Jolevi 26:31 - KITAWO MALEŊ Catholic

³¹ Alathango tindin mewin madongo, alaloko kamaleŋ mewin kam'ojwangere, aka ak'oŋwey kur ma cowirok mewin.

KITAWO MALEŊ

³¹ Alathango tindin mewin madongo, alaloko kamaleŋ mewin kam'ojwangere, aka ak'oŋwey kur ma cowirok mewin.

Jolevi 26:31 ပူးပေါင်းရင်းမြစ်များ

Cakirok 8:21

Kur ma cowirok osangala Rwoth to waco i cunye ni, “Doko akibino kwoŋo piny kwoŋbedo ji, rupiri wok i thino pajo paro pajo reco. Doko akibino reyo kisi cwec makwo paka atimo.

2 Kerin 22:19

aka ipusere t'imwole ruwaŋan, iyeco nangin perin t'iywaki munyo iwinjo nger m'atisa miyo Yerusalem kodi ji mere gir'acula. Abino miyo wobedi kabedo ma bwoko jo, kabedo ma ji jobino oro nyinge ma kwoŋo. To atieko winjo kwayo perin,

2 Kigana kwoŋ Kerin 36:19

Kere ma Babilon owaŋo woko Ot pa Were, tindi madwoŋ, gi peco pa kere kodi lim mere, aka oturo piny kor ot ma tindi madwoŋ.

Nehemia 1:3

Jodwokan ni, “Ji ma jodwoko wok i twec jonitie gi teko kweth swa aka jonitie i wickwot. Kor ot ma Yerusalem otur aka owaŋ waŋkace mere gi mac.”

Nehemia 2:17

Kenyo awaco rijo ni, “Wineno teko ma wanit'iye, nger ma Yerusalem odoŋ gunda aka waŋkace mere owaŋ! Biye win, weyi wageti kendo kor ot ma Yerusalem, ŋey wickwot me worum.”

Nehemia 2:3

aka adwoko kere ni, “Weyi kere paran woyindira! Waŋan obedi nedi gi siem, munyo tindi madwoŋ, kam'oyik'iye kwarere paran odoŋ gunda aka waŋkace mere mac oreyo woko?”

Isaya 1:7

Piny mewin ojwangere, tindin mewin madongo iwaŋo gi mac, kareno wineno ama. Jokicar josika lowo mewin, ojwangere paka jopath jomako.

Isaya 6:11

Kenyo apenjo ni, “Kiri keraŋo Awi Rwoth?” Aka go odwoko ni, “Cuka tindin madongo othangere, m'ongoye ji ma jobed'iye, aka udi ongoye ji, to lowo doŋ nono kicutho.

Isaya 63:18

Ji perin maleŋ jobedo i Kabedo Maleŋ perin ma hongo macek, jokwor mawan jotieko nyono piny.

Isaya 64:9

Awi Rwoth, ikir'imaki nge tektek, aka ikir'ipoy reco cil gi cil. Neni, dew ni wajoje wabedo ji perin.

Isaya 66:3

Ŋata thumo mirikwa cale gi ŋata neko dhano, ŋata ma miyo cowirok ma rombo, cale gi ŋata turo ŋuti gwok, ŋata miyo mic ma cemo manyinge, cale gi ŋata miyo cowirok ma remo mbiji; ŋata timo mic ma rapoy ma buban, cale ŋata miyo cal makicar silwany. Jome joyero yo pajo wegi, aka cuny gin siemere i mienirok pajo.

Yeremia 22:5

To ka wik'owinji wac me, awon akwoŋere, Rwoth waco, ni ot me bino lokere gunda.”

Yeremia 26:6

nyaka alaloko ot me paka Silo, aka alaloko tindi madwoŋ me kwoŋ ri nonin je ma i piny.

Yeremia 26:9

Raŋo iluwo i nyingi Rwoth, k'iwaco ni, Ot me lacale Silo, aka tindi madwoŋ lajwangere, m'ongoye ji? To ji jocokere thoko Yeremia i Ot pa Rwoth.

Yeremia 4:26

Awiro waŋan t'aneno, piny m'oyido nyak olemo oyido otieko lokirok thim, aka tindin mere madongo je oyido jotieko lokere gundin ruwaŋ Rwoth, ruwaŋ nge pere mager.

Yeremia 4:27

Kole Rwoth Were waco ama: Piny gibe ladoŋ m'ojwangere, kucel ak'orey woko kicutho.

Yeremia 4:7

Simbwor otieko wok i kapondo pere, jarey nonin otieko wok woko; otieko wok woko wok i kabedo pere ma reyo woko piny; tindin mewin madongo ma Yuda joladoŋ gundin m'ongoye ŋat'obed'iye.

Yeremia 44:2

Rwoth pa lwak jolweny, Were pa Isiraili waco ama: Wiwegi witieko neno teko m'atieko kelo kwoŋ Yerusalem kodi tindin je ma Yuda. Ŋiy win jo, konon jodoŋ gundin m'ongoye ŋata bedo i jo,

Yeremia 44:6

Ameno nge paran kodi keme paran oliel kwoŋ tindin ma Yuda kodi i royin ma Yerusalem, aka jolokere gundin ma kiber anena paka fodi jonitie kiri konon.

Yeremia 52:13

Nebuzaradan owaŋo Ot pa Rwoth, cel pa kere, kodi udi pa ji madongo je ma Yerusalem;

Yeremia 9:11

Me apaka Rwoth waco, “Alaloko Yerusalem gundin m'opanga, kabedo ma kibwe jobed'iye; tindin madongo ma Yuda jolalokere thim, kabedo m'ongoye ŋata bed'iye.”

Ywakirok 1:1

Yerusalem, tindi madwoŋ odoŋ kakende nedi, tindi madwoŋ m'oyido opoŋ'iye ji kweth! Go ma cango nonin woro, onyo pama olokere citho. Go m'oyido obedo nyakere, onyo pama timo tic arom.

Ywakirok 1:10

Jakwor otieko yaro cinge, kwoŋ gigipiny pere je ma welo, go otieko kiri neno nonin, ka jomonjo Ot pa Were pere, jono m'oyido iwodho or, nike jokiri jowobin i cokirok perin.

Ywakirok 2:6

Go oturo piny Ot pa Rwoth pere paka ndelo, go oreyo woko ot pere. Rwoth okwanyo woko i Zayon, kalima kodi sabato, aka i keme pere go omiyo, kere kodi jacway ri Were i wi migam winjo meni ma nge pere.

Ywakirok 2:7

Rwoth okwero woko migam pere, to jwango Ot pa Were. Go omiyo i cingi jakwor, kor ot ma cel pa kere, ji jowoy i Ot pa Rwoth, paka i ndelo ma kalima m'oyik.

Ezekiel 12:20

Tindin madongo ladoŋ gundin, aka lowo ladoŋ nono, kenyo wilaŋeyo ni An Abedo Rwoth.”

Ezekiel 21:15

Cuny jo podho, aka kweth jocer. I waŋkac pajo je, atieko ketho abor. Awi, otim ma pilin paka lithkoth, omin ma neki.

Ezekiel 21:7

Aka ka jopenjin ni, “Raŋo iuja?” Dwoki jo ni, “Kwoŋbedo mikwenda ma bino. K'obin, cuny jo lapodho aka cingi jo lanyapere, kisi adundo lagore piny, aka congi jo laukere paka pi. Neni ee, bino aka latundo i kare. Rwoth Were waco.”

Ezekiel 24:21

waco ri Joisiraili ni Rwoth Were waco ama: Acegin koco kamaleŋ paran, kwoto ma meni mewin, yodirok ma waŋ win, kodi awanya ma cuny win; aka nyithindho mewin ma wiweyo i Yerusalem ilaneko jo.

Ezekiel 6:6

I kabedo mewin je, tindin madongo mewin labedo gundin, aka ilareyo woko udi ajwoka mewin to josika. Migame mewin ilaŋinyo woko aka calin mewin jolangoye, ilatoŋo piny migame mewin ma waŋo buban, t'iyweyo woko tic mewin.

Ezekiel 9:6

Neki win cwo m'oti, yac kodi nyir, nyithindho kodi mon, to wikiri wigeyi jono ma jonitie gi ranyuth; aka wicaki i kabedo paran maleŋ.” Ameno jocako gi jodongo m'oyido jonitie yuwaŋ ot.

Amos 7:9

Abino reyo woko kabedo je, ma nyikway Isaka jolam'iye. Abino kisika woko Kabedo Maleŋ je i Isiraili. Abino kelo ker pa Yerobowam i gike.

Mika 3:12

Riameno kwoŋbedo win ibino furo Zayon paka ndelo, Yerusalem bino cale kidhur gundin, aka tendere ma Ot pa Were bino lokere lul.

Zefania 3:6

Atieko reyo woko nonin, kor udi kodi acurcur pajo odoŋ gunda, atieko kisika woko thoyo pajo, m'ongoye ŋata luw'iye, tindin madongo pajo aloko gunda, m'ongoye ji, m'ongoye gima bed'iye.

Luka 21:24

Ibino neko jo g'abor, t'itero jo paka ŋecin i piny moro je, aka Jopath jobino wotho wi Yerusalem cuka ndir ma dhum pajo orum kicutho.”

Tim pa Jomoor 6:14

Aka wawinjo munyo go waco nike Yesu ma Nazareth me bino ŋinyo woko Ot pa Were to wiro woko kula je ma wanwaŋo bongi Musa!”

Joebulaniya 10:26

Kole ongoye cowirok man m'odoko bino kwanyo woko reco ka watimo reco atoŋa ma to oyido watieko ŋeyo adieri.