Jogalasia 4:4 - KITAWO MALEŊ Catholic

⁴ To munyo hongo m'oyik otundo, Were ooro Wode won, ma dhako won bende am'onywolo, aka obedo i Cik pa Joyuda,

KITAWO MALEŊ

⁴ To munyo hongo m'oyik otundo, Were ooro Wode won, ma dhako won bende am'onywolo, aka obedo i Cik pa Joyuda,

Jogalasia 4:4 ပူးပေါင်းရင်းမြစ်များ

Isaya 7:14

Riameno Rwoth won gipi lamiyo win ranyuth. Neni, nyako mambula lagamo iye to nywolo wode aka ilacwoko nyinge ni Manwer.

Joroma 1:3

Me obedo Wac Manyen Maber ma mako kwoŋ Wode, Rwodhiwan Yesu Kristo, m'onywol paka nyakwar Daudi;

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Mariko 1:15

Go owaco ni, “Ndiri otundo, aka Ker pa Were ocore cegin. Ŋuti win reco mewin, aka wiyeyi Wac Manyen Maber.”

Yohana 3:16

Kole Were omaro piny tektek to miyo Wode acel g'acel, ni nyatoro je ma yeyo go wokiri wotho to wobedi gi kwo makirum.

Matayo 1:23

“Nyako mambula bino gamo iye, to nywolo nyathi majayac, m'ibino cwoko nyinge ni Manwer.” Dwoŋ mere ni, “Were nigi wan.”

1 Yohana 4:14

Aka wawegi waneno aka onyo wawaco ri joman nike Bawan odhiro Wode bedo Jaboth ri piny.

Joefeso 1:10

Can pa Were ma go bino cowo timo ka ndir otundo, ma kelo cwec je kanyacel, gi gimoro je man polo kodi man piny, kareno Kristo a jatel mere.

Luka 2:7

Go onywolo wode makayo to umo gi nangin pa nyithindho, to pielo i wer ma dhok cem'iye rupiri kabedo k'onwaŋere rigo i ot wendo.

Joroma 8:3

Gima Cik k'onyalo timo ro nyapo ma del pa dhano, Were onyalo timo. Othumo banja loyo gimarac ma del, munyo ooro Wode won, m'obino i cal ma del pa dhano ma jagimarac, aka wonyali reyo woko gimarac.

Luka 1:35

To malaika waco rigo ni, “Cuny Maleŋ bino loro kwoŋin, aka meni pa Were Madwoŋ Maloyo bino umin; am'omiyo nyathi m'ibino nywolo ibino lwoŋo ni ŋataleŋ, Wod Were.

Yohana 6:38

Kole abino i piny wok i polo timo gima ŋat'ooran yenyo, makiweno gim'awon ayenyo.

Yeremia 31:22

Ilawiro paro kiri keraŋo, Awi ji paran ma jongoye g'adieri? Kole Rwoth otieko cweyo gimanyen i piny, go lagwoko go paka dhako gwoko jacwo.

Joebulaniya 2:14

Paka nyithindho obedo ma del gi remo, Yesu bende olokere paka jo i del, aka nyaka i tho pere worey woko jwogi, manitie gi meni kwoŋ tho,

Yohana 10:36

onyo winowaci ri ŋata Were ooro i piny ni go luwo gima k'otire kwoŋ Were ni rupiri awaco ni abedo Wod Were?

Zekaria 6:12

Iwaci rigo ni, Rwoth pa lwak jolweny waco ni, ‘Neni, jal ma nyinge obedo Jangi yath; kole go ladongo i kabedo pere to geto Ot pa Rwoth.’

Isaya 48:16

Core win cegin kodan, winji win gime! Wok i cakirok akiluwo aponda, aka je timere ma an bende aneno. Aka onyo pama Rwoth Were ooran gi Cuny pere.

Cakirok 3:15

Abino ketho kwor i dier in gi dhako, aka i dier nyithindhin gi nyithindho pere. Nyithindho pa dhako jobino ŋinyo wiyin, aka ibino toŋo fundi jo.”

1 Timothe 3:16

M'ongoye kiganagana, nyaliŋliŋ ma yeyo mawan dwoŋ: Go onenere i cal pa dhano, Cuny Maleŋ onyutho paka go otire, aka jomalaika joneno go. Ofonji kwoŋ go i piny je, oyey go i piny gipi, aka oter go i polo.

Joroma 15:8

Kole awaco riwin ni Kristo olokere jatic pa jom'othumere (Joyuda) ma nyutho nike Were genere, ma miyo cikirok pa Were m'otimo gi kwarere wan wotundi i kare,

Tim pa Jomoor 1:7

Yesu owaco rijo ni, k'obedo tic mewin ŋeyo ndir kodi hongo ma Baba won oyiko gi meni pere;

Luka 1:31

Kole ibino gamo iyin, t'inywolo wodin; aka ibino cwoko nyinge ni Yesu.

Matayo 3:15

To Yesu odwoko go ni, “Weyi watim ameno pama. Kole i tim me wabino tiro gimoro je ma Were yenyo.” To Yohana yeyo.

Cakirok 49:10

Yuda bino mako luth pa kere, aka nyikwaye wangi jobedo jodhum. Piny jobino kelo ri mic to jokule ruwaŋ go i wor.

1 Yohana 4:2

Me apaka winonyali ŋeyo ŋata nitie gi Cuny pa Were: Moro je ma waco ni Yesu Kristo olokere dhano meno ma wok bongi Were.

Joebulaniya 9:10

Jobedo nyaka cemo, gir'amadha, kodi tim m'omore ma lonyo del. Gino je oyido obedo nyaka cik ma woko, m'onwaŋo tiyo nyaka tundo ndir ma cikirok manyen oyido kidho caker'iye.

Jokolosia 2:14

Were oreyo woko gim'onwaŋo ondiki kwoŋ wan marac, gi cik mere m'oyido yenyo kwoŋ wan gigipiny kweth, to kwanyo woko kicutho munyo oguro gino kwoŋ musalaba.

Joroma 9:5

jowok kwoŋ kwarere wan macon, aka Kristo, paka dhano, onywole wok i dier jo. Weyi Were ma dhumo gimoro je, wopak cil gi cil. Ameno.

Yohana 8:42

Yesu owaco rijo ni, “Bedi Were a Bawin adieri, di wimaran, rupiri awok bongi Were aka onyo an ka. Akibino gi wi tungan, to go ama ooran.

Matayo 5:17

Wikiri wipar nike abino ka kwanyo woko Cik pa Musa kodi fonji pa jotuci wac Were, t'abino nyutho dwoŋ mere mar'adieri ayin.

Malaki 3:1

Neni, adhiro jamikwenda paran yiko ran yo, aka Rwoth ma widwaro labino abwap i ot pere ma lamo. Go ma wimito neno labino tito cikirok paran.

Kwan 28:22

Wiripo bende miyo wod diel acel paka mic ma cwako reco, ma cwako reco pa ji.

Joroma 5:6

Munyo fodi oyido wanyap, Kristo otho ri joreco i hongo ma Were oyero. Raŋo ameno?

1 Timothe 2:6

m'omiyere ma botho ji je. Meno obedo gir'anena, i hongo m'otire, ni Were mito ji je jowobothi.

Luka 20:44

Kole Daudi olwoŋo go ni Rwoth. To go nyalo nedi kendo bedo nyakwar Daudi?