Joroma 11:33 - KITAWO MALEŊ Catholic

³³ Thutho ma ŋaŋo pa Were kodi rieko kodi niaŋ pere rom nedi! Ŋa manyalo tito paro ma go ocano? Ŋa manyalo niaŋ kwoŋ royo pere?

KITAWO MALEŊ

³³ Thutho ma ŋaŋo pa Were kodi rieko kodi niaŋ pere rom nedi! Ŋa manyalo tito paro ma go ocano? Ŋa manyalo niaŋ kwoŋ royo pere?

Joroma 11:33 ပူးပေါင်းရင်းမြစ်များ

Yobu 10:13

Kucel imako gigipiny me i cunyin, aŋeyo ni me oyido obedo atoŋa perin.

Yobu 15:8

Itieko ye winjo kwoŋ pido pa Were? In kendin iŋat'initie gi rieko?

Yobu 23:14

Go ketho i kare gima go ocano ran, aka nger gigipiny no thoth i paro pere.

Yobu 26:14

To me adieri obedo nger kende ma meni pere onener'iye, aka me kende a gima watieko winjo. To ŋa manyalo niaŋ derino ma meni pere?

Yobu 33:13

Raŋo ipiemo gi Were, gi waco ni go kidwoki kigeŋisa mawan?

Yobu 37:19

Fonji wan gima walawaco ri Were, akinyali kwoŋbedo wanitie i mudho.

Yobu 37:23

Meni pa Were dwoŋ ma wakinyali core cegin bonge, go dwoŋ i meni gi tiro, aka go otire noknok.

Yobu 5:9

Go timo gigipiny madongo aka m'opanere, gigipiny ma gir'aura ma kikwanere.

Yobu 9:10

Go ama timo gigipiny madongo ma kiniaŋere, gi gir'aura ma kikwanere.

Zabuli 139:6

Nger niaŋ no obedo ma gir'aura swa ran, oŋawere swa, yombo niaŋ paran.

Zabuli 145:3

Rwoth dwoŋ, aka iripo pako go gi pak ma malo, aka dwoŋ pere kiniaŋere.

Zabuli 36:6

Timo tiro perin cal gote, timo adieri perin cal lutho ma nam. Iŋat'idewo ri ji g'ogwaŋe.

Zabuli 40:5

Itieko timo gigipiny madit riwan, Awi Rwoth Were mawan, ongoye ŋata pimere kodin. Itimo riwan can ma gir'aura kweth, kabedi oyido atuci jo, welo pajo thoth ma kikwanere!

Zabuli 77:19

Royo perin oluwo i nam, ger perin i pi madwoŋ; kucel masembo perin k'onenere.

Zabuli 92:5

Tim perin nga dwoŋ, Awi Rwoth, Paro perin nga luth!

Zabuli 97:2

Pondeponde gi mudho thoko go, go dhumo m'otire kodi tiro.

Agecin 25:2

Obedo dwoŋ pa Were pano gigipiny, t'obedo dwoŋ ri kerin dwaro gigipiny.

Agecin 25:3

Paka polo oŋawere, aka piny luth, apaka paro pa kerin kiŋeyere.

Jafonji 3:11

Go otieko timo kisi gimoro je maŋon i hongo pere ma ripo, medo kwoŋ meno go oketho iy'adundin pajo ŋeyo gima nitie yumalo, kucel ji jokinyal niaŋ tic ma Were otieko timo wok i cako kiri i gike.

Jafonji 7:24

Gim'otieko bedo, nitie bor swa, aka thuth adieri, ŋa manyalo rango tiende?

Jafonji 8:17

Kenyo aparo kwoŋ tic pa Were je, ni ongoye ŋata nyalo nwaŋo gima timere i pendi waŋceŋ, kwoŋbedo makada nende dhano ool nedi rango, kucel go k'onwaŋ, aka makada nende ŋatariek opar ni oŋeyo, kucel go k'onyal nwaŋo.

Isaya 28:29

Gime bende wok bongi Rwoth pa lwak jolweny; go jamic rieko ma gir'aura, aka jarieko ma malo swa.

Isaya 40:28

Fodi ikiŋeyo? Fodi ikiwinjo? Rwoth obedo Were ma cil gi cil, jacwec ma witum ma piny. Go kiol kosa lacere, niaŋ pere kiŋeyere.

Joroma 2:4

Kosa miti icayo bero pere m'oasere, ka diyo cunye gi ji aka kudere. Adieri iŋeyo ni Were ber rupiri go temo tero win i ŋuto!

Joroma 9:23

Aka iŋeyo nedi, kole ka Were otimo ameno ma mito nyutho dwoŋ pere m'oŋaŋ ri joma go kidho nyutho jo wor pere, ma go oyiko jolo i dwoŋ pere.

1 Jokorintho 2:10

To Were onyutho wan nyaliŋliŋ me luwo i Cuny Maleŋ pere. Ato Cuny Maleŋ udo gimoro je, kada gimoro m'opanere kamadiny i Were.

Joefeso 1:7

Kole remo pa Kristo okelo riwan siem, kodi cwaki mareco mawan, ro nema pa Were m'oasere

Joefeso 2:7

Otimo ama ma nyutho nema pere m'oŋaŋ m'oasere, munyo timo riwan bero i Kristo Yesu.

Joefeso 3:10

Nike i ndir ma pama, luwo kwoŋ kitipa pa jom'oyeyo, Were wonyuthi jodhum, kodi jomeni ma cuny ma wi hongo malo rieko pere gi thenethene mere m'omore.

Joefeso 3:16

Akwayo Were ni cungo kwoŋ dwoŋ pere m'oasere, womiy win meni i cuny win, gi meni pa Cuny Maleŋ pere.

Joefeso 3:18

ŋey win kodi jomaleŋ je winyal niaŋ kwoŋ laco, gi boro, gi ŋawirok kodi thutho ma mar pa Kristo.

Joefeso 3:8

Kad'oyido aŋat'aasa thin kwoŋ jomaleŋ je, omiyan nema me ma tito ri Jopath Wac Manyen Maber kwoŋ ŋaŋo pa Kristo ma bu gike.

Jokolosia 1:27

Kole Were oyiko wodho nyaliŋliŋ pere ri Jopath, jowoŋey ŋaŋo madwoŋ manitie i iye, aka manago Kristo manitie i win, ma miyo wigeno limo dwoŋ pa Were.