m'okadho, munyo wijolo lero pa Were, aka wicandere i royo m'omore, to lweny no k'olaco win.

Joebulaniya 10:36

Wiripo ciro candirok, ŋey witim gima Were yenyo to wilimo gima go ociko.

Joebulaniya 12:1

Am'omiyo, paka onyo wanitie gi lwak jokony madwoŋ m'othoko wan ameno, onyo weyi wakwanyi woko gimoro je ma riwere riwan i royo, kodi reco ma mito moko kwoŋ wan matek,

Joebulaniya 3:6

To Kristo ogenere paka Wod Were ma kuro ri Were ot. Aka kole waŋati wabedo ot pere ka wamedere gi miseni mawan kodi ridho geno ma wapakere gine.

Joebulaniya 5:7

I kwo pere i piny ka, Yesu odhiro kwayo kodi ywakirok pere gi pigi waŋe munyo koko malo ri Were, ma d'onyalo botho go kwoŋ tho. Aka Were owinjo go, rupiri go oyido ŋata mwol ma winjo Were.

Joebulaniya 6:12

Wakimiti nike wilokere manyap, to bedi win paka joma joyeyo ma jodiyo cuny jo cuka jolimo gima Were otieko ciko.

Joebulaniya 6:15

Aka munyo Abraham okudere to kuro, go olimo gima Were ociko.

Yakobo 5:7

Am'omiyo, wutmere, diy win cuny win, cuka Rwoth odwoki. Neni win paka jafur diyo cunye munyo kuro ni lowo pere wonyak rigo gima welo. Go kuro gino m'odiyo cunye cuka koth ma cwir kodi ma keco tundo.

1 Petero 4:13

Kucel sangala win nike wiriwere gi Kristo i candirok pere, ŋey rumacen kisangala wopoŋ i cuny win ka onyuthi dwoŋ pere.

1 Petero 4:7

Gik gimoro je orikere ocore cegin, am'omiyo bedi win milengela kendo ma widhumo kwo mewin aka winyal kwayo.

2 Petero 1:6

kodi kurok kwoŋ niaŋ; kwoŋ kurok mewin medi win ciro; kwoŋ ciro medi win lworo Were;

Menyirok ri Yohana 13:10

Ka nyatoro yenyere womaki, ibino mako go t'itweyo; ka nyatoro yenyere woneki kodi abor, iripo neko go kodi abor. Me nyutho ni ji maleŋ pa Were joripo ciro teko kodi genirok.