Joroma 1:13 - KITAWO MALEŊ Catholic

¹³ Poyi win gime wutmera, ndir mathoth ayiko bino limo win, to hongo je gimoro geŋan. Atieko yenyo swa ywayo jomegi i yeyo i dier win bende, paka atieko timo i dier Jopath.

KITAWO MALEŊ

¹³ Poyi win gime wutmera, ndir mathoth ayiko bino limo win, to hongo je gimoro geŋan. Atieko yenyo swa ywayo jomegi i yeyo i dier win bende, paka atieko timo i dier Jopath.

Joroma 1:13 ပူးပေါင်းရင်းမြစ်များ

Isaya 27:6

I ndelo ma bino, nyikway Yakobo jolarwako fuc, Isiraili lathiwo to ketho withe, aka lapoŋo piny gibe g'olemo.

Yohana 12:24

Adieri awaco riwin, ka nyingi kal moro k'opidhi i lowo to tho, go doŋadoŋa acel mangil. To k'otho, nyaka nywolo nyingi kal kweth.

Yohana 15:16

Wiŋati wikiyeran, aŋat'ayero win aka adimo win ni wikidhi winyak olemo kweth. Meno aka nyaka Baba bino miyo win gimoro je ma winokway go i nyingan.

Yohana 4:36

Ŋata keco limo kemba, aka ameno go coko gim'onyak ri kwo makirum, ŋey jacwoyo kodi jakeco je jowosangala kanyacel.

Tim pa Jomoor 1:15

Munyo ndelo okadho manok, romo pa jom'oyeyo obedo (ma romo ji cegin miya acel), to Petero cungo to luwo.

Tim pa Jomoor 14:27

Munyo jotundo Antiok, jocoko ji ma kitipa pa jom'oyeyo kanyacel to jowaco rijo gimoro je ma Were otimo gi jo; kendo paka onyo oyawo royo ri Jopath ma yeyo.

Tim pa Jomoor 15:12

Gikenyo jom'ocokere je joliŋ to jowinjo Barinaba kodi Paulo munyo jonuŋanuŋa ri ji gir'aura je kodi gigipiny ma kelo dhier ma Were otimo i dier Jopath.

Tim pa Jomoor 19:21

Munyo gigipiny me otieko timere, Paulo oyiko paro ma luwo yu Makedonia gi Akaya aka wokidhi Yerusalem. Go owaco ni, “K'atieko kidho koro, aripo neno Roma bende.”

Tim pa Jomoor 21:19

Paulo omotho jo to miyo jo wac je kwoŋ gimoro je ma Were oyido otieko timo i dier Jopath i tic pere.

Tim pa Jomoor 28:14

Wanwaŋo jom'oyeyo jowoti wan moro kenyo ma jokwayo nike wabedi gi jo ma sabiti acel. Wok kenyo aka watundo Roma.

Joroma 1:12

Dwoŋ mere ni win, kodan, wabino nwaŋo kony kiromo, win i yeyo paran aka an i yeyo mewin.

Joroma 11:25

Amito ni winiaŋ nyaliŋliŋ me, wutmera, ŋey wikiri wipar ni wiriek swa: Wictek pa ji ma Isiraili k'obedo makiwire, to bino bedo cuka welo kwan pa Jopath ma mitere jowobin bongi Were worom.

Joroma 7:1

Wikuya, wutmera, k'aluwo gi joma joŋeyo cik, ni cik dhumo dhano kende ka go fodi kwo?

1 Jokorintho 1:10

Agoyo koko riwin wutmera i nyingi Rwodhiwan Yesu Kristo: Yere win wijoje, i gima wiwaco, aka nyaka tiakirok wokiri wobedi i dier win; riwere win swa munyo winitie gi paro acel kodi atoŋa acel.

1 Jokorintho 10:1

Wutmera, amito wipoy gim'otimere gi kwarere mawan ma joluwo Musa. Joje jowotho i pendi pondeponde, aka joje joluwo i dier Nam M'obokere.

1 Jokorintho 12:1

Onyo, wac ma mako kwoŋ mic ma wok bongi Cuny Maleŋ, amito winiaŋ odoco kwoŋe, wutmera.

1 Jokorintho 14:20

Wikiri wibedi pa nyithindho i paro mewin, wutmera; bedi win nyithindho i gima mako kwoŋ reco, to wibedo jom'otegino i paro mewin.

1 Jokorintho 14:26

Wutmera, gim'awaco dwoŋ mere aŋo? Ka wiromo kanyacel i kwayo, ŋat'acel nitie gi wer, ŋatiman gi fonji, ŋatiman gi menyirok ma wok i wac pa Were, ŋatiman dhodhok m'opokere, aka ŋatiman jatiti dwoŋ dhodhok no. Gimoro je wobedi ma konyo kitipa pa jom'oyeyo.

1 Jokorintho 9:2

Kada nende akibedo jamoor ri joman, to aripo bedo riwin! Kole win a ranyuth nike abedo jamoor.

2 Jokorintho 1:8

Wakimiti wibedi ma wikuya, wutmin wan, teko ma walimo iy'adec ma Asia. Bieto m'oyim riwan obedo madwoŋ aka mapek swa, m'omiyo oyido wakigen kiri kwo kendo.

2 Jokorintho 2:14

To Were wofoy rupiri go noknok telo wan i loyo lweny i Kristo. Were oro wan paka jomikwenda pere ma miyo Kristo woŋeyere ri ji je pa ŋwece kur ma tweyo piny.

Jogalasia 3:15

Wutmera, weyi akel ranen kwoŋ gima kisi ndelo: Ka j'ario joyere kwoŋ wac moro to jotimo cikirok i ndiko, ngoye ŋata nyalo turo cikirok no kosa medo kwoŋe gimoro.

Jogalasia 6:18

Weyi nema pa Rwodhiwan Yesu Kristo wobedi kodi wijoje, wutmera gi nyimera. Ameno.

Jofilipi 1:22

To ka amedere gi kwo i del, meno abino medo timo tic maber man; onyo akuya gima ripo ni ayer.

Jofilipi 4:17

K'obedo nike arango limo mic; to amito ni womedi win magowa i migowe kani mewin.

Jokolosia 1:10

Wakwayo ameno ŋey kwo mewin wobedi paka Rwoth mito, to witimo gima sangala go hongo je. Kwo mewin bino nyak kiti tic mabeyo je, aka wibino medere gi ŋeyo Were.

Jokolosia 1:6

Wac Manyen Maber me otieko bino riwin, aka nyay ka medere i piny je, paka onyay i dier win wok i ndelo ma wipen winj'iye kwoŋ nema pa Were to wiŋeyo adieri mere je.

1 Jothesalonika 2:18

Aka onwaŋo wayenyo dwoko bongi win. Iy'adieri an Paulo, atemo kiri dwoko dikweth, to Sitan cego riwan royo.

1 Jothesalonika 4:13

Wutmera, amito wiŋeyi odoco kwoŋ jom'otho, aka nyaka wik'okumi pa joma jongoye gi geno.

2 Jothesalonika 2:7

Kole meni manyaliŋliŋ ma miyo ji kwero lworo cik otieko cako tic; to ŋata geŋo gino bino timo ameno cuka okwany woko go i royo.

2 Timothe 4:17

To Rwoth obedo kodan aka omiyan meni, am'omiyo anyalo tuco mikwenda je ri Jopath jowowinji. Aka obothan i laki Simbwor.