Joroma 10:6 - KITAWO MALEŊ Catholic

⁶ To me a gima ndiko waco kwoŋ ketho dhano i tiro gi Were ro yeyo: “Ikir'iwaci i cunyin ni, ‘Ŋat'oidhi i polo?’ ” (Dwoŋ mere ni dwoko Kristo i piny ka).

KITAWO MALEŊ

⁶ To me a gima ndiko waco kwoŋ ketho dhano i tiro gi Were ro yeyo: “Ikir'iwaci i cunyin ni, ‘Ŋat'oidhi i polo?’ ” (Dwoŋ mere ni dwoko Kristo i piny ka).

Joroma 10:6 ပူးပေါင်းရင်းမြစ်များ

Agecin 30:4

Ŋa m'otieko idho polo to loro piny, aka ŋa m'otieko coko koyo i cinge. Ŋa m'otieko mino pi i nanga, aka ŋa m'otieko nwaŋo gike ma piny? Ŋata go ilwoŋo nedi aka nyathi pere ilwoŋo nedi? Adieri iŋeyo.

Yohana 6:33

Rupiri mugat ma Were miyo obedo ŋata loro piny wok i polo aka miyo piny kwo.”

Yohana 6:38

Kole abino i piny wok i polo timo gima ŋat'ooran yenyo, makiweno gim'awon ayenyo.

Yohana 6:58

Am'omiyo me obedo mugat m'obino wok i polo; kicale kodi mugat ma kwarere win jocamo to jotho. Ŋata camo mugat me bino kwo cil gi cil.”

Joroma 3:22

Were ketho ji i tiro kwoŋ yeyo pajo i Yesu Kristo ayino. Were timo gime ri ji je ma joyeyo Kristo, rupiri pokirok ongoye.

Joroma 3:25

ma Were oketho paka cowirok, ŋey gi tho pere go wolokere royo ma cwako reco pa ji cungo kwoŋ yeyo pa dhano. Were otimo ameno ma nyutho tiro pere, rupiri i ndir m'okadho, go odiyo cunye to weyo ma k'okwano reco pa ji;

Joroma 4:13

Were ociko Abraham kodi nyikwaye ni piny me bino bedo apajo. Cikirok me otim, ki kwoŋbedo Abraham okuro Cik, to rupiri go oyeyo aka Were okwano go paka ŋat'otire.

Jofilipi 3:9

ŋey abedi i go. Aka adoko akibedi gi tiro paran won, i royo ma kuro Cik, to pama anitie gi tiro ma wok bongi Were, aka ma cungo kwoŋ yeyo Kristo.

Joebulaniya 1:3

Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

Joebulaniya 11:7

Yeyo am'omiyo Nowa owinjo wac pa Were kwoŋ gigipiny ma go oyido fodi k'oneno. Go owinjo Were, to geto ye ma go gi peco pere joboth'iye. Ro yeyo pere go okwero reco m'oyido timere i piny, aka olimo bongi Were tiro ma wok i yeyo.