Jolevi 26:36 - KITAWO MALEŊ Catholic

³⁶ To paka ri jono ma joboth, aladhiro apodha cuny iy'adundin pajo i piny pa jokwor pajo; derino ma boke yath m'igweyo lamiyo jo lworo, aka jolaŋwec paka ŋata ŋweco kwoŋ abor, aka jolapodho m'ongoye ŋata riemo jo.

KITAWO MALEŊ

³⁶ To paka ri jono ma joboth, aladhiro apodha cuny iy'adundin pajo i piny pa jokwor pajo; derino ma boke yath m'igweyo lamiyo jo lworo, aka jolaŋwec paka ŋata ŋweco kwoŋ abor, aka jolapodho m'ongoye ŋata riemo jo.

Jolevi 26:36 ပူးပေါင်းရင်းမြစ်များ

Cakirok 35:5

Aka munyo jowotho, lworo madwoŋ wok bongi Were opodho kwoŋ tindin madongo m'oyido cegin kenyo, ma jok'onyalo riemo wot Yakobo.

Cakirok 4:12

K'inotem furo cemo, lowo kilanyak gimoro je; aka ilangoye gi peco aka ilabedo jawoth kicar.”

2 Kigana kwoŋ Kerin 14:14

Kenyo jonyalo turo tindin madongo m'othoko Gerar, rupiri oyido jopoŋ gi lworo ri Rwoth. Jonyaga tindin madongo je aka jomako gigipiny.

Yobu 13:25

Ilabwoko boke ma koyo kudho, kosa ilariemo kanja m'othwo?

Zabuli 53:5

Jonitie i teko madwoŋ, ma fodi k'obino wok cene. Were lakedho cokin pa ji ma bu Were, wickwot lamako jo, kole Were ojwango jo.

Zabuli 53:6

Aka bedi gonyirok pa Isiraili wok i Zayon! Ka Were dwoko silwany pa ji pere, Yakobo lasiemere aka Isiraili lakisangala.

Zabuli 89:43

Iloko gilweny pere m'ongoye kony, aka iweyo okengila go i lweny.

Agecin 28:1

Jokidakana joringo makada nende ongoye ŋata riemo jo, to ŋat'otire jamisen paka simbwor.

Isaya 30:17

Ji gana kwoŋ win jolaringo k'acel obwok win, wilaringo k'abic jobwok win, cuka winodoŋ, paka luth ma bendera wi got, paka ranyuth i wi tendere.

Isaya 7:2

Munyo okow ri ker ma Yuda ni Siria oyido jonitie i riwirok gi Isiraili, cuny go gi ji pere opodho aka jokirin paka yen ma yengere ro kudho pa koyo.

Isaya 7:4

Waci rigo wogwokere, wobedi liŋ, aka wokiri wobwoki kosa cunye wopodhi ro kasik mac ario ma duny yiro me, i nge pa Kere Rezin gi Siria gi wod Remalia.

Yeremia 37:10

Makada nende oyido wikengila jolweny gibe ma Babilon ma jolwenyo gi win, to doŋ nyaka cwo ma jolimo litho i wema pajo, jonyalo ay malo kendo to jowaŋo tindi madwoŋ me gi mac.

Yeremia 46:16

Jolweny mewin jocer to jopodho, kisi dhano owaco ri nyawote ni, biye, weyi wagiki bongi ji mawan, i piny ma wanywolere iye, aka waboth abor ma reyo wan woko.

Ywakirok 1:3

Yuda otieko kadho i twec gi candirok, i tic arom matek. Go onyo bedo i dier nonin, aka ongoye gi kaywomirok. Joma joriemo go jotieko kikengila go, i kidamba pere.

Ywakirok 1:6

Dwoŋ pa Zayon orumo woko, jotel pere jolokere amudhe, ma kinyal nwaŋo lum, joŋweco m'ongoye meni, ruwaŋ ŋata riemo jo.

Ywakirok 4:19

Joma joriemo wan oyido jodwir, loyo ango ma ay malo i polo, joriemo wan wi gote, aka jokuro wan i thim.

Ezekiel 21:12

Ywak, aka uja, wod dhano, abor me oyiki ri ji paran, kodi jodhum ma Isiraili je. Abor kidho neko jo, kanyacel gi ji paran. Awi, pay emin.

Ezekiel 21:15

Cuny jo podho, aka kweth jocer. I waŋkac pajo je, atieko ketho abor. Awi, otim ma pilin paka lithkoth, omin ma neki.

Ezekiel 21:7

Aka ka jopenjin ni, “Raŋo iuja?” Dwoki jo ni, “Kwoŋbedo mikwenda ma bino. K'obin, cuny jo lapodho aka cingi jo lanyapere, kisi adundo lagore piny, aka congi jo laukere paka pi. Neni ee, bino aka latundo i kare. Rwoth Were waco.”

Hoseya 8:3

Isiraili otieko kwero bero; jakwor lariemo go.

Jolevi 26:17

Alacomo waŋan kwoŋ win, to jokwor mewin jolareyo win; jokwor mewin joladhumo win, aka wilaŋwec m'ongoye kada ŋata riemo win.

Jolevi 26:35

Hongo je ma piny obedi m'ojwangere, labedo gi ywomirok m'oyido fodi k'obedo gine i sabato mewin munyo wibed'iye.

Kitawo mar'abic mapa Musa m'ilwoŋo ni Cik 1:44

Joamor m'oyido jobedo i piny matendere jowok monjo win aka joriemo win paka kic timo. Jogoyo win kiri piny i Edom tundo kiri i Horima.

Yosuwa 5:1

Munyo kerin je mapa Joamor yombo Yordan yupodho ceŋ, kodi kerin je mapa Jokanan yuthenge ma nam, jowinjo ni Rwoth othwo woko pi ma Yordan ri Joisiraili cuka jotieko por loka, cuny jo opodho, aka miseni moro kendo k'obedo i jo, kwoŋbedo Joisiraili.

Yosuwa 7:5

to cwo ma Ay joneko cegin cwo piero adek g'aucel kwoŋ jo, to joriemo jo dho waŋkac tundo kiri Sebarim, to joneko jo i kamaloro. To cuny Joisiraili podho to lworo mako jo.

1 Samwiri 17:24

Munyo jolweny pa Joisiraili joneno Goliath, jobwok to joringo.