Jolevi 4:35 - KITAWO MALEŊ Catholic

³⁵ Go lawaro woko bor je, paka bor ma wod rombo ma cowirok ma mic ma siem. Jacway ri Were i wi migam lawaŋo i wi migam, paka mic m'iwaŋo ri Rwoth. Ameno jacway ri Were i wi migam lamiyo mic ma cwako reco perin ri reco m'itimo, aka ilacwako rin.

KITAWO MALEŊ

³⁵ Go lawaro woko bor je, paka bor ma wod rombo ma cowirok ma mic ma siem. Jacway ri Were i wi migam lawaŋo i wi migam, paka mic m'iwaŋo ri Rwoth. Ameno jacway ri Were i wi migam lamiyo mic ma cwako reco perin ri reco m'itimo, aka ilacwako rin.

Jolevi 4:35 ပူးပေါင်းရင်းမြစ်များ

Jolevi 12:8

K'inen go kinyal kelo rombo, go lakelo akuru ario kosa njiwin ario, acel ma mic awaŋa kodi man ma mic ma cwako reco. Jacway ri Were i wi migam latimo cowirok ma cwako reco rigo, aka go labedo m'olony.”

Jolevi 14:18

Aka mo m'odoŋ manitie i cingi go bino ketho i wiy ŋat'ilonyo. Kenyo to jacway ri Were i wi migam to timo tim ma cul mareco pere ruwaŋ Rwoth.

Jolevi 14:53

go bino weyo winyo makwo to kadho woko ma tindi madwoŋ kam'othangere; onyo go bino timo tim ma ŋuto reco ri ot, to lokere m'olony.”

Jolevi 15:15

Jacway ri Were i wi migam lamiyo jo, acel ri mic ma cwako reco kodi acel ri mic awaŋa; to jacway ri Were i wi migam miyo cowirok ma lonyo rigo ruwaŋ Rwoth kwoŋ tuti pere.”

Jolevi 19:22

Aka jacway ri Were i wi migam latimo cowirok ma cwako reco rigo gi wod rombo ma mic ma cul ruwaŋ Rwoth ri reco pere m'otimo; aka ilacwako rigo.

Jolevi 4:20

Go latimo gi thwon me paka otimo gi thwon ma mic ma cwako reco. Jacway ri Were i wi migam lamiyo mic ma cwako reco pajo, aka ilacwako rijo.

Jolevi 4:26

Bor mere je go lawaŋo i wi migam, paka bor ma cowirok ma siem. Ameno jacway ri Were i wi migam lamiyo mic ma cwako reco pere, aka ilacwako rigo.

Jolevi 5:10

Aka mar'ario go lamiyo paka mic awaŋa cungo kwoŋ kwer mere. Ameno apaka jacway ri Were i wi migam lamiyo mic ma cwako reco perin m'itimo, aka ilacwako rin.

Jolevi 5:13

Ameno jacway ri Were i wi migam lamiyo mic ma cwako reco perin m'itimo, aka ilacwako rin. Paka mic ma cemo manyinge, m'odoŋ labedo apa jacway ri Were i wi migam.

Jolevi 5:6

Ilakelo ri Rwoth, paka cul ma reco m'itimo, min rombo kosa min diel, paka mic ma cwako reco. Jacway ri Were i wi migam latimo rin cowirok ma cwako reco perin.

Jolevi 6:7

Jacway ri Were i wi migam latimo cowirok ma cwako reco perin ruwaŋ Rwoth, aka ilacwako rin ri gim'inotimi je to miyin bedo jabanja.

Jolevi 9:7

Musa owaco ri Aron ni, “Core cegin gi migam aka itimi cowirok perin ma mic ma cwako reco kodi mic awaŋa perin, aka itimi cowirok ma cwako reco perin kodi apa ji. Tim cowirok ma mic pa ji, aka itimi cowirok ma cwako reco pajo, paka Rwoth owaco.”

Kwan 15:25

Jacway ri Were i wi migam bino timo kwer ma ŋuto ri kweth pa Isiraili je, aka ibino cwako jo; jotimo ma jok'oŋeyo, aka onyo jokelo mic pajo, mic awaŋa ri Rwoth, kodi ma ŋuto reco ruwaŋ Rwoth, ro komo pajo.

Kwan 15:28

Jacway ri Were i wi migam bino timo kwer ma ŋuto ruwaŋ Rwoth i migam ma lonyo ŋat'otim kibenga, aka ibino cwako rigo.

Joroma 10:4

Kole Kristo am'obedo kama Cik gik'iye, ŋey nyaka dhano je ma yeyo wokethi i tiro gi Were.

Joroma 4:25

Ojala Yesu ri tho ro reco mawan, aka ocerino go i kwo ŋey wokwan wan i tiro gi Were.

Joroma 8:1

Pama onyo kidok kethi banja kwoŋ jomakwo pajo nitie i Kristo Yesu,

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

Joefeso 5:2

Wiripo bedo gi mar paka Kristo omaro wan to miyo kwo pere ro wan paka cowirok maŋwe kur ri Were.

Jokolosia 1:14

ma walimo both i go, t'icwako reco mawan.

Joebulaniya 1:3

Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

Joebulaniya 4:14

Weyi wacwire matek kwoŋ yeyo ma watuco ni wan gine, paka kere wanitie gi jadwoŋ mapa jocway ri Were i wi migam, m'oasere gi dwoŋ m'obedo Yesu Wod Were won, m'otieko kidho i polo.

Joebulaniya 7:26

Jadwoŋ pa jocway ri Were i wi migam, ma kite no, ama nyalo konyo wan i gima wayenyo. Ato go leŋ, ongoye kodi kibenga kosa gimarac moro, olony, m'opok kwoŋ joreco, aka otiŋ go malo kalo polo.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

1 Petero 2:22

Ndiko waco ni, “Go k'otimo gimarac moro, aka ongoye twodo m'owok i dhoke.”

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Yohana 1:7

To ka kwo mawan nitie i lero paka go won nitie i lero, meno wanitie i riwirok gi jowoti wan, aka remo pa Yesu, Wod Were, loko wan m'olony kwoŋ reco je.

1 Yohana 2:2

Go won a cowirok ma miyo icwako reco mawan, to ki reco mawan kende, to reco pa ji je ma piny.