Joroma 10:3 - KITAWO MALEŊ Catholic

³ Fodi jok'oniaŋ royo ma Were keth'iye gi go ji i tiro gine, aka wegi jotieko temo cwogo royo pajo; am'omiyo jok'ojolo royo ma Were keth'iye gine ji i tiro.

KITAWO MALEŊ

³ Fodi jok'oniaŋ royo ma Were keth'iye gi go ji i tiro gine, aka wegi jotieko temo cwogo royo pajo; am'omiyo jok'ojolo royo ma Were keth'iye gine ji i tiro.

Joroma 10:3 ပူးပေါင်းရင်းမြစ်များ

Nehemia 9:33

Itimo gim'otire miyo wan gir'acula, kole itimo adieri, to watimo gikidakana.

Yobu 33:27

Ŋato lawaco ri joman ni, “Atimo reco, aka aweyo timo gim'otire, t'akilimo gir'acula.

Zabuli 71:19

gi tim perin m'otire, Awi Were tundo i polo, In m'itieko timo gigipiny madongo, Awi Were, ŋa ma cale in?

Isaya 51:1

Winjan win, win ma widwaro both, win ma wirango Rwoth. Ŋiy win tele kama wiwok'iye, kam'iŋiny'iye telin m'okuny'iye win.

Isaya 51:6

Tiŋi waŋ win malo i polo, aka wiŋiy pendi piny. Kole polo larere paka yiro, piny lati paka nanga, aka jono ma jobed'iye jolatho paka lwaŋino. To both paran bedo cil gi cil aka loyo paran langoye gi gike.

Isaya 51:8

Kole masirigi lacamo jo paka nanga, aka kudin lacamo jo paka famba; to loyo paran labedo ma cil gi cil, kodi both paran ri luse je.

Isaya 56:1

Me apaka Rwoth waco: Kur win tiro, aka witim gim'otire, kole both paran cegin bino, aka gony paran lanyuthere.

Isaya 57:12

Alakedho kamaler tiro mewin gi tic mewin, to jok'okony win.

Isaya 64:6

Wajoje watieko lokere ŋata koc, aka tim mawan maber je cal okuto. Wathwo paka boke, aka reco mawan kudho wan, paka koyo.

Ywakirok 3:22

Mar pa Rwoth makiwire kirum, aka wor pere kitundi i gike.

Jolevi 26:41

ŋey an rumacen, amedi kwero jo t'akelo jo i piny pa jokwor pajo; ka onyo adundo pajo matek pa tele omwole to joweyo timo reco,

Luka 10:29

To paka ŋato onwaŋo yenyo nyutho tiro pere, openjo Yesu ni, “Nyawotan a ŋa?”

Luka 16:15

Yesu owaco rijo ni, “Winyuthere ri ji ni wibeyo, to Were oŋeyo cuny win. Kole gima ji paro ni ber m'oasere, ama bedo gim'ongoye kiri gi kony ruwaŋ Were.”

Joroma 1:17

Kole Wac Manyen Maber nyutho paka Were ketho ji i tiro gine luwo kwoŋ yeyo, wok i cakirok tundo i gike. Ato randik waco ni, “Ŋat'okethi i tiro gi Were bino kwo gi yeyo.”

Joroma 10:2

Kole anyalo ridho ni cuny jo omaro Were, to maro pajo kicungi kwoŋ niaŋ m'otire.

Joroma 10:20

Aka Isaya nigi miseni madwoŋ ka waco ni, “Jom'onwaŋo jokirangan ama jonwaŋan; Amenyere ri jom'onwaŋo jokipenjan kada.”

Joroma 11:7

Onyo aŋo to? Gima Joisiraili jorango tektek jok'onwaŋo; jom'oyer ama jonwaŋo, to jom'odoŋ jobedo gi cuny jo matek.

Joroma 3:22

Were ketho ji i tiro kwoŋ yeyo pajo i Yesu Kristo ayino. Were timo gime ri ji je ma joyeyo Kristo, rupiri pokirok ongoye.

Joroma 3:26

to i ndir ma pama go kaŋasa reco pa ji, ma nyutho paka go won otire, aka go ama kwanyo woko banja kwoŋ ŋata nitie gi yeyo i Yesu.

Joroma 5:19

Ato paka kibenga manyaturo cik pa ŋat'acel oloko ji kweth jogimarac, apaka bende winjo cik pa ŋat'acel miyo iloko ji kweth jom'otire.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

Kitawo mar'abic mapa Musa m'ilwoŋo ni Cik 6:25

Ka wakuro or gibe gi kinen ruwaŋ Rwoth Were mawan, paka omiyo wan or, walatimo gim'otire.”

Jofilipi 3:9

ŋey abedi i go. Aka adoko akibedi gi tiro paran won, i royo ma kuro Cik, to pama anitie gi tiro ma wok bongi Were, aka ma cungo kwoŋ yeyo Kristo.

2 Petero 1:1

Balwa m'owok bongi Simon Petero, jatic kendo jamoor pa Yesu Kristo. Ri joma i tiro pa Were mawan kendo Jaboth, Yesu Kristo, omiy jo yeyo ma diwelo paka mawan.