Jolevi 21:15 - KITAWO MALEŊ Catholic

¹⁵ ŋey wokiri wokoc nyithindho pere i dier ji pere; rupiri An abedo Rwoth ma loko go maleŋ.”

KITAWO MALEŊ

¹⁵ ŋey wokiri wokoc nyithindho pere i dier ji pere; rupiri An abedo Rwoth ma loko go maleŋ.”

Jolevi 21:15 ပူးပေါင်းရင်းမြစ်များ

Cakirok 18:19

Atieko yero go ni wogwok nyithindho pere gi nyikwaye luwo yo pa Rwoth ka jotimo tiro, ŋey Rwoth wokel rigo gim'otieko ciko.”

Ezira 2:62

Jome jodwaro nyingi jo kam'ondik'iye nyingi ji aka jok'onwaŋo, riameno k'oyey jo tic paka jocway ri Were i wi migam.

Ezira 9:2

Kole cwo Joyuda jonywomo mon jopath, aka onyo kodhi maleŋ oruwere gi ji ma lowo me, aka jotel gi jodhum ama jotelo i tim me.”

Kitawo mar'ario mapa Musa m'ilwoŋo ni Wok 34:16

Wot win jonyalo nywomo nyir jopath, ma jonyalo miyo jo ngoye g'adieri ran to jolamo werin pa jopath.”

Jolevi 19:2

Luw gi lwak pa Joisiraili aka iwaci rijo ni: Bedi win maleŋ rupiri An Rwoth Were mewin aleŋ.

Jolevi 20:7

Riameno lokere win maleŋ, aka wibedi maleŋ; rupiri An abedo Rwoth Were mewin.

Jolevi 21:14

Citho, kosa dhako m'oeye, kosa dhako m'otiek nindo gine, kosa malaya, jome go kiripi nywomo; to go ripo nywomo dhako mambula wok i nono pere won,

Jolevi 21:16

Rwoth oluwo gi Musa ka waco ama:

Jolevi 21:8

Aka witer go paka ŋataleŋ, rupiri go miyo cemo pa Were mewin; go wobedi maleŋ riwin; rupiri An Rwoth, ŋata loko win maleŋ, aleŋ.

Jolevi 22:16

lamiyo jo jowotimi banja ma mito mic ma culo banja, ka jocam gigipiny pajo maleŋ; kole An abedo Rwoth, aketho jo gicen paka jomaleŋ.”

Malaki 2:11

Ji ma Yuda jongoye g'adieri, aka jotimo gikoc i Isiraili gi Yerusalem; rupiri Yuda otieko koco Ot pa Rwoth ma lamo ma go omaro. Cwo jonywomo nyir ma jolamo werin pa jopath.

Malaki 2:15

Were k'ocweyo win del acel kodi cuny acel gi go? Atoŋa pere oyido aŋo i gime? Oyido obedo ni wibedi gi nyithindho manyawere. Ameno neni win ni ongoye kwoŋ win ŋata turo cikirok pere gi cege.

Matayo 23:17

Jomamiŋ ma waŋ jo otho! Aŋo maloyo dwoŋ, zahabu kosa Ot pa Were ma loko zahabu no maleŋ?

Joroma 11:16

Kole k'adec ma cemo m'omiy Were paka gima nyak marapena leŋ, meno cemo no gipi bende leŋ; aka k'inen tiendi yath leŋ, meno kiri jange bende leŋ.

1 Jokorintho 7:14

Kole Were jolo jacwo m'ongoye gi yeyo ro riwirok gi cege, aka dhako m'ongoye gi yeyo bende Were jolo ro riwirok gi cwore ma jakristo. Bedi k'obedo ameno, di nyithindho pajo jobedo paka nyithindho manyakafir; to paka nitie, Were jolo jo.