Joroma 10:10 - KITAWO MALEŊ Catholic

¹⁰ Ato dhano yeyo gi i cunye to ikwanyo woko banja kwoŋe; aka tuco gi dhoke to limo both.

KITAWO MALEŊ

¹⁰ Ato dhano yeyo gi i cunye to ikwanyo woko banja kwoŋe; aka tuco gi dhoke to limo both.

Joroma 10:10 ပူးပေါင်းရင်းမြစ်များ

Mariko 9:23

Yesu odwoko ni, “K'inyalo kendo ayin! Gimoro je nyalere ri dhano man gi yeyo.”

Luka 8:15

To kodhi m'opodho i lowo ma diwa, meno a joma, munyo jotieko winjo wac, jomako maber i cuny jo, aka jonyak maber ro diyo cuny jo.”

Tim pa Jomoor 8:37

[Filipo owaco rigo ni, “Inyalo kibatisa in k'iyeyo gi cunyin je.” Ana go ni, “Ayeyo ni Yesu Kristo obedo Wod Were”].

Joroma 10:11

Kole ndiko waco ni, “Moro je ma yeyo go k'onwaŋ wickwot.”

Joroma 10:9

Rupiri k'ituco gi dhokin ni, “Yesu meno Rwoth.” Aka iyeyo i cunyin nike Were ocerino go kwoŋ jom'otho, ibino both.

Jogalasia 2:16

To waŋeyo ni dhano iketho i tiro gi Were i yeyo kwoŋ Yesu Kristo, makiweno i timo gima Cik waco. Kole ongoye ŋat'iketho i tiro gi Were i timo gima Cik waco.

Jofilipi 3:9

ŋey abedi i go. Aka adoko akibedi gi tiro paran won, i royo ma kuro Cik, to pama anitie gi tiro ma wok bongi Were, aka ma cungo kwoŋ yeyo Kristo.

Joebulaniya 10:22

onyo weyi wacore cegin gi Were, gi cuny wan je, gi yeyo m'ocowere, gi cuny m'otiek lonyo m'odoko kiwinji banja, gi del m'olwok gi pi m'olony.

Joebulaniya 3:12

Kure win, jowotan, aka moro kwoŋ win wokiri wobedi gi cunye marac ma kiyey ma eye woko kwoŋ Were makwo.

1 Yohana 4:15

Ŋata tuco ni Yesu obedo Wod Were, Were bedo i go aka go bende bedo i Were.

Menyirok ri Yohana 2:13

Aŋeyo ni kam'ibed'iye, a kama Sitan ojeng'iye kom pere ma dhum. T'icwire i nyingan, aka ikiweyo medirok gi yeyo perin kwoŋan kada i ndir ma Antipa, jakony paran m'ogenere onek'iye i tindi mewin kenyo kama Sitan bed'iye.